Ég hef aldrei verið hrifin af þessari busunarhefð. Mér finnst þetta persónulega niðurlægjandi, heimskulegt og slæm leið til að láta einhvern finnast hann velkominn.
Ég er í VMA, og mér finnst þessi nýja hugmynd miklu betri en busunarkjaftæðið.
Þegar ég mætti í skólann á busunardeginum í fyrra, hafði ég kviðið fyrir þessu allt sumarið. Ég var með miða upp á það að ég væri undanskilin, en það lét mér ekki líða neitt betur. Að mæta í skólann var hryllingur: ,böðlarnir' biðu eftir okkur fyrir utan með vatnsbyssur, stóra tússpenna og geltúpur. Ég lenti ekki í neinu, tróð mér bara ákveðin í gegnum þvöguna og sendi þeim sem komu of nálægt eitruð augnaráð (líklega það sem ég er best í), en mér fannst þetta hræðileg lífsreynsla. Þegar inn í stofuna var komið fengum við ekki heldur frið. Nokkrir ,böðlanna' komu hlaupandi þar inn og voru með læti og vitleysu, og eftir að kennarinn kom biðu þau úti á gangi, voru með hávaða og börðu endalaust á hurðina þó svo að þau ættu að láta okkur í friði á meðan við vorum inn í tíma. Ekki löngu eftir að þau voru búin að koma og fara með hópinn eitthvert burt, fór ég heim. Ég þoldi ekki hávaðann, niðurlæginguna, vitleysuna og hamaganginn og var ekki búin að jafna mig daginn eftir.
Þetta er eitt það ömurlegasta sem ég hef nokkurn tímann gengið í gegnum.

Afhverju ætti að banna þetta? Allir vita hvað er að fara að gerast í þessum vígslum, það er oftast það sama í gegnum árin(svona nokkurnveginn allavega) og það er val nemandans að fara í þessar vígslur. Það er ekki verið að neyða neinn að fara í þessar vígslur og ef þú ákveður að fara þá bara verður þú að taka því sem er að fara að gerast, þetta á ekkert að vera auðvelt og það er aldrei sagt að þetta sé auðvelt. En þetta er gaman fyrir alla, leið til að gera meiri samheild í skólanum.