Þetta er bara einhver brandari! Það hlýtur að vera!

Þegar við gengum inn í skólann var okkur vísað í skólastofu sem við fengum til afnota. Þar lögðum við frá okkur öll okkar gögn og röðuðum upp stólum og borðum svo við gætum sest beint við vinnu í hléinu milli umferða. Svo hefst keppnin og gengur vel, þar til fyrri umferð lýkur. Þá gerðum við okkur líklega til að fara inn í stofuna okkar og hefjast handa við að skipuleggja seinni umferðina.

Þá kemur upp úr dúrnum að MA-ingar hafa ákveðið einhliða að láta okkur hafa aðra stofu, en þar höfðu þeir tekið tölvuna úr sambandi. Það var sumsé enn tölva í stofunni sem við fengum fyrst og þeir höfðu áhyggjur af því að við færum á MSN á þessum 10 mín sem við fáum milli umferða!

Við sögðum einsog var, að þetta væri ekki boðlegt neinu ræðuliði, því að skipta um stofu í miðju hléi hefði verið heljarmikið vesin enda öll gögnin okkar og allt í gömlu stofunni. Við neituðum einfaldlega að láta undan þessari vitleysu og fórum beint inn í fyrri stofuna. Við vorum í mesta lagi eilítið þjösnaralegir, en að halda því fram að við höfum kallað stúlkuna illum nöfnum eru ekki bara ýkjur heldur lygi. Þegar þangað kom bauðst ég til að aftengja tölvuna og láta hana hafa snúrurnar, sem ég gerði, og að því loknu settumst við að vinnu.

Stúlkan virtist hafa tekið þetta nær sér en tilefni var til, svo við báðumst allir afsökunar á þessu, og útskýrðum fyrir henni hversu stressandi það væri að fá svona uppákomu í andlitið í miðri keppni.

Einsog sést glögglega er fásinna að halda því fram að lið Verzló hafi komið illa fram við stúlkuna, heldur þvert á móti.
Ef eitthvað er þá var illa staðið að málum af hálfu MA, og auðveldlega hægt að smíða samsæriskenningar út frá þeirra hegðun… þ.e.a.s. ef Verzlingar væru jafnbitrir og MA-ingar.

Fyrir hönd liðsins leyfi ég mér að bera af okkur allan dónaskap sem okkur hefur ranglega og óheiðarlega verið vænt um.

Sjálfur var ég kominn norður upp úr 15 og það fyrsta sem við pétur magnús gengum í var að redda aðstöðu undir okkur í MA í samráði við ráðamenn þar. Við fengum stofu sem okkur var lofuð fram yfir alla keppnina.

Þegar við mættum um kvöldið var okkur vísað í þessa sömu stofu undir nákvæmlega sömu formerkjum. Einsog vaninn er skildum við eftir ræður og allt annað sem nota átti í seinni umferð í þessari stofu svo það væri ekki fyrir okkur í fyrri umferðinni.

Þegar hlé var gert á keppninni vísaði gæslumaður MA-inga okkur hins vegar í aðra stofu og sagði að við ættum að vera þar í hléinu. Við bentum henni á að það væri út úr kortinu því að okkur hefði verið lofað hin stofan og að ræðurnar okkar voru þar inni.

í 20 mínútna fundarhléi þar sem að hver mínúta í undirbúningi framsögusvara er ómetanleg var ekki tími til að rökræða þetta lengur svo við gengum beint í okkar fyrri stofu og réðum ráðum okkar.

Þegar við vorum aftur sóttir í stofuna af sama gæslumanni tókum við okkur allir tíma til að taka í hönd hennar og biðjast fyrirgefningar á allri okkar framkomu engu að síður. Hún virtist lítið hafa tekið þetta nærri sér, bar það allavega ekki utan á sér, en hreytti hins vegar að okkur óþarfa kommentum óþarfi er að minnast á.

Ekki veit ég hvað grætir fólk og hvað ekki. Fólk er auðvitað misviðkvæmt. Sjálfur grét ég yfir lokaatriðinu í Schindler's List og Titanic en ekki kvartaði ég í Spielberg.

Dómararnir voru allir reyndir og góðir og eiga ekki slæm ummæli skilin. Halldór dæmdi okkur 70-80 stiga sigur, Doddi 60-70 stiga sigur og Jóhann 15-20 stiga sigur. Tap menntaskólans var ekkert meira þeim að kenna frekar en brottrekstur Zidane í HM var þeim dómara að kenna.

Hér skal tekið fram að ENGINN meðlimur okkar liðs fékk að vita af úrslitunum fyrirfram. Það er argasta þvæla og engum gerður greiði með því.

Að lokum er ég sammála Hafsteini í því að nokkur atriði sem að MA eyddu miklum ræðutíma í voru með því ósmekklegasta sem ég hef heyrt á þessum vettvangi og algjörlega ósvaravert af þeirra hálfu.

Málflutningur einstakra einstaklinga innan menntaskólans er þeim til háborinnar skammar. Fólk sem gegnir ábyrðgarstöðum innan nemendafélags síns. Ég neita að trúa því að svona séu innviði hins almenna Akureyrings. Við verzlingar skulum ekki leyfa áróðurs- og óhróðsherferð gegn okkur að fara í gang.