Í Kastljósinu í gær var dregið í fyrstu umferð í spurningakeppni framhaldsskólanna sem er betur þekkt sem Gettu Betur. Keppnir verða dagana fimmtudaginn 15. janúar, föstudaginn 16. janúar, þriðjudaginn 20. janúar, fimmtudaginn 22. janúar og föstudaginn 23. janúar og verða allar keppnirnar á Rás 2 frá kl. 8-10 um kvöldin. Annars leit drátturinn svona út:
Fimmtudaginn 15. janúar mætast Fjölbrautaskólinn við Ármúla og Fjölbrautaskólinn í Garðabæ kl. 8, Kvennaskólinn í Reykjavík og Menntaskólinn á Ísafirði kl.8:30 og að lokum
Framhaldsskólinn í Vestmannaeyjum og Menntaskólinn við Hamrahlíð kl.9.
Föstudaginn 16. janúar mætast Menntaskólinn í Reykjavík og Fjölbrautaskóli Suðurlands kl. 8, Menntaskólinn á Akureyri og Menntaskólinn á Egilsstöðum kl. 8:30, Framhaldsskólinn á Húsavík og Fjölbrautaskólinn Breiðholti kl.9 og að lokum Menntaskólinn Hraðbraut og Verkmenntaskólinn á Akureyri kl.9:30.
Þriðjudaginn 20. janúar mætast Iðnskólinn í Hafnarfirði og Flensborgarskólinn í Hafnarfirði kl.8, Fjölbrautaskóli Norðurlands vestra, Sauðárkróki og Fjölbrautaskóli Vesturlands, Akranesi kl.8:30, Landbúnaðarháskólinn á Hvanneyri og Fjölbrautaskóli Suðurnesja kl.9 og að lokum Verkmenntaskóli Austurlands, Neskaupstað og Menntaskólinn við Sund kl.9:30.
Föstudaginn 23. janúar mætast Borgarholtsskóli og Menntaskólinn að Laugarvatni kl.8, Framhaldsskólinn í Austur-Skaftafellssýslu, Höfn í Hornafirði og Menntaskólinn í Kópavogi kl.8:30 og síðast en ekki síst Iðnskólinn í Reykjavík og Verzlunarskóli Íslands.

Spyrill í keppninni er eins og síðastliðin ár Logi Bergmann Eiðsson en dómarinn og stigavörðurinn koma ný til leiks og er dómarinn að þessu sinni gamall mr liðsmaður og gengur undir nafninu Stefán Pálsson og er hann sagnfræðingur að atvinnu. Stigavörðurinn heitir Steinunn Vala Sigfúsdóttir og er hún verkfræðinemi.

Aldrei hafa fleiri skólar tekið þátt í keppninni en fjöldinn er 28 skólar og koma nýir skólar inn í keppnina eins og Menntaskólinn Hraðbraut sem er á sínu fyrsta starfsári.

Keppnin byrjar eins og fram kemur í útvarpinu á Rás 2 þann 15. janúar kl. 8 en keppnin byrjar í sjónvarpinu þann 19. febrúar og verður úrslita viðureignin þann 2. apríl og verður sigurvegarinn krýndur strax að lokinni þeirri keppni. Alls verða 8 lið sem keppa í sjónvarpinu og verður örugglega hörkukeppni um Hljóðnemann þetta árið.