Væntanlega er A+ = 10 (ef það er það hæsta sem þú getur fengið.

Myndi giska á að D væri í kringum 5 (ef þú færð D fyrir eðlisfræðitilraun hjá mér, þarftu að endurtaka hana)

Svo Er F bara pjúra fall.


Þú getur væntanlega fyllt í eyðurnar þarna sjálf

Þeir skipta hverju bili í þrennt, þ.e. gildi, mínusgildið og plúsgildið. T.d. A+, A og A-. Miðað við að A+, það hæsta, sé 10, og F sé fall, þá lítur þetta svona út:

A+ = 10
A = 9,65
A- = 9,35
B+ = 9
B = 8,65
B- = 8,35
C+ = 8
C = 7,65
C- = 7,35
D+ =7
D = 6,65
D- = 6,35
E+ = 6
E = 5,65
E- = 5,35
F+ = 5
F = 4,65

En þar sem ég hef verið í skóla sem notar svona einkunnakerfi og oft þurft að reikna út stafaeinkunn miðað við tölueinkunn, get ég sagt þér að þetta er ekki mjög nákvæmt, en nokkurnveginn svona:

A+ = 10
A = 9
B = 8
C = 7
D = 6
F = 5

E er yfirleitt ekki notað. Samkvæmt þessum skala er auðveldara að falla þarna en hjá okkur, maður þarf að fá 6 til að ná. Þetta er semasgt gróf uppbygging á þessu, plúsarnir og mínusarnir eru svo ekki jafn fastir, stundum mismunandi hvernig kennarar nota þá, en plúsarnir bæta yfirleitt svona 0,25-0,5 við einkunnina og mínusarnir draga sömu upphæð frá.

Það er ekki gott að oftúlka þessa stafi. Yfirleitt er þetta notað um fyrirbæri þar sem kennarinn þarf aö leggja huglægt mat á verk nemenda eða þar sem ekki er hægt að reikna út einkunn beint. Dæmi um það eru skýrslur. Ef það væri hægt að skipta þessu niður í einkunnabil með tveim aukastöfum af hverju þá ekki að nota venjulegar talnaeinkunnir? Flestir sem gefa talnaeinkunnir fyrir skýrslur gefa í heilum og hálfum tölum.

Margir kennarar líta á þetta sem bil á þann hátt að
A þýðir 80%-100% eða vel yfir meðallagi, ágætt
B þýðir 70%-79% eða yfir meðallagi, stenst kröfurnar, gott
C þýðir 60%-69% undir meðallagi, en er þó frekar í áttina að því en hitt, viðunandi
D þýðir 50%-59% vel undir meðallagi, vantar talsvert upp á að sé skilahæft, lélegt?
E,F þýðir 0%-49% eða drasl, ekki skilahæft. Færð ekkert eða þarft að endurtaka verkefnið.

+/- gæti þá staðsett frammistöðuna enn frekar innan skalans. Þannig gæti B- þýtt meðalverk og C+ gæti þýtt að þetta sé ekki í meðallagi en í áttina.

Stafaeinkunnagjöfin er notuð í t.d. Bandaríkjunum og er hægt að yfirfæra á talnaskala frá 0-4 sem er notaður þar (í stað 0-10). Þar þýðir A = 4, B = 3, C = 2, D = 1, E,F = 0.
+ þýðir þá að einkunn sé námunduð upp í næsta 0.5 og - að hún sé lækkuð í næsta 0.5. Samkvæmt því er einkunninn A+ ekki til og B- og C+ eru sömu einkunnir!

Til að leiðrétta það segja sumir skólar að + bæti 0,25 (~0,3) við einkunn og - dragi 0,3 frá einkunn. Mér finnst ágætt að hugsa það þannig að t.d. B+ (3,5) þýði að maður sé á 3 - 3,5 skalanum en eigi frekar skilið 3,5 en 3 og A- að maður sé á 3,5 - 4 skalanum en eigi frekar skilið 3,5.
Síðan má náttúrulega líta á þetta sem bókstaflegan kvarða sem er hægt að yfirfæra í talnakerfi frá 0 (eða 1) til 10, allt eftir því hvað hver og einn skóli ákveður.

Þetta svar er orðið nokkuð langt og ruglingslegt eða samhengislaust en ég held að aðalatriðið sé að líta á þessa stafi sem viðmiðun fremur en einhverjar concrete tölur. Best er náttúrulega að spyrja kennarann hvernig hann hugsar þetta og getur svarið oft komið á óvart…
Þú ættir að geta fengið nánari upplýsingar um þetta allt með því að googla t.d. “letter grading system” eða “us grading system”.

Bætt við 17. febrúar 2007 - 17:13
Einkunnir í 0-4 skalanum má auðveldlega yfirfæra í 0 (1) - 10 skalann.
Varðandi muninn á E og F veit ég ekki alveg en gæti ímyndað mér að E væri notað þar sem það er næst á eftir D en F notað þar sem það skírskotar til “Fail”. Held líka að sumir noti E sem “incomplete” eða “fall með skilyrðum” þar sem nemandi fellur í námskeiðinu v.þ.a. hann á t.d. eftir að skila einhverju verkefni en fær það síðan metið þegar hann hefur skilað verkefninu.

Hef heyrt að í Þýskalandi sé víða gefið 1-best 6- verst. Skrítið :)

Einn kennarinn minn gefur í (x), x), x, x(+), x+) eða x+


Það er skrítið…

Bætt við 4. mars 2007 - 20:30
(x) er verst, x+ er best