Nú eru próf að fara byrja í framhaldsskólum. Ég er að fara í fyrsta prófið á föstudaginn, þar að segja í Lífrænu efnafræði
Næst kemur eðlisfræði, íslenska, jarðfræði, spænska, þýska og loks stærðfræði. Er fólk eitthvað að stressa sig?

Hvað próf eru þið að fara taka?

Hérna er góð ráð.

Þegar próf nálgast getur verið ágætt að staldra örlítið við áður en maður hellir sér út í lesturinn. Hvernig er áhrifaríkast að læra undir próf ? Lesa alla kennslubókina vandlega í gegn eða tína út aðalatriðin og styðjast aðallega við glósur frá kennaranum og manni sjálfum? Lesa frá morgni til kvölds eða taka sér hlé eftir kvöldmat? Allt veltur þetta á hverjum og einum og því námsefni sem verið er að prófa úr og svo hvernig viðkomandi er staddur í því. Eftirfarandi fimm ráð ættu þó að geta hjálpað hverjum og einum að skipuleggja sinn eiginn próflestur og nýta hann sem best. 1. Eyddu óvissu um uppbyggingu prófsins Fáðu á hreint hjá kennaranum hvernig prófið verður uppbyggt og þá einkum hvort það verði byggt á stuttum spurningum, lengri ritgerðaspurningum, krossaspurningum eða blöndu af ofangreindu. Sú vitneskja eyðir óþarfa óvissu sem gæti valdið auknu prófstressi auk þess sem prófin krefjast mismunandi undirbúnings eftir því hvernig þau eru uppbyggð.

2. Eyddu óvissu um innihald prófsins Ekki er síður mikilvægt að hafa einhverja hugmynd innihald prófsins, þ.e. hvað mun kennarinn leggja áherslu á við samningu þess. Það sem kennarinn segir um prófið við lok námskeiðs/annarinnar, eru oft gagnlegustu setningarnar sem koma út úr honum allan veturinn og oftar en ekki er hægt að draga mikilvægar upplýsingar úr honum með því að spyrja hann sérstaklega út í áherslur námskeiðisins.

3. Að skilja kjarnann frá hisminu Þetta er mjög mikilvægt ef þú veist ekki hvað gæti komið á prófinu eða ef þú vilt einfaldlega styrkja grunnþekkingu þína á efni námskeiðisins. Sum námskeið eru það yfirgripsmikil að sumir kennarar útskýra sérstaklega hver meginatriði námsefnisins eru á meðan aðrir láta nemendur um að komast að því sjálfir. Þá er mikilvægt að taka mið af glósum hvar áherslurnar liggja og ekki er verra að hafa punktað hjá sér um veturinn ef kennari hefur lagt sérstaka áherslu á einhver atriði. Út frá því getur verið gott að útbúa lista yfir þau atriði og hugtök sem standa þarf klár á og leggja sérstaka áherslu á þau. Ef prófið er ritgerðapróf er þetta sérstaklega mikilvægt. Slíkur undirbúningur hjálpar manni að mæta hinu óvænta og sýna fram á traustan skilning á námsefninu. Smáatriðin skipta þá minna máli en jafnframt enn mikilvægara að aðalatriðin leiki í höndunum á manni svo maður geti komið þekkinguni frá sér á skýran og kjarnyrtan hátt.

4. Taktu þér færri en lengri hlé. Algeng mistök sem fólk gerir í gerir í efiðum prófalestri er að lesa án lengri hvíldar yfir allan daginn en vera sífellt að taka sér litlar pásur sem svo fjölgar stöðugt vegna aukins reiðarleysis eftir því sem á líður lesturinn. Sá tími sem við tökum til hvíldar er mjög mikilvegur fyrir heilabúið svo það geti hvílst og „komið upplýsingunum fyrir á réttum stað“. Ef við tökum ekki eina til tvær lengri hvíldir yfir daginn er hætt við að einbeitingin þverri og -„upplýsingaupptakan minnki“.Góð hreyfing eða alger afslöppun, s.s. bíóferð eða að stunda e.k. líkamsrækt, getur verið ómetanlegt í að bæta einbeitinguna og að gera lesturinn áhrifaríkari. Besta ráðið er að skipuleggja lesturinn fyrirfram og reyna að halda sama mynstrinu út próftörnina. Til dæmis gæti verið sniðugt að byrja snemma að lesa, taka tveggja klukkustunda hlé um miðjan dag og klukkutíma um kvöldmat og lesa svo fram að háttatíma. Þannig kemst maður hjá tveimur algengum vandamálum í próflestri: illa nýttu eftirmiðdegi vegna þreytu og einbeitingarleysis og maður nýtir á móti kvöldið þegar einbeitingin er oft í hámarki.

5. Vatn, matur, svefn og hreyfing. Að lokum það mikilvægasta en það sem fæstir fara eftir.Það er auðvelt að keyra sjálfan sig út í prófum með stressi, svefnleysi og slæmum matarvenjum. Heilinn starfar mun betur ef þú borðar vel samsettar máltíðir (ekki of mikinn sykur og kaffi!), drekkur mikið af vatni, hreyfir þig og skerð ekki niður svefninn.