saedis88 fyrir 12 árum, 7 mánuðum Fjöldi lestra: 2113

Ertu skóla-dropout?

Ég var það. Fór í 4 annir í framhaldsskóla, ein í hússtjórnunarskólanum í hallormsstað, eina í flensborg, FB og FSN. Féll oftast í flestu. Hætti bara að spá í námi lengi, kunni hvort eð er ekki rassgat. Ég hef aldrei samt fundið til þess að ég hafi eitthvað gengið illa í skóla, en fékk smá sjokk um daginn þegar ég kíkti inná innuna (innan er bara notuð fyrir lokaeinkunnir þannig ég kíki ekkert á hana) og ég gat séð öllu gömlu einkunnirnar og fallið var verraen ég bjóst við. féll 3x í stærðfræði 102, 2x í félagsfræði, sögu, íslensku, tvisvar sinnum í ensku og ég veit ekki hvað og hvað.

Haustið 2010 fékk ég bara nóg af öllu og ákvað að flytja burt þar sem ég og kallinn minn höfðum hafið líf saman, vorum með vinnur og leikskólapláss fyrir stelpuna. Ég fann grunnnám til þess að komast í háskólanám án þess að byrja uppá byrjun með 16 ára krökkum í dagskóla, auk þess sem ég átti engann vegin efni á því að vera nær launalaus í dagskóla næstu 3-4 árin.

Þetta nám er einskonar annað tækifæri fyrir fólk eins og mig. Á þessum tíma komst ég líka af því að ég ætti von á öðru barni og það ýtti mér enn meira útí það að fara í nám, í miðri kreppu með 2 lítil börn og ómenntuð? Ég henti mér algjörlega í djúpu laugina, sótti um í námið, sótti um íbúð og leikskólapláss í nóvember 2010. Fékk inngöngu í skólann, fékk íbúð og fékk leikskólapláss ´lika!

2. Janúar 2011 var svo örlagaríki dagurinn. Þá byrjaði ballið, allt á sama degi auðvitað. Ég lagði mikinn metnað í þetta einnar annar nám, var ólétt með alskins meðgöngukvilla. á þessari einu önn (2janúar byrjaði þetta og fyrsta prófið byrjaði 6.júní) og áfanganir sem ég tók voru: enska 103, enska 203, íslenska 103, íslenska 203, stærðfræði 103, stærðfræði 203, námstækni, upplýsingatækni, danska 103

Eins og þið sjáið þá er þetta sjúklega mikið nám á einni önn. Undir lokin var þetta orðið ansi strembið, þá fékk kallinn minn vinnu eftir að hafa verið atvinnulaus í soldinn tíma, frábært og ekki frábært. 12 tíma vaktavinna skiptis á dag og næturvaktir sem varð til þess að meira álag lennti á mér, prófin að koma, barnið að koma, heimlisstörf, leikskólabarn og svona gaman!

Seinasta skóladaginn fyrir upprifjunarviku var ég komin með verki og mætti samt í skólann, metnaðurinn alveg að fara með mann! Skilaverkefni í einum áfanga og síðasta kaflaprófið í íslensku áfanganum. Ég var reyndar rekin heim af kennurum og samnemedum eftir að hafa skilað af mér mikilvægu verkefni og fór því uppá fæðingardeild og fæddi yngri stelpuna daginn eftir. 1. Júní 2011. Það var ekki mikill tími að sofa og dúllast með litlunni, heldur beið mín próflærdómur.
Ég stóðst öll prófin nema stærðfræði 203.

ég tók þann áfanga aftur um haustið og náði honum.

Núna í janúar byrjaði ég í fjarnáminu hjá Keili og það er bara ÆÐISLEGT! Það er svo skemmtilegt þegar maður er í skóla með metnað og áhuga!

Í fjarnáminu í keili eru áfangarnir lotuskiptir. Skólinn byrjaði í janúar og byrjuðum á upplýsingatækni og 2 vikur síðar bættist stærðfræði við, svo kláraðist UTN og íslenska byrjaði, svo kláruðust stærðfræði og íslenskan með vikumillibili (hægari ferð á stærðfræði) og enska og stærðfræði2 byrjuðu og svo kláruðust þeir me vikumillibili og er núna í félagsfræði og þýsku.

