[Notanda eytt] fyrir 22 árum Fjöldi lestra: 3492

Sleggjudómar í fréttablaðinu

Kæru samherjar,

Í fréttablaðinu í dag birtist ótrúlegur pistill (svo ekki sé meira sagt) eftir Kristínu Helgu Gunnarsdóttur. Pistlinum hefur verið póstað á quake korkinn, sjá link að neðan:

http://www.hugi.is/quake/korkar.php?sMonitor= viewpost&iPostID=765123&iBoardID=74

Skoðum aðeins hvað Kristín er að segja:

1 - Hún er að gefa í skyn að skjálftamótin séu þjálfunarbúðir fyrir vígamenn og ofbeldismenn framtíðarinnar.

2 - Hún segir að bein tengsl séu milli ofbeldisverka og spilunar tölvuleikja, þrátt fyrir að rannsóknir hafi ítrekað sýnt fram á lítil sem engin tengsl milli þessara hluta. (sjá t.d. http://www.fepproject.org/courtbriefs/stlouis.html#rese arch ).

3 - Hún gefur í skyn að þá sem spila tölvuleiki dreymi um að fremja morð og ofbeldisverk utan leiksins. Eins eru leikmenn sakaðir um að vera vanheil og siðlaus ómenni.

4 - Hún leggur að jöfnu sigurvegara skjálfta við hryðjuverkamenn á Vesturbakkanum, leyniskyttuna John Muhammad í Washington og handrukkara.

Hér hefur verið stiklað á stóru í þessum svokölluðu Bakþöknum, sem er einn sá ótrúlegasti pistill sem ég hef lesið á minni ævi. Það er morgunljóst að Kristín Helga veit ekkert um hvað hún er að tala. Hún hefur líklega aldrei komið á skjálftamót og veit líklegast ekkert um hvað leikirnir og mótin ganga út á.

Ég sé ekki betur en þessar aðdróttanir séu þess eðlis að þær varði við almenn hegningarlög, greinar 234 og 235. Sjá:

234. gr. Hver, sem meiðir æru annars manns með móðgun í orðum eða athöfnum, og hver, sem ber slíkt út, skal sæta sektum eða [fangelsi]1) allt að 1 ári.
1)L. 82/1998, 127. gr.
235. gr. Ef maður dróttar að öðrum manni einhverju því, sem verða myndi virðingu hans til hnekkis, eða ber slíka aðdróttun út, þá varðar það sektum eða [fangelsi]1) allt að 1 ári.

Ég hef engan áhuga á að vera úthrópaður ofbeldisseggur af Kristínu Helgu eða öðrum sökum þess að ég hafi gaman að því að spila tölvuleiki. Ennfremur er þetta móðgun við þá sem hafa staðið að og byggt upp skjálftamótin undanfarin 4 ár.

Kristín Helga skuldar leikjasamfélaginu á Íslandi skriflega afsökun á þessum ummælum sínum sem eru byggð á fáfræði og fordómum. Leikjasamfélagið á Íslandi mum ekki taka sleggjudómum fáfróðrar blaðakonu þegjandi og hljóðalaust.

–
Daði Kárason
PhD-Trini
dadik@simnet.is

[Notanda eytt] fyrir 22 árum

þeta er rétt, loka skjalfta :)

Fyrra álit

Krullgor fyrir 22 árum

minnir mig á “Is your son a computer hacker?” greinina sem poppar upp á huga öðru hvoru…

Fyrra álit

[Notanda eytt] fyrir 22 árum

Get nú ekki annað en verið sammála henni, ekkert nema villingar sem mæta á skjálfta :-)

Fyrra álit

Booger fyrir 22 árum

Sú grein var náttúrulega grín. Greinin hennar Kristínar Helgu er það ekki.

Fyrra álit

snjall fyrir 22 árum

sendu þessa grein bara í moggann or sum :D

snjall er bara snjall og ekkert annað… nema kannski stundum.

Fyrra álit

izelord fyrir 22 árum

Einnig fannst mér vegið frekar að tilgangi leikjanna á skjálfta í frétt RÚV.

Þar var sagt, nokkurnveginn orðrétt…

“sá er sigurvegari sem drepur flesta”

sem er auðvitað út í hött, og á meðan var sýnt massamikið af blóðslettum.

Meira að segja pabbi minn, sem sumir ættu að vita að er ekki mikið fyrir tölvur, fussaði yfir þessari frétt og einnig pistlinum í fréttablaðinu.

Finnst flestum sem ég hef talað við, að Kristín Helga hafi gengið of langt með þessum pistli sínum og eigi að biðja leikjasamfélag Íslands afsökunar.

Það besta sem guð hefur skapað er nýr dagur.

