Ég var að taka samræmda stærðfræðiprófið áðan og vá hvað það var létt. Það voru aðeins örfá atriði sem voru eitthvað strembin. Stærðfræði er reyndar mitt uppáhaldsfag, en þetta var mun léttara en prófið í fyrra. Það sem mér fannst persónulega erfiðast var þetta með ferninginn inni í hringnum. Maður átti að reikna flatarmál svæðanna á milli hringsins og ferningsins. Ég held að flatarmál ferningsins hafi verið 2 cm2 og flatarmáls hringsins pí cm2. Því var flatarmál lituðu svæðanna pí-2. En hvað fannst ykkur. Þetta var eina prófið sem ég tók núna og get ég því ekki sagt til um hvort hin prófin hafi verið létt eða ekki.

Prófið má nálgast á http://namsmat.is. Þið farið niður í prófhefti og matsreglur. Þar klikkið þið á “Prófhefti 10. bekkur Nýtt”.