og þú heldur væntanlega að siðlegt mat þitt á aðstæðunum sé það? Það er rosalega þreytt að þykjast vera hollywood gaurinn sem tekur lögin í sínar eigin hendur þegar kemur að alvarlegu máli eins og þessu. En blessunarlega fara þessir stælar þínir ekkert út fyrir huga.is..

ókei í fyrsta lagi heitir gæjinn ekki einu sinni gunnar, sem sýnir óhóflega takmarkaða vitneskju þína um málið. Mér er líka meinilla við þennann mann og finnst þetta allt mjög rangt sem hann er að gera, rétt eins og þér. En segjum sem svo að ég beri sömu tilfinningar gagnvart þér, þ.e mér finnist að þér eigi að vera refsa fyrir eitthvað sem þú hefur gert í fortíðinni, “megi” ég þá gefa þér einn á kjammann næst þegar við hittumst úti á götu? Þú hlýtur bara, jafngamall mér, hafa öðlast nægan andlegan þroska til að skilja á milli þess sem er ósiðlegt og þess sem er refsivert samkvæmt lögum. Ef þú myndir hætta að vera með þessa helv. stæla og reyna að tengja mig, sem að þú þekkir ekkert fyrir utan þessa einu málsgrein mína, við mann sem að þú veist ekki einu sinni hvað heitir, þá gætirðu mjög sennilega skilið það sem ég er að reyna að segja þér. Ef að þú hinsvegar gerir það ekki þá bið ég þig vinsamlegast um að hlífa mér við svörum þínum, því ég er á engann hátt að verja siðferði þessa manns.

Og nei, að sofa hjá stelpu sem er í meðferð hjá þér er ekki refsivert. Þó hún sé í meðferð þýðir það ekki að hún fyrirgeri sjálfstæðum vilja sínum, hvorki til hans né neins annars. Það er hinsvegar hræðilega illa gert af manninum og verður að hindra að hann komist aftur í slíka stöðu.

Magnað samt hvað ráðamenn þjóðarinnar firra sig ábyrgð af þessu máli, það voru þeir sem að veittu honum þessa peninga án þess að láta neinn fylgjast með því sem fór fram þarna. Þeir eru aðal sökudólgarnir í málinu og ég er alveg handviss um að af öllum svona söfnuðum er þessi aðeins toppurinn af ísjakanum. Það að hann stundi leðukynlíf með sjúklingunum gerir hann að auðveldri skotskífu, en ég er handviss um að slík fjárdráttar mál eiga sér stað á fleiri bæjum. Þetta er langt frá því að vera einsdæmi í heiminum, það var eiginlega bókað að svona kæmi upp hérlendis á endanum. Það sem er raunverulega rangt við þetta ógeðslega mál er að ómenntaðir guttar útí bæ geti fengið hundruði milljóna króna til að sjá um meðferð á áfengissjúklingum, sem kljást við sjúkdóm eins og aðrir sjúklingar, bara vegna þess að þeir stjórna einhverjum trúarhópi og segjast vera í umboði guðs almáttugs. Svona hugsunarháttur á ekki að líðast á nýju árþúsundi.

já þú hefur vissulega rétt fyrir þér þar sem þú bendir á að hægt sé að refsa mönnum fyrir það og er það með bros á vör sem ég afsaka þau mistök mín og vona að honum verði refsað í takt við þessi lög. Reyndar sagði hann að guð lækna í gegnum sig, með sæðinu eða eitthvað álíka kjaftæði sem er að sjálfsögðu ekki vísindalegt. Í raun eru allir þeir sem telja sér eða aðra trú um að þeir geti beitt kröftum almættisins, sama í hvaða tilgangi það er, að ljúga þar sem ekki er hægt með vísindalegum aðferðum að sanna mál þeirra. En svo er því þannig farið að vegna skorts á vísindalegra sannana er athæfa þeirra í raun ekki ólöglegt, því þeir hafa allir jafn rangt fyrir sér samkvæmt lögunum. Það er því fráleitt að trúarstofnunum sé treyst fyrir meðferð sjúklinga, sama hvort þau heita Byrgið eða eitthvað annað, þar sem sjúkdómur er ekki synd og verður ekki “læknaður” sem slíkur.

Ég vona að ég sé ekki að fara of mikið út fyrir efnið hérna, en svona almennt séð; hvaða trúarhópur beitir ekki blekkingum til að ná sínu fram? Fyrir mér skiptir það litlu hvort um fjárhagslega eða kynferðislega kúgun að ræða, viljinn er sá sami.

Hvað var hann þá eiginlega að meina með þessu?

Já og umfjöllunin á Kompás upprunalega var SVO smituð af fordómum Sigmundar Ernis, thats a man that needs a reality cheeck