Fyrra álit

xark fyrir 22 árum

já ég las þetta í morgunn og varð bara hneykslaður á þessum pistli hennar. Hún vissi í fyrsta lagi ekkert um hvað hún var að tala. Svo segir hún að fyrstu verðlaun ættu að vera vika á vígaslóðum Vesturbakkans ! Hún segir já líka að bein tening sé á milli morða og tölvuleikja. Hvar hún fékk þann merkilega fróðleik væri gaman að vita.

Minnir mig líka á annað svona álíka sem birtist í blaðinu (VF) (eitthvað blað fyrir gbæ, og hfj) og þar var viðtal við leikarann Stefán Karl sem var eitthvað að tala um einelti en fór svo að tala um tölvuleiki og bíomyndir sem ástæður þess (að hluta allavega.)

En þar sagði hann: að í CS væri hægt að setja inn tölvugerða nemendur og markmiðið væri svo að drepa alla !

Segir sig líka með hann og þessa konu að þau vita ekkert um hvað þau eru að tala. Svo taka aðrir þetta sem sannleika..

Fyrra álit

NMushroom fyrir 22 árum

Ég er nú ekki viss hvort þetta er sama grein og ég sá þar sagði eikker krakki “ég spila marga tölvuleika svo sem Counter strike, hitman2 o.fl.”
Síðan stóð undir þessu “ Þetta er hræðilegt !!”

[GT1]PanZe

Fyrra álit

bbenson fyrir 22 árum

Já þetta var frekar lélegt burn hjá þessari lufsu. Og nú eru enn fleiri á móti Skjálftamótum vegna þess að fólk sem veit ekkert um þetta er komið í lið með lufsunni. Eina sem við getum gert er að senda inn grein á móti (counter burn) og andmæla þessu og upplýsa fólk um að það að drepa sem flesta er alls ekki það sem þetta snýst um. Þegar ég sé börnin hennar strafe jumpandi um skólann sinn með rocket launcher að keppast um að ná red armor á undan hinum börnunum, þá skal ég hætta að mæta á Skjálftamót.

[DON]sinuz

Fyrra álit

Vilhelm fyrir 22 árum

Þið eruð greinilega ekki enn að átta ykkur á að pistladálkurinn “Bakþankar” aftan á fréttablaðinu er ekkert annað en leiktæki nokkurra manneskja með orð, og þar fá þær líka smá vald til þess að setja skondin skot á liðna atburði, og Kristín hefur greinilega valið Skjálfta til að atast í. Fólk, ef þið lesið þessa Bakþanka oftar þá sjáið þið að þetta er meira grín heldur en alvara, og þessi umtalaði pistill er án efa ekkert annað en smá skot á tölvuleikjamarkaðinn… :P

Bara drop the subject, ekki taka þessu of alvarlega. :)

Fyrra álit

DayTripp fyrir 22 árum

mér er sama.. ég mun sýna þessari gellu puttan ef ég sé hana útá götu..

Fyrra álit

doctor fyrir 22 árum

ég mun sýna henni þrífótinn minn.

<img src="

Fyrra álit

[Notanda eytt] fyrir 22 árum

Þetta er ástæðan fyrir því að sumt fólk heldur að bara einhverjir óþroskaðir ungir menn með dulda ofbeldishvöt spili tölvuleiki, sem eru þess vegna bara verkfæri satans!!!

Ekki haga ykkur eins og hálfvitar á internetinu bara þó að þið komið fram undir dulnefni. Gefið bara skít í þessa grein.

Fyrra álit

Tankian fyrir 22 árum

“pistladálkurinn ”Bakþankar“ aftan á fréttablaðinu er ekkert annað en leiktæki nokkurra manneskja með orð, og þar fá þær líka smá vald til þess að setja skondin skot á liðna atburði” -Vilhelm

Já gífurlegar SKONDIN skot á liðna atburði… þessi pistladálkur er frekar “leiktæki” hennar til að heimskast upp á liðnum atburðum. Helvítis fávísa kerling.

Fyrra álit

enzyme fyrir 22 árum

kæra kellinguna fyrir meinyrði, þetta er svipað og málið með sjávarútvegisráðherrann, og hann er að fá big bucks í sekt ! Þessi kelling á það skilið !

Fyrra álit

Augustus fyrir 22 árum

Ég hef einmitt núna sent grein til Kristínar Helgu þar sem ég reyni að kynna fyrir henni hvernig samfélagið sem hún skammast út í er.

Hún sýndi vissulega fáfræði og fordóma, þetta var ágætis pistill sem hún fékk frá mér og mætti segja þetta vera ígildi kafla í Bók Ágústusar (inside joke… ég skrifa sjaldnast stuttar greinar þegar mér liggur eitthvað á hjarta).

