Ég verð að vera ósammála þér þarna, marsering er ekki bara einfaldlega ganga.
Þú gætir allt eins sagt að dans sé bara ganga ef þú æltar að fullyrða að marsering sé bara einfaldlega ganga.
Þegar þú marserar í dansi þá eru mörg mismunandi spor til sem fylgja öll takti tónlistarinnar, sem er einmitt það sem dans gengur útá, að fylgja sporum í takt við tónlist. Þó það sé vissulega gengið meira í marseringu en flestum öðrum tegundum dans (svo sem samkvæmisdönsum, suður-amerískum dönsum og fleirum) þá er samt ekki hægt að segja að marsering sé eingöngu ganga!
Þegar þú minnist á marseringu í lúðrasveit þá er vissulega minna rými til sérstakra dansspora, eða svo hefur raunin í það minnsta verið hér á Íslandi. Mér verður hins vegar hugsað til skólahljómsveita í Bandaríkjunum við þetta, þar sem oft er heilmikil sýning í tengslum við íþróttaviðburði þar í landi, eins og fótboltaleiki (aðallega amerískum fótbolta) þar sem hljómsveitirnar ganga oft um völlinn eftir fyrirfram ákveðnum leiðum sem oft eru flóknar og krefjast oftar en ekki jafnmikillar æfingar og að læra að spila sjálft lagið sem spilað er á meðan marserað er um völlinn (eða dansað í raun, með hljóðfærin með sér).

Niðurstaðan er því sú að ég get bara engan veginn verið sammála þér í því að marsering sé bara ganga :)