Hinn mikli og eini sanni Genghis Khan.

Þegar litið er yfir alla leiðtoga Rússlands síðan á síðari hluta 19.aldar má sjá það skemmtilega munstur að þeir skiptast alltaf á að vera með hár og skalla. Það er einnig eftirtektarvert hvernig þeir virðast skiptast alveg á, mann við mann, hvort valdaskeið þeirra hafi verið tími stöðnunar eða framfara. Vissulega er þetta ekki algilt, tildæmis var valdaskeið Leníns ekki stöðugar framfarir, allavega ekki ókeypis framfarir og þrátt fyrir að Stalínstíminn hafi verið eitt mesta og grófasta skeið pólitískrar stöðnunar í sögu Sovétríkjanna þá var þar mikið um tækniframfarir og annað í þeim dúr. En þetta gefur grófa mynd af þessu munstri framfara og staðnana sem skemmtilegt er að velta fyrir sér.

Í stuttu máli má sjá þetta fyrir sér svona:
Vart þarf að minnast á hina gríðarlegu stöðnun rússnesks þjóðlífs á tímum Nikulásar II, og hinna miklu pólitísku og þjóðfélagslegu breytinga og framfara sem áttu sér stað á valdatíð Leníns, sem svo var skrúfað fyrir á tímum Stalíns og tekið skref afturbak í gamla farveginn. Krútsjov reyndi að leiða Sovétríkin af braut Stalíns með pólitískum endurbótum sínum en eftir að hafa verið bægt frá völdum tók við tuttugu ára skeið pólitískrar- og efnahagslegrar stöðnunar Brézhnevs. Andropov reyndi að koma af stað endurbótum í samvinnu við Gorbatsjov en dó fljótlega og við tók Brézhnevistinn Tjernenkó. Vart þarf svo að taka fram endurbótagleði Gorbatsjovs, en hliðstæðu við breytingar hans verður varla fundin nema farið sé aftur til byltingarinnar.

Eftir fall Sovétríkjanna tók við stöðnunarskeið Jeltsíns þar sem rússneskt þjóðlíf og efnahagslíf var að niðurlotum komið, svo ekki sé minnst á stjórnarhætti hans. Í stjórnartíð Pútíns varð Rússland aftur heimsveldi, ekki aðeins hernaðarlegt heimsveldi heldur einnig efnahagslegt stórveldi (þó hins vegar megi maður vera var við pólitíska stöðnun í stjórnarháttum Pútíns). Forsetatíð Medvedevs hefur ekki verið svo löng að á hana megi varpa sögulegu ljósi, en víst er að alheimskreppan ber að dyrum í Rússlandi og ekki alls kostar óvíst að valdatíð Medvedevs verði minnst sem efnahagslegrar stöðnunar.

Nú er ég reyndar hef ég ekki kynnt mér Alexander II keisara mikið og ætla ekki að fullyrða að í hans stuttu valdatíð hafi verið mikið um dýrðir en hann var allavegana með skalla.

Verkamaður við störfum á hinni víðfrægu Empire State byggingu í New York.

Þessir menn voru alvöru hörkutól.

Dalai Lama með góðvini sínum Miguel Serrano árið 1992.

Miguel Serrano er þekktur fyrir að hafa verið höfuðpaurinn í nasistaflokknum í Argentínu og hefur meðal annars skrifað bók í þeim tilgangi að sýna fram á að Hitler var “guð”. Hann lést 28. febrúar síðastliðinn.

Hann og búddahippinn hittust reglulega meðan hann var á lífi.

Hér sést “Hinn ástkæri leiðtogi” Norður-Kóreu, Kim Jong-Il, í fangi föður síns sem nefndur var “Hinn mikli leiðtogi”.

Kim yngri fæddist í austanverðum Sovétríkjunum þar sem foreldrar hans voru í útlegð á árum Seinni heimsstyrjaldar. Heimaland þeirra var þá hernumið af Japönum, sem ekki voru neitt hrifnir af kommúnistum.

Í kjölfar stríðsins var Kim eldri gerður að leiðtoga Norður-Kóreu í skjóli Sovétmanna, og átti nokkrum árum síðar stærstan þátt í að hefja Kóreustríðið, eina mannskæðustu styrjöld 20. aldar utan heimsstyrjaldanna.

Eftir að Kóreustríðinu lauk árið 1953, einangraði Norður-Kórea sig brátt frá umheiminum, og þar var sett upp líklega öfgakenndasta kommúnistaharðstjórn sögunnar. “Stalínískari” en Sovétríki Stalíns, en jafnframt með sér-kóreskum tilbrigðum.