Allt tal um ærumeiðingar er hins vegar út í hött, hvergi nefndi hún neinn á nafn (nema Símann) og aðdróttanirnar eru óbeinar frekar en beinar. Kannski hún sjái að sér ef hún fær *VITRÆN* svör

(í guðanna bænum haldið ykkur saman ef þið eruð pirruð og viljið sýna það með fingrinum eða typpinu…, þið bara staðfestið fordóma hennar, bara verið pirruð og örg inni í ykkur í staðinn…)

Summum ius summa inuria

Fyrra álit

doctor fyrir 22 árum

Ég var nú bara að gantast augustus minn :)

<img src="

Fyrra álit

johanng fyrir 22 árum

email ? væri vel þegið takk

Kveðja

Fyrra álit

rooster fyrir 22 árum

Stórhættuleg heimska Kristínar!

Var fyrst núna að enda við að lesa pistil Kristínar og mig rekur í rogastans. Að þessi til þess að gera unga kona sem gefur sig út fyrir að vera upplýsta sé með svona samansúrruð kvennalista-kerlinga-forræðishyggju-fordóma-viðhorf er hreint með ólíkindum. Unglingar allra tíma hafa þurft að eiga við fordóma eldir kynslóða. Það liggur einhvern veginn í hlutarins eðli. En þetta er með eindæmum. Ágústus, forvitnilegt væri að sjá þau skrif sem þú sendir henni til að geta fylgst með því ekki er gott að láta þessa heimsku vaða uppi né láta henni ósvarað.

Kveðja,
[GGRN]Rooste

Fyrra álit

jonr fyrir 22 árum

Blessaður vertu, fáðu þér stuttann göngutúr og slakaðu á. Hún er að gera grín að ykkur, og þið fattið það ekki, heldur hlaupið í fýlu reynið að draga meiðyrðalög inn í þetta! Er ekki allt í lagi? Ég veit ekki hvor ykkar er meiri kellíng, Daði eða Kristín.
J.

Fyrra álit

[Notanda eytt] fyrir 22 árum

Þú verður að senda þetta í Morgunblaðið, með útskýringum á reglum Counter-Strike og líka með upplýsingum um hvernig Skjálfti fer fram. Það væri frábært í alvöru. Þú ert með rök fyrir öllu sem þú segir og þessi tilvitnun í stjórnarskrána er gg.
Þú átt okkur Skjálfta spilurum það inni að koma þessari grein einkert sem að þessir þröngsýnu apakettir með banana í rassgatinu geti séð etta!

Fyrra álit

arnihr fyrir 22 árum

Hananú.

Ég veit hreint og beint ekki hvernig ég á að líta á þessa grein. Annað hvort sem lélegt grín eða hreinustu alvöru? Allir sem hafa skrifað eitthvað hér á huga um hana nema jonr hafa tekið á þessu máli af fyllstu alvöru svo lítið sé sagt.

Það sem ég hefði mestan áhuga á akkúrat núna er að vita nákvæmlega hvort þetta var kall á hjálp vegna leikjaspilun fólks á Íslandi (notabene, ekki bara ungmenni að spila þennan leik - fyrir 3 árum var meðalaldurinn mun hærri en hann er núna) eða hvort það var verið að slá á _aðeins of_ létta strengi.

Ég get allavega ekki ákveðið hvort hún var að meina, hún blandar morðum og handrukkurum inn í málið, ég er næstum því að hallast að því að það sé smá alvara í þessari grein en skil ég vel að hún valdi fjaðrafoki þar sem greinin er á alvarlegri nótunum.

Árni Hermann
arnih

Fyrra álit

Duce fyrir 22 árum

já ég lenti í því að vera súpa mitt kaffi og sjúga mína rettu einn fagran morgun þegar ég las þennan “pistil” og vægast sagt var ég mjög hneykslaður. Að slá svona sterkum orðum um eitthvað sem hún greinilega þekkir ekki neitt til.
Ég hélt að ég væri sá eini sem hefði lesið þetta og látið fara fyrir brjóstið á mér en greinilega ekki. Þeir sem hafa lesið þessa pistla áður hjá henni K.H. hljóta að sjá að hún heypur ekki mikið á háði heldur talar í alvöru. Ég hef allan hug að láta Fréttablaðið vita hvernig “okkur” finnst um þetta. Þetta er alþekkt að einhverjir einstaklingar sem hafa aðgang af fréttaskrifum tali illa og rangt um minnihlutahópa.

Fyrra álit

Skjálfti

Ofurhugar

Hverjir eru inni

Greinar

Sleggjudómar í fréttablaðinu

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi