Ég er í bekkjarkerfi og kann ágætlega við það…veit ekki hví en sú hugmynd að vera alltaf með mismunandi fólkí í hverju fagi er ekkert aðkallandi, getur verið að maður eiginist fleiri vini/kunningja þannig en ég tel auðveldara að kynnast fólki í bekkjarkerfi.

Ég var í bekkjarkerfi í 1-7 bekk svo var ég í áfangakerfi í 8-10 bekk. Svo fór ég í MR þar sem er bekkjarkerfi. Ég var fyrst svolítið uggandi því ég var búin að venjast áfangakerfi, en ég myndi ekki vilja vera neins staðar annarsstaðar en í bekkjarkerfi í dag.

Áfangakerfi hentar mér vel því ég get farið í hraðferð og svona. Maður getur verið á undan eða á eftir og maður getur líka alveg ráðið hvað maður gerir næst. Ef mann langar allt í einu að skipta um braut eftir 1 ár er það ekkert mál. Það finnst mér vera kostirnir við áfangakerfi. Fyrir utan það að maður getur fengið allskonar hluti metna, sem er t.d. ekki alltaf í versló.

Bekkjarkerfi hefur þann kost að þú ert alltaf með sömu krökkunum í tímum sem getur verið mjög gaman. Samt kynnist maður alveg krökkum í áfangakerfi líka. En það er kannski öðruvísi hjá mér því ég er í það litlum skóla að ég er oftast með einhverjum af sömu krökkunum í tímum.

Mig langaði alltaf í áfangakerfi og fór í þannig skóla. Virkaði betur fyrir mig í valfögum að vea með öðru fólki… æji kann ekki að útskýra. En ég held ég sé meiri áfangamanneskja heldur en bekkjarkerfismanneskja

Ég er í bekkjarkerfi og held ég myndi ekki vilja breyta um.. finnst betra að kynnast fólkinu nánar :)

Ég á eftir að komast að svarinu við þessari spurningu í vetur þar sem ég er ein úr mínum vinahóp sem fór í bekkjarkerfi.

Það fer eftir því hvað þér finnst, ég fór í bekkjarkerfi þó ég hafi verið á mörkunum með að fara í áfanga…

En já.. Eins og ég segi þá spilast þetta mjög mikið inn í hvernig þú ert og hvað þér finnst :)

Ég er í áfangakerfi og er gífurlega sáttur við það. Maður jaa..velur sér vinahóp eiginlega en allir hinir í skólanum eru samt kunningjar þínir. Þannig..ef þú ert opin og skemmtileg manneskja kemurðu til með að þekkja nokkur hundruð manns þegar þú útskrifast úr skólanum..sem kemur sér mjög vel…alltaf gaman að þekkja mikið af fólki.

Svo færðu líka miklu meira að ráða því sem þú lærir í áfangakerfi…ekki eins fallega sett upp fyrir þig og í bekkjarkerfi. Þú þarft að hafa áhyggjur af því hvort þú hafir raðað rétt uppí stundatöfluna þína…en hey..þú færð samt að raða sjálf. :)

Fyrir mig var bekkjarkerfi eini kosturinn, og ekki sé ég eftir því. Er með yndislegum krökkum í bekk og hálhlakka til að fara aftur í skólann til að hitta þau aftur!