Kim eldri lést í hárri elli árið 1994, og tók þá sonur hans við völdum. Valda-erfir kunna að virðast skringilegar í kommúnistaríki, en í Norður-Kóreu kemur ekkert á óvart. Saga þessa lands undir stjórn Kim-feðga er með slíkum ólíkindum að halda mætti að um skopstælingu á alræðisríki sé að ræða fremur en raunveruleika. Víst er þó að Kóreumönnum, hvorki norðan né sunnan, þykir ekkert skoplegt við þá feðga, enda bera þeir ábyrgð á milljónum dauðsfalla undanfarna áratugi.

Langa og ítarlega grein um það má finna hér (ATH að hún er 6 ára gömul, og í tveim pörtum): http://www.guardian.co.uk/theobserver/2003/nov/02/features.magazine17

Svo er spurningin hvað gerist núna. Kim yngri er enn við völd að því að menn telja, en mun vera orðinn fárveikur, jafnvel dauðvona.

Á sama tíma er landið að prófa kjarnorkuvopn og hóta hinum ríku frændum sínum í suðri, sem og Japönum og Bandaríkjamönnum. Þarna gæti hæglega brotist út “Seinna Kóreustríðið” á næstunni.

Hvort að litli drengurinn á myndinni ræður enn einhverju um gang mála, er ekki vitað. Getgátur eru uppi um að e.t.v. sé hann dauðvona í öndunarvél eða jafnvel þegar látinn, og þessi nýlegu læti í raun hluti af innri valdabaráttu í þessu furðulega ríki.

Nú er bara að bíða og sjá.

Eratosthenes var fyrstur allra manna til að reikna út ummál jarðarinnar á þriðju öld fyrir Krist.

Hvernig? Kíktu á YouTube-hornið á þessu áhugamáli.

var hann til í alvöru? ég vill trúa því
þetta er sagan samkvæmt biblíuni: menn fóru að líta svo stórt á sig að þeir vildu byggja turn sem yrði svo stór að hann myndi ná upp til himnaríkja guði var misboðið og gerði svo að verkum að enginn skildi neinn, þeas enginn talaði sama tungumálið og á endanum hættu þeir að byggja turninn.
í bók jubilees er sagt að turninn hafi verið 2,5 km hár!, nánar á http://en.wikipedia.org/wiki/Babel_towe

Árið 1940 þegar Orrustan um Bretland stóð sem hæst og gekk fremur brösuglega fyrir Þjóðverja, er sagt að Hermann Göring yfirmaður Luftwaffe (þýska flughersins) hafi boðið nokkrum helstu flugköppum sínum til óformlegs spjalls. Göring spurði hvort það væri eitthvað sérstakt sem hann gæti gert til að aðstoða þá í baráttunni.

Adolf Galland, einn af mestu “ásunum” sagði þá eitthvað á þá leið: “Það væri kannski helst að þú gætir reddað okkur nokkrum flugsveitum af Spitfire-vélum!” Göring fannst þetta víst ekkert sérlega fyndið tilsvar, og engar pantanir frá Luftwaffe bárust bresku Spitfire-verksmiðjunum :D


Með því er þó ekki sagt að Luftwaffe hafi ekki tekið eitt og eitt eintak af þeirri frægu orrustuflugvél í notkun það sem eftir var stríðs. Þótt reynt væri eftir fremsta megni - af öllum stríðsaðilum - að forðast slíkt, var óhjákvæmilegt að einhver eintök af nýjustu og bestu flugvélunum kæmust lítt- eða óskemmd í óvinahendur.

Eintök af nánast öllum algengustu herflugvélum Bandamanna komust í hendur Þjóðverja. Þær voru að sjálfsögðu þaul-prófaðar af þýskum flugmönnum til að kynnast eiginleikum þeirra og þá sérstaklega veikleikum. Sumar þeirra voru síðan notaðar í þjálfun flugmanna og einnig í ýmis “sérverkefni”, sum há-leynileg og reyfarakennd. Heil flugsveit, nefnd KG-200, var stofnuð gagngert í þeim tilgangi.


Myndin er af einni þeirra Spitfire-véla sem hlutu þessi örlög. Takið eftir tvennu: Í fyrsta lagi hreyflinum, sem er þýskur, sömu gerðar og sá sem notaður var í Messerschmitt 109, frægustu orrustuvél Þjóðverja. Upprunalegi Rolls-Royce Merlin hreyfillinn hefur líklega eyðilagst í brotlendingunni. Og í öðru lagi, hversu óvenju stór og áberandi þýski járnkrossinn er á búknum. Það er vafalaust gert í þeim tilgangi að koma í veg fyrir augljósan misskilning þýskra flugmanna sem etv myndu rekast á þessa vél á flugi, enda þýskar Spitfire sjaldséðir hrafnar, furðufuglar kannski!

Fleiri svipaðar myndir má svo finna á: http://rareaircraf1.greyfalcon.us/Captured%20Allied%20Aircraft.htm

Jæja, ég ætla að vera með í trivia æðinu.

Hver er þessi fallega skeggjaði maður?

Hver er?