Skattarnir á Íslandi eru of háir. Skattarnir á hinum norðurlöndunum eru allt of háir. Svoleiðis þjóðfélag gengur bara ekki til lengdar. Svíarnir hafa t.d. þurft að skera mikið niður sitt velferðarkerfi. Þetta með 80% skattinn af yfirvinnutímanum held ég að sé alveg rétt. Það var mágur minn sem lenti í þessu en hann og systir mín bjuggu þarna fyrir nokkrum árum. Þau sögðu líka að það hefði atvinnulaus maður búið í húsinu við hliðina á þeim. Konan hans var heimavinnandi og þau áttu 4 börn. Hann var búinn að vera atvinnulaus í nokkur ár. Bæturnar voru svo háar að þau skorti ekkert. Mjög gott fyrir þann sem er atvinnulaus en frekar niðurdrepandi fyrir þann sem horfir upp á þetta og er að vinna og borga skatta sjálfur.

Þar að auki vil ég leiðrétta þig með ellilífeyrinn. Ég var að tala um ellilaun sem er allt annar hlutur. Ellilaun koma frá ríkinu. Ellilífeyrir kemur úr lífeyrissjóði sem þú hefur borgað í sjálfur. Og þó við höfum þannig kerfi að þú sért að fá út úr sjóði sem þú hefur borgað inn í þá eru mörg lönd ekki með þannig kerfi heldur virkar það þannig hjá þeim að þú ert að borga beint til þeirra sem eru gamlir og unga fólkið sér fram á að með því að þjóðirnar eldast muni kerfið verða hrunið þegar það sjálft verður gamalt og það sé því bara að borga inn í kerfið núna en muni aldrei fá neitt úr því til baka. Þar að auki eru alls ekki allir sem eru gamlir búnir að borga rassgat. Rónar og heimavinnandi húsmæður fá líka ellilaun. Ég vil endilega láta borga fólki ellilaun svo það geti framfært sig en dæmið með svíana sem vildu hætta því sýnir bara hvað gerist þegar fólk er of mikið skattpínt. Þá finnst því bara í lagi að skera allt niður bara til að geta linað aðeins á skattbyrðinni.