Ég er innilega sammála þér.

Töff grein, ég er mjög sammála þér.

Sammála

100% sammála.

*heldur aftan af sér að leiðrétta ‘ég vill’*

reyndar var það ekki í keflavík sem kennarar sátu inni á kennarastofu, t.d. í mínum skóla mættu bara 3 kennarar í öllum skólanum! Og ég veit að í hinum skólunum fóru krakkarnir heim þannig að það var ekki í keflavík…held það hafi verið á seltjarnarnesi

Samkvæmt þessu sem þú segir á þá bara ríkið að dæla meiri peningum allstaðar þar sem fólk fer í verkfall.

Er það einhver lausn? Hvaðan koma þeir peningar?

Þeir koma væntanlega ekki nema með skattahækkunum, þannig að útborguð laun kennara myndu ekki hækka mikið

Ríkið lét kennurum það ekki eftir að fá 160.000 króna uppbóta eitthvað og 5% hækkun á launum samstundis þannig að mikil mótmæli fóru fram um land allt.

Það var Kennarasamband Íslands sem lét taka út klausuna um 5,5% hækkun strax. Sveitarfélögin voru tilbúin að ganga að því, ásamt 130.000 kr. eingreiðslu, en að vísu að því tilskildu að kjarasamningur myndi nást fyrir 20. nóvember.
Það er hálf fyndið að horfa upp á það að kennarar eru núna að biðja um nákvæmlega það sem miðlunartillaga sáttasemjara fól í sér, en bæði þessi atriði voru þar, og kennarar höfnuðu henni eins og allir vita.

En ef við spáum aðeins í ríkisstjórninni, er ekki svolítið sérkennilegt að í staðin fyrir að gefa meiri pening í sveitafélögin svo að kennarar fái hækkun sína setja þeir bara lög á allt? Þetta gerðu þeir með sjómenn einnig og flugfreyjur. Á fólk að láta bjóða sér þetta? Taka burtu þeirra eina vopn til að berjast fyrir bærilegum launum?

Það VARÐ að setja þessi lög, það var ekkert að gerast í málinu, og samninganefndir höfðu fjarlægst hvor aðra ef eitthvað var. Átti bara að láta þetta dankast og hafa verkfall fram að jólum? Fram á vor kannski?
Ég spyr, hvað með stjórnarskrárbundinn rétt barna til náms? Er verkfallsréttur kennara sterkari en hann? Og nota bene, það voru sett lög á sjómenn og hafa verið sett lög á flugfreyjur, og það fólk fer eftir þeim lögum og mætir til vinnu. Þetta fólk fær ekki að vera nema 1 dag í verkfalli, jafnvel ekki það. Kennarar eru búnir að vera í verkfalli síðan 20. sept. mínus ein vika í byrjun nóvember.

Það er ósköp einfalt að segja að ríkisstjórnin eigi að “láta meiri pening til sveitarfélaganna”, en hvar endar það ef ríkið á alltaf að koma með meira fjármagn til að leysa kjaradeilur? Það eru nefnilega fleiri stéttir í startholunum að fara í verkfall, til dæmis leikskólakennarar, sem munu krefjast sömu launa og grunnskólakennarar. Á ríkið að koma með meira fjármagn í það líka? Og athugaðu eitt, hvað er ríkið? Það erum við, þú og ég. (eða líklega foreldrar þínir og ég) Skattpeningar okkar. Ríkið er ekki eitthvað fyrirtæki úti í bæ sem á einhverja allsnægtasjóði til að ganga í.
Ennfremur munu kjarasamningar annarra stétta losna ef kennarar fá launahækkun langt umfram aðra í þjóðfélaginu.

Kjarasamningar ganga ekki út á að annar aðilinn fái allar sínar kröfur uppfylltar en hinn engar. Að ganga til samninga með margar ófrávíkjanlegar kröfur gengur ekki upp, eins og hefur sést glögglega á undanförnum vikum. Báðir aðilar verða að slá af. Þessu virðast kennarar ekki hafa áttað sig á og rembast enn eins og rjúpan við staurinn með ófrávíkjanlegu kröfurnar sínar.

Eitt sem mér þótti sérstaklega ógeðfellt við atburði dagsins í dag, var að í einhverjum skólum mættu kennarar til vinnu, létu börnin setjast inn í skólastofur og gengu svo út. Það er eitt að tilkynna sig veikan og mæta ekki, en þessi framkoma finnst mér óafsakanleg og hreint út sagt viðbjóðsleg vanvirðing við börnin, sem til engra saka hafa unnið.
Það getur vel verið að unglingum finnist bara fínt að vera í verkfalli og fá frí, en mörgum finnst það ekki, og þessi önn hefur gjörsamlega verið eyðilögð fyrir öllum nemendum grunnskólans.

Annað sem er beinlínis fyndið, er að horfa upp á stjórnarandstöðuna á Alþingi tala hátt og mikið um skömm ríkisstjórnarinnar í þessu máli, en tala sem minnst um það að það eru þeirra eigin flokkar hér í Reykjavík, þ.e. R listinn sem eru viðsemjendur kennara í þessari deilu, ekki ríkisstjórnin. Össur Skarphéðinsson er í þvílíkum atkvæðaveiðum að annað eins hefur varla sést.

