Mjög sammála

Það vantar margt í The Sims því þetta á að vera real life simulator en er það svo sannarlega ekki, bara sami dagurinn aftur og aftur.

Þetta má bæta finnst mér.

Dagatal! Það á að vera dagatal í leiknum með helgum, frídögum og öllu tilheyrandi.

Mánaðargreiðslur! Maður ætti að fá borgað í lok hvers mánaðar, það myndi bæta strategíið til muna í leiknum, því maður yrði að spara til að halda út mánuðinn.

Reikningar! Maður þyrfti að borga mánaðarlega reikninga, til dæmis rafmagn eða síma og ef þeir væru ekki borgaðir yrði rafmagnið tekið frá simsunum sem myndi þýða: ekkert sjónvarp, enginn ljós (vont fyrir skapið) matur myglar í ísskápnum eða þá að þú gætir ekki hringt í neinn.

Innkaup Þetta gæti verið einfallt eins og í gamla real-life leiknum Jones, þú gætir keypt eins dags skammt, vikuskammt (ekki gáfulegt hafirðu ekki borgað rafmagnið) eða partyskammt/grillmat.
Maður gæti kannski verslað símleiðis en þá myndi bætast við aukakostnaður, td 10% af kostnaðarverði.

Tíminn á að líða HÆGAR eða simsinn á að hreyfa sig HRAÐAR, tíminn sem fer í svefn eða sjónvarpsgláp er hæfilegur en simsinn er korter að labba á milli herbergja og klukkutíma á klóstinu.

Jæja ég er enginn simsari hvort sem er, oftast skemmtilegt fyrst þegar maður þarf að streða við að halda sér á lífi í pínulittlu íbúðinni sinni með pínulittla sjónvarpið sitt, étandi pítsur og sofandi á einhverskonar bedda. Það er GAMAN, en svo vinnur maður sig rólega upp á við, fær sér ískáp, betra rúm, stærra sjónvarp, fleiri herbergi, giftis, eignast krakka og áður en maður veit af hefur maður ekkert að gera við peningana sína lengur því maður er búinn að fylla út lóðarsvæðið sitt, komin með tvær hæðir fullar af herbergjum sem öll hafa sitt parket og veggfóður og öll herbergin eru full af píanóum, borðum, stólum, hljómtækjum, antik-skápum, lyftingartækjum, málverkum, sófum, fiskabúrum, plöntum, klósettum, leikföngum, nuddpottum, skákborðum, bókahillum, sjónvörpum, málningarstrigum, styttum og allskyns drasli sem simsarnir SJÁ ekki einu sinni því þau hafa ekkert að gera upp á aðra hæð hvort sem er.

Tek vel undir með Der. Þetta hefði orðið efni í grein hjá þér.

Mér finnst að það mætti vera hægt að hringja í vini manns bara til að spjalla eða bara til að rífast eða eitthvað. En ekki bara til að ÞEIR komi.
Svo finnst mér að það ætti ekki að vera ein fjölskylda á hverri lóð. Mér finnst að maður ætti að geta flutt átta manns á eina stóra lóð og byggt svo parhús eða eitthvað.
En það mundi ekki ganga ef við mundum reyna það eins og er því að þá þyrftu þau að hafa sameiginlega peninga og þá vaða þau bara inn hjá hvort öðru, og svo getur kannski kallinn í íbúð 1 farið og lagt sig í rúminu hjá krakkanum í íbúð 2. Og allskonar svona rugl því simsar eru svo heimskir!
Það væri geðveikt að stjórna tveim fjölskyldum í einu. Það væri líka töff að byggja blokk og svona. Svo finnst mér ömurlegt að krakkarnir geta bara fengið sér snakk og borðað það sem aðrir eldað en ekki steikt sér kannski egg í morgunmat.
Þar að auki geta þau ekki sagt gestum að fara.

Ég prófaði nefninlega einu sinni að láta bara eina stelpu búa eina í húsi og svo kom gamall kall í heimsókn og ég gat ekki boðið honum neitt að borða og rétt gat pantað pitsu. Svo gerði hann ekkert nema að skamma stelpuna og stelpan gat ekki rekið hann heim til sín þannig að hann svaf bara í sófanum!