Sæl Hrund.
Ég nota mikið þá aðferð að lesa um daginn yfir það efni, sem er til prófs. En svo reyni að sleppa algjörlega að læra kvöldið fyrir próf, og legg mikið upp úr því að sofa vel fyrir próf. Þannig fær heilinn tíma til að vinna úr því efni sem ég var að læra, og það situr eftir þegar ég fer í prófið.
Kveðja habe.

Tja, ég held að það sé ekkert sem er eða heitir “hin eina rétta próftækni”.

Ég persónulega er ein af þeim verstu að lesa fyrir próf en það sem hefur bjargað mér í gegnum tíðina er lesminni mitt. Ef fólk fer yfir munnlega er ég eins og álfur út úr hól en um leið og ég les svo spurningarnar á prófblaðinu man ég hvar í bókinni þetta efni var og svarið endar yfirleitt einhvernveginn á blaðinu. ;) Það er að segja ef ég las efnið einhverntímann. ;)

Fyrir mig dugar að lesa þetta yfir einusinni eða tvisvar og ef ég er óviss á einhverju þá kíki ég á þá parta betur en aðra. Ég get ómögulega lesið allt efni fyrir próf á einum degi og munað það allt þannig að ég tek út það sem ég veit og einbeiti mér að hinu.

Svo er náttúrulega alltaf verið að segja manni að nota einhverja upprifjunartækni. Ef þú ert í einhverjum vandræðum með eitthvað sérstakt fag til dæmis gæti það hjálpað þér að ef þú hefur lausan tíma um helgar eða annað slíkt að renna yfir efnið lauslega. Þetta er það ráð sem er alltaf á svona námstækniblöðum.

Vonandi finnurðu þér einhverja góða námstækni sem hentar þér. :)
-Shimo

búðu til spurningar jafn óðum og þú lest, sagt er að þannig “festist” efnið betur inn á heilann. e.o t.d., símar eru tæki, þá hugsarðu bara spurninguna strax upp, hvað eru símar? bara dæmi, eins líka gott að geta gert spurningar sem fer yfir meira efni. prófaðu að skrifa glósur upp úr efninu, ef u ert í menntaskóla er best að gera þær jafn óðum, en ættir að geta náð því að gera glósur daginn fyrir próf. og takmarkaðu þig við e-ð. ekki bara lesa og lesa, þú verður að skilja námsefnið líka, svo alltaf að fylgjast vel með í tímum. prófaðu líka að tala við námsráðgjafa, þeir geta hjálpað mikið.

Ég fer yfir allt sem mér þykir líklegt að komi á prófinu, t.d. upptalningar á hinu og þessu og reyni að læra þær utan að. Ég hlýði sjálfum mér yfir, jafnvel skrifa niður til að það festist betur. Þú getur líka reynt að læra með einhverjum skólafélaga þinna og þau hlýði þér yfir og þú þeim þangað til þið kunnið allt utan að. Samt meira hætt við að enda í pásum og vitleysu ef það eru fleiri saman að læra. Ég skrifa stundum lista af því mikilvægasta og tek með mér í prófið til að hlýða mér yfir rétt áður. Sumir vilja ekki læra rétt fyrir próf en það virkar vel fyrir mig.

Þú getur líka skoðað hvers konar spurningum þú ert að klikka á. Er verið að spyrja út úr efni sem þér datt ekki í hug að þú þyrftir að kunna eða var það eitthvað sem þú vissir að þú áttir að kunna en tókst ekki að læra utan að?

Annað er líka að þegar þú kemur í prófið, þá getur þú flett í gegnum það og hripað niður allt sem þú veist meðan það er ferskt í hausnum á þér og farið svo í gegn aftur og svarað öllu hinu. Annars geturðu lent í að gleyma einhverju sem þú vissir meðan þú ert að reyna að muna eitthvað annað sem þú hafðir gleymt.

Í fyrsta lagi verðurðu að passa að lesa ekki yfir þig.
Ég renni yfirleitt bara rétt svo yfir bókina og glósurnar og svo er það búið. Ef það eru ártöl þá reyni ég að muna þau.
Rosalega einfalt og ég er með 7 og yfir í einkunn.