Ég veit vel að við erum ríkið, en ég er líka tilbúin til að axla þá ábyrgð að hækka lægstu laun í landinu og borga fyrir það með hærri sköttum eða með því að hagræða í rekstri ríkisins á einhverjum sviðum. Mér finnst mikil hræsni að segja að menntun sé mikilvæg, en vilja svo ekki borga almennilega fyrir hana… Ef fólk vill fá góða kennara, þá VERÐUR að borga góð laun, annars fer þetta fólk bara eitthvert annað!

sammála

Ashy…


PS. MÚMÍNÁLFAR RÚLA!!!

Þetta er jú allt gott og fínt hjá þér.

Þú gleymir samt því sem mikilvægast er.



Það eru lög í þessu landi sem kveða á um skólaskildu á íslandi þau hafa verið brotin, og í Barnasáttmála Sameinuðuþjóðana segir eftirfarandi í 19. gr:



1. Aðildarríki skulu gera allar viðeigandi ráðstafanir á sviði löggjafar, stjórnsýslu, félags- og menntunarmála til að vernda barn gegn hvers kyns líkamlegu og andlegu ofbeldi, meiðingum, misnotkun, vanrækslu, skeytingarleysi, illri meðferð eða notkun, þar á meðal kynferðislegri misnotkun, meðan það er í umsjá annars eða beggja foreldra, lögráðamanns eða lögráðamanna, eða nokkurs annars sem hefur það í umsjá sinni.



Gegn þessu ákvæði hefur verið brotið.



það er hægt að finna mörg fleiri lög sem kennarar hafa brotið í þessu verkfalli.



Það er búið að setja lög á kennarar, og þau skal virða.

það er ekki til fyrirmyndar fyrir börnin að kennarar skildu velja þá leið sem þeir völdu til að mótmæla þessum lögum.

Það er ekki gefinn neinn afsláttur í Íslenskum lögum.

Kennarara eru að mínu mati orðnir eins og hver annar dópsali, landabruggari, ölvaður ökumaður, nauðgari og morðingi.

þeir eru ótýndir lögbrjótar og eiga að hljóta meðferð sem slíkir.

Það er sind að sjá þig verja kennara með þeim hætti sem þú gerir í ljóssi þeirra brota sem þeir hafa framið gegn þér.

Ég get því sem næst slegið því fram með fullri vissu að þú heldur ekki upp slíkum vörnum fyrir dópsala, nauðgara og morðingja.



Kveðja

Tiburon

ég er mjög sammála þé

Ef kennarar mundu vinna frá 8 á morgnanna til 16 á daginn og vera í Lífeyrissjóð eins og annan fólk en ekki með sér kjör í lífeyrissjóð væri ekkert mál að græða þeim betri laun. Þetta snýst allt um 5 mínútur hér og 10 mínútur þar hjá þeim.

Þó burt sé litið frá því að þá verða kennarar bara sækja hægt og bítandi á launhækkanir og taka eingöngu eina tröppu í einu en ætla sér ekki að stökkva upp stigan eins og hann leggur sig. Ef Grunnskóla kennarar fengju sínar launahækkanir þá mundu bara Framhaldsskóla kennarar og Leiksskóla kennarar. Og svo munu fullt af öðrum stéttum fylgja á eftir. Þetta mundi einfaldlega setja samfélagið á hausinn og einhverstaðar þyrfti peningarnir að koma og væri hægt að bregðast við því með því að hækka skattana. Og þá fyrst yrði nú allt vitlaust.

Er því ekki bara lausninn að einkavæða skólakerfið ?

Skólastjórnendur gætu farið betur með eigið fé og það er augljóst mál að bæta þarf námsefnið (þar sem Ísland er á eftir í menntamálum miðað við nágranna ríkin). Þá hefðu skólarnir aukið frelsi til að gera það sem þeir teldu að skilaði almennilegum árangri og í leiðinni muni fjölbreytni aukast og framþróun yrði hraðari. Þá gæti hver borgar fyrir sína menntun. Og í leiðinni mundu skattar lækka gífurlega þar sem mest af tekjum ríkisins fer í heilbrigðis og menntamál.

Meira frelsi, minna ríkisvald.

ef þetta væri í sal myndi ég standa upp og klappa fyrir þér!

þetta er alveg rétt hjá þér, mig langar kanski að bæta við að þeir sem eru almennt virkir finnst gaman í verkfallinu, en þeir sem að eru hvortsemer ekkert að gera á daginn almennt leiðast náttúrulega í verkfallinu, hugsiði út í það, ef þið sofið bara yfir þann tíma sem þið áttuð að vera í skóla í þessu verkfalli væri þetta alveg eins og ef það væri skóli, nema þið þyrftuð ekki að vakna snemma

Það er greinilegt að mörgum finnst að kennarar eigi að fá hærri laun en þeir hafa í dag. Margir þeirra sem hafa skrifað greinar um þetta málefni og athugasemdir við þeim eiga það til að bera kennarastarfið við aðrar greinar atvinnulífsins. Slikur samanburður er oftast barnalegur og byggður á röngum forsendum.

Ég er að ljúka námi í lögfræði við háskóla íslands sem er 5 ára nám, minnst. Á námstíma mínum hef ég tekið að mér að kenna í grunnskóla einum í borginni svona til að komast hjá því að taka námslán, það er ekki auðvelt að vera í miklu námi og vinna með en það sleppur fyrir horn, en afhverju?

Kennsla er auðveldasta starf sem ég hef komist í og hef ég tekið að mér margvísleg störf, frá unglingavinnu til kennslu. Þar á milli hef ég unnið eitt sumar á sjó annað í byggingarvinnu og enn önnur við afgreiðslustörf.

Laun kennara er ekki hægt að miða við aðrar stéttir því kennara njóta þeirra forréttinda að vera lokuð stétt, líkt og læknar og verkfræðingar. Afhverju það er? er mér að öllu óskiljanlegt. Það er oft sagt við mig af kennurum sem ég hef unnið með að það sé misskilningur í samfélaginu að allir geti kennt. Það er rétt það geta ekki allir kennt, annað hvort hafa menn það í sér og eða geta tileinkað sér það en nám kennara sem veitir þeim einum réttindi til að kenna hefur ekkert að segja til um það hvort þeir geti kennt eða ekki. Það geta flestir nemendur vitnað um sjálfir.

Einhver sagði að lögfræðingar væru með svona 3x til 7x hærri laun en kennarar. Það er eflaust í einhverjum tilvikum rétt. En munurinn á lögfræðingum og kennurum er að lögfræðingar vinna á frjálsum vinnumarkaði þar sem störf þeirra eru metin af einkageiranum það gera kennarar ekki. Lélegir lögfræðingar eru ekki á mikið hærri launum en meðal kennari enda hafa fyrirtæki og einstaklingar ekkert við lélega lögfræðinga að gera. Kennarar vinna á vernduðum vinnustöðum þar sem allir hafa sömu laun sama hversu góðir eða lélegir þeir eru. Auk þess hafa kennarar hafnað launapottum sem gera skólastjórnendum kleift að borga góðum kennurum hærri laun, afhverju? hver veit.

Það er ekki lausn að ríkið dæli peningum í allar kjaraviðræður enda myndum við þá einfaldlega sjá allar ríkisstéttir landsins í verkfalli. Auk þess myndi það hrynda verðbólgu hjólinu fræga aftur á stað. Þess verður enig að geta að þó einhverjum finnist allt í lagi að hækka skatta til að koma á móts við kröfur kennara þá mun það hafa gífurlegar afhleiðingar fyrir heimili landsisn og í raun er það ekkert annað en ofbeldi gegn borgurum þessa lands að heimta enn meira af launum þess. Ég vil ekki borga hærri skatt til að kennarar fá hærri laun að þvinga mig til þess er ofbeldi.

Launsnin er ekki falin í því að dæla endalausum peningum inn í skólakerfið, það þarf að breyta skólakerfinu og stokka upp í nýtt í því. Hættum að velta fyrir okkur hver á sökina í þessari kennaradeilu, hvort sem það er lagasetning eða gjaldþrotastefna R-listans í skólamálum reynum frekar að koma með hugmyndar að nýju og bættara kerfi.

p.s þeir hafa samt sinn verkfallsrétt og því finnst mér ekki sanngjarnt að það sé hægt að setja lög á þá. Annað hvort hefur fólk verkfallsrétt eða ekki

Það að hækka laun kennara um einhvern helling myndi hafa það í för með sér að aðrar stéttir taki sig til og telji sig eiga rétt á hærri launum “af því að kennarar fengu svo mikið”. Hvernig eiga sveitarfélögin að standa undir þeim kostnaði?

Vá, þetta heppnaðist svo sannarlega vel þar sem aðal meining greinar minnar var að fá góðar rökræður í gang. Ég vil þakka ykkur öllum fyrir.

P.s. hef aldrei fengið jafn mörg álit á grein. woo!

Þótt ég styðji að kennarar eigi að fá hærri laun tel ég þessa lagasetningu nauðsynlega. Ástæða þess að ég tel hana nauðsynlega er sú að í 76. grein stjórnarskrá Lýðveldisins Íslands stendur:

"76. gr. [Öllum, sem þess þurfa, skal tryggður í lögum réttur til aðstoðar vegna sjúkleika, örorku, elli, atvinnuleysis, örbirgðar og sambærilegra atvika.
Öllum skal tryggður í lögum réttur til almennrar menntunar og fræðslu við sitt hæfi.
Börnum skal tryggð í lögum sú vernd og umönnun sem velferð þeirra krefst.]1)"

Þennan rétt eru grunnskólabörn ekki að fá. Það að verkfallið hafi staðið svona lengi finnst mér brjóta ansi hart á þessum rétti þeirra. Með þessari lagasetningu var einungis verið tryggja rétt barna og unglinga til almennnrar menntunar.