So far hef ég náð öllu í keili (þurfti að taka upptökupróf í stærðfræði, ég er afar slæm í stærðfræði og þyrfti að leggja mun meiri tíma í það en ég hef) Er að bíða eftir einkunn úr stærðfræði2. en ég vona innilega að ég nái, nenni ekki að leggjast yfir þetta aftur fyrir upptökupróf.

Svo er ein önn eftir og þá bara útskrifast ég með ígildi stúdentspróf og flestir vegir færir hvað varðar háskóla nám!!

2 ár af hardwork mun skila sér! (og nokkrum peningum fátækari)

Ég vildi bara deila þessari skólasögu með ykkur, sýna ykkur að þó maður sé ekki góður námsmaður ÞÁ ER ALLT HÆGT EF VILJINN ER FYRIR HENDI!

Ef þið hefðuð áhuga að fara sömu leið og ég gerði þá fór ég fyrst í nám sem heitir Menntastoðir. það er kennt hjá Mími og í Símenntun suðurnesja (ég fór þar) og eflaust á fleiri stöðum. Námið kostar 110þúsund og er ein önn, ef maður er á atvinnuleysisbótum þá borgar VMST helminginn í náminu og maður heldur bótunum á meðan náminu stendur
www.mss.is

Svo núna er ég í keili - háskólabrú á hugvísindadeild (minnsta stærðfræðin híhí)

www.keilir.net

Ofurhugi og ofurmamma

Helgi1989 fyrir 12 árum, 7 mánuðum

Vel gert! Sjálfur er ég í sömu stöðu með nám og þú varst fyrir þá 2 árum.. Ég ákvað samt að byrja aftur í framhaldskóla og er að klára önn 2 núna. Gæti hugsast að ég skelli mér í keili til að klára þetta fyrr, hvernig er í Keili? ertu alveg á fullu alla daga eða geturu eitthvað unnið með þessu námi?

Fyrra álit

saedis88 fyrir 12 árum, 7 mánuðum

Ég er heimavinnandi með 11mánaða barn, þannig jú ég reikna með að það sé hægt að vinna með þessu hehe. Gera það margir :)

Ofurhugi og ofurmamma

Fyrra álit

[Notanda eytt] fyrir 12 árum, 7 mánuðum

Mundu að svara réttu innleggi :)

Fyrra álit

saedis88 fyrir 12 árum, 7 mánuðum

haha úbbs

Ofurhugi og ofurmamma

Fyrra álit

[Notanda eytt] fyrir 12 árum, 7 mánuðum

Takk fyrir greinina.
Ég elska svona sögur.

Einhver annar?

Fyrra álit

Kupo fyrir 12 árum, 7 mánuðum

Er semsagt Keilir háskólamenntun án þess að hafa stúdentspróf ?
Eða las ég of hratt :P

Bætt við fyrir 12 árum, 7 mánuðum:

frábært grein btw, þú rokkar.

My name is Earnie Douglas but my friends call me Chip

Fyrra álit

saedis88 fyrir 12 árum, 7 mánuðum

Keilir er styttri leið í stúdentin. maður þarf að vera búin með 70 einingar til að komast í keili og þú klárar sem jafngildir stúdentsprófi á 2 önnum. þannig ég er að taka stúdentinn á 3 önnum sem er hrein og klár geðveiki hehe :)

rándýrt nám reyndar en eina leiðin fyrir mig að mennta mig :)

önnin í fjarnámi kostar 350.000 sú fyrri og 320.000 sú seinni. Er reyndar ódýrara í staðnámi. Þetta er lánshæft nám

Ofurhugi og ofurmamma

Fyrra álit

[Notanda eytt] fyrir 12 árum, 7 mánuðum

Stæ 203 var alveg fáranlega erfitt stökk imo frá 102 og 122.
Féll nánast í þvi, mainly afþví að ég var latur og kannski smá af vanmetni:)

