Við lifum á þeim tímum þar sem sjónvarp er orðið stór partur í lífi flestra og eru margir fyrir framan skjáinn tímunum saman daglega.
Fyrir ekki svo löngu hófu margir framleiðendur að koma á framfæri svokölluðu “raunvöruleikasjónvarpi”, sem eru þættir sem innihalda fáa eða enga leikara, aðeins þáttakendur og kynnir. Þessir þættir eru flestir þannig að það eru keppendur í einhverskonar leik þar sem einhverjar háar peningaupphæðir eru í verðlaun.
Sem dæmi má nefna “Survivor”, sem er einn af fyrstu raunvöruleikasjónvarps-þáttunum. Þátturinn snýst um hóp af fólki sem á að reyna að lifa af einhverjar náttúrulegar aðstæður í mánuð. Þessir þættir vöktu mikla athygli og urðu mjög frægir. Ekki leið á löngu að allir vildu bita af þessari gróðvænlegu köku. “Fear Factor”, “American Idol”,“Temtation Island”, “The Bachleor”, “I bet you will” og fleiri og fleiri þættir komu svo í kjölfarið.
Einnig eru aðrar gerðir af raunvöruleikasjónvarpi, sem ekki snúast um að vinna einhverjar keppnir eða peningaverðlaun, og eru þeir þættir t.d.: “Jackass”,“The Ozbournes”,“Cribs” og “Dirty Sanches”.

Nú þegar ég kveiki á sjónvarpinu er ég nánast hættur að sjá þætti með atvinnuleikurum, og ég spyr:er leikarastéttin að deyja út? Snýst málið nú um að fá einhverja nobodys útaf götu til að búa til þætti, því að enginn kann að skrifa handrit, eða hvað?