Fyrra álit

optimusprime fyrir 12 árum, 7 mánuðum

Það sem virðist hrjá íslendinga upp til hópa er hræðsla við stærðfræði, og það eitt eyðileggur námsferilinn hjá mörgum

stjórnandi frá fornöld kubbur#2950

Fyrra álit

Aiwa fyrir 12 árum, 7 mánuðum

Hugsa nú þegar ég les þetta svar þitt, þá er það ekki hræðsla við stærðfræði sem slíka sem er fráhrindandi. Það er kennsluaðferðir kennara. Í gegnum alla mína skólagöngu (sem telst nú eflaust ekki löng, en er þó útskrifaður af menntaskólastigi og úr verknámi) hefur mér aldrei tekist að fá góðan stærðfræðikennara sem fær mann til að skilja námsefnið. Íslenskir stærðfræðikennarar virðast bara ekki hafa áhuga á því sem þeir gera eða miðla sinni reynslu til annarra eða kunna ekki góða kennslutaktík.

Fyrra álit

optimusprime fyrir 12 árum, 7 mánuðum

ég er ekki alveg sammála þér þar, og þetta er gott dæmi um stærðfræðihræslu, auðvitað er ekki hægt að læra stærðfræði eins og önnur fög, verður að gefa stærðfræði ástúð og alúð, hún þarf sérstaka umhyggju

mér gekk aldrei vel í skóla, trassaði alltaf heimanámið og svoleiðis, í 8 bekk fékk ég vinnu útí bónus og eiginlega hætti að mæta í skólann, tók samræmdu prófin í 10 bekk og náði öllu nema stærðfræðinni, nám hefur alltaf verið ströggl fyrir mig, svo tók ég mig bara til og gerði hugarfarsbreytingu á mínu viðhorfi til stærðfræðinnar, og viti menn, ég fór í menntastoðir og náði stærðfræðinni
það tók fokk mikið á að gera þetta á seinnihluta annarinnar en varð til þess að ég náði stærðfræðinni, kennarinn sem ég var með reyndi ýmislegt til að fá mig til að skilja, málið er bara að ef maður er ekki nógu opinn þá er maður ekkert að fara að skilja þetta

stjórnandi frá fornöld kubbur#2950

Fyrra álit

Aiwa fyrir 12 árum, 7 mánuðum

Á þeim tíma sem ég var í skóla reyndi ég hvað ég gat og sýndi metnað. Hugafarsbreyting er eitthvað sem kemur málinu ekkert við.

Fyrra álit

optimusprime fyrir 12 árum, 7 mánuðum

þetta liggur ekki bara hjá nemendum heldur einnig kennurum, en það er hægt að útiloka kennarana, og það er það sem ég gerði, ætlaði sko ekki að láta einhverja kennaradruslu skemma fyrir mér nám sem kostaði 110 þúsund þannig að ég fór bara og gerði þetta sjálfur, kostaði hellings tíma en það skilaði sér líka með útskrift :D

það sem ég mæli með að nota er khan academy og wolfram alpha, ég nota wolfram til að sannreyna lausnir og khan til að læra aðferðir

stjórnandi frá fornöld kubbur#2950

Fyrra álit

Aiwa fyrir 12 árum, 7 mánuðum

Flott hjá þér. Metnaðurinn verður líka að sjálfsögðu að vera til staðar þegar maður ákveður á annað borð að hella sér í nám, hvað þá þegar það er dýrt nám.

Fyrra álit

Stjarna4 fyrir 12 árum, 7 mánuðum

Sammála! Ég hef alltaf átt erfitt með stærðfræðina og hélt ég væri bara svona vitlaus að skilja þetta ekki. Í 10 bekk kenndi mér síðan æðisleg kona og hún opnaði augun mín alveg fyrir stærðfræði! Hún útskýrði allt svo vel, byrjaði á byrjuninni og tók lið fyrir lið. Með þessu móti tók kennslan mikinn tíma (þar sem hún braut allt svona mikið niður) en það var þess virði þar sem ég, og fleiri sem áttu erfitt með þetta, fóru að skilja stærðfræðina. Við þetta fór mér að finnast stærðfræðin skemmtileg! Það er henni að þakka að ég náði samræmduprófunum í stærðfræði og það með fínni einkunn.

Í frammhaldsskóla fékk ég auðvitað nýja kennara og þá verstnaði þetta aftur. Ég var metnaðarfull í byrjun og ekki lengur hrædd við stræðfræðinna því mér gekk svo vel í 10. bekk og í samræmdu prófunum. Málið er bara að kennarinn hoppaði svo mikið yfir atriði sem honum fannst ekki þarfnast útskýringar. Ég var hjá ýmsum kennurum, fór meira að segja í aukatíma og allt, en þetta gekk aldrei. Það endaði á því að vinur minn sem var með mér í tímunum kenndi mér þetta...því ég skildi bara ekki kennarana! Þeim finnst þetta svo auðvelt og útksýra þessvegna að mínu mati allt of lauslega í stað þess að brjóta niður hvert dæmi og skýra í þaula líkt og fyrri kennarinn minn gerði.

An eye for an eye makes the whole world blind

Fyrra álit

Aiwa fyrir 12 árum, 7 mánuðum

Ég skil þig. Á mínum fyrstu árum menntaskóla skildi ég bókstaflega ekki neitt (bókstaflega... hvað er verið að troða a, b og x inn í stæðrfræði?) Fékk frænda minn til að útskýra þetta fyrir mér. Sá var á sextugsaldri og var hreinlega svo opinn á stærðfræði og skildi hana svo vel að hann gat útskýrt hana mjög vel og komið efninu vel frá sér. Þökk sé honum náði ég þeim stærfræði áföngum sem ég þurfti.

Fyrra álit

Stjarna4 fyrir 12 árum, 7 mánuðum

Já, það er eins og flestir stærðfræðikennarar séu ekki nógu opnir og nógu góðir að útskýra :) Flott að við fengum hjálp hjá öðrum! Annars er ég ósköp fegin að vera búin með þessa stærðfræði...man ennþá þegar ég labbaði út úr seinasta tímanum mínum! Þá hugsaði ég "Jess, aldrei aftur stræðfræðitími!" Menntaskólaárin fóru algjörlega með jákvæða viðhorf mitt stærðfræði....

An eye for an eye makes the whole world blind

Fyrra álit

Aiwa fyrir 12 árum, 7 mánuðum

Haha, skil það vel :)

Fyrra álit

Chantress fyrir 12 árum, 7 mánuðum

Þetta var líka svona hjá mér, ég skyldi aldrei neitt í stærðfræði og eyddi mörgum klukkustundum í sérkennslu í grunnskólunum sem ég var í og aldrei skyldi ég neitt. Sérkennslan sem ég fékk var líka ábótavant. Þegar ég komst í framhaldsskóla þá fór ég falláfanga þar og þar fékk ég loksins þá kennslu sem ég þurfti - lærði að margfalda og deila í brotareikningi, eitthvað sem ég kunni alls alls ekki og fannst ég bara frekar stjúpid. Þessi kona sem ég kenndi mér í framhaldsskóla var það sem ég þurfti og er hæstánægð með að hafa verið í hópnum hennar :)

“Life's like a dick, it gets hard for no reason”

Fyrra álit

Aiwa fyrir 12 árum, 7 mánuðum

Frábær reynslusaga. Þetta sýnir það að fólk í erfiðum stöðum getur gert kraftaverk ef metnaðurinn er til staðar. Flott hjá þér :)
Mættu margir taka þetta til fyrirmyndar.

Fyrra álit

Ritstjóri fyrir 12 árum, 7 mánuðum

Frábært afrek og metnaður! Þú ert dugnaðarforkur og vona ég að fólki taki þig sér til fyrirmyndar!.

"People hardly ever make use of the freedoms that they do have, like freedom of thought. Instead they demand freedom of speech as compensation" - Kirkegaard

Fyrra álit

saedis88 fyrir 12 árum, 7 mánuðum

Takk kærlega :)

Ofurhugi og ofurmamma

Fyrra álit

HomoLuminous fyrir 12 árum, 7 mánuðum

Jú, ég er það sem maður myndi kalla einhverskonar "skóla dropout"..

Mér hefur hins vegar aldrei gengið illa í námi. Ef maður væri aðeins hrifnari af sjálfum sér væri maður mjög líklega uppblásinn af sjálfselsku, þar sem ég hef fengið að vita í gegnum alla mína skólagöngu að ég sé bráðgáfaður og þurfi bara að nýta það betur. Vanalega ekki með lægra en níur þó maður hafi mætt lítið og ekki eytt miklum tíma í heimanám.

Ég bý í Danmörku og fór þar, eftir grunnskólann, í auka ár, sem er einhverskonar "11. bekkur". Þar hætti ég, enda nennti enginn að læra þar, og ég hafði lítið sem ekkert að læra þar. Eftir það fór ég í framhaldsskóla(sem varir þrjú ár hér) og kláraði fyrsta ár, en lennti í talsverðum persónulegum vandamálum á seinni árinu, og tók það aftur. Ég endaði þó með því að klára það ekki. Eftir það fór ég í einhverskonar grunnnámskeið í tækniháskólanum í århus, sem myndi gera mér kleyft að byrja í háskóla eftir eitt ár, en það gekk ekki heldur upp, enda voru þessu persónulegu vandamál ekki alveg yfirstaðin. Slatti gerðist eftir það, en er núna sjálfur að taka menntskólann á tveimur árum, og er að klára það fyrsta eins og er.

Þó maður sé 21 árs gamall með eitt ár eftir í framhaldsskóla meðan litli bróðir klárar hann í sumar, þremur skólaárum yngri en ég, þá er mér alveg sama. Þeim tíma sem ég eyddi utan námskerfisins fór í nám í skóla lífsins, eins klisjukennt og það hljómar. Ef hlutirnir hefðu ekki gerst eins og þeir gerðust, þá hefði ég ekki verið staddur þar sem ég er núna og hefði ekki hitt allt þetta yndislega fólk sem ég hef hitt síðan ég byrjaði í þessum skóla, og ekki upplifað neitt af því sem ég hef upplifað hér(þetta er í öðrum bæ, bjó fyrir í århus).

TIlgangurinn með þessari lífsævisögu minni var ekki að monta mig, heldur frekar að gagnrýna þrýstinginn sem, tja.. ég(og margir aðrir sem ég hef rætt þetta við) finn allavega á að maður klári nám eins fljótt og hægt er, eins og það sé til einhver óaðfinnanleg uppskrift að velgengni og hamingju.

En allavega: Til hamingju með árángurinn, og gangi þér áfram vel með þetta. :)

Fyrra álit

EgillCv fyrir 12 árum, 1 mánuði

HomoLuminous:
þar sem ég hef fengið að vita í gegnum alla mína skólagöngu að ég sé bráðgáfaður og þurfi bara að nýta það betur.

Úff, kannast of vel við þetta. Hef rosalega blendnar tilfinningar þegar ég fæ þetta "hrós" frá fólki.

(Woot! Post í eldgamalli grein!)

Very disgruntled.

Fyrra álit

[Notanda eytt] fyrir 12 árum, 7 mánuðum

vá hvað þú ert dugleg! þetta mun svo sannarlega skila sér

annars er ég skóla drop out, eða var.. hætti 2x held ég. ákvað svo seinasta sumar að byrja aftu um haustið og ég stefni að því að klára stúdentspróf af félagsfræðibraut um jólin úr FB. það er reyndar tæpt, ég þarf að klára 24 einingar í sumarskóla og á þá samt 24 einingar eftir. en ég ætla, get og ég skal...

Fyrra álit

Skóli

Skóli

Ofurhugar

Stjórnendur

Hverjir eru inni

Greinar

Ertu skóla-dropout?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi