Já, en það er nú bara vegna þess að þeir eru/voru töluvert fjölmennarri, iðnvæddari og með hærra menntunarstig, þ.e. miklu mun þróaðra ríki.

En þetta er jú góður punktur, þeir hefðu nú mátt kalla sig heldur betur góða ef þeir hefðu náð þessu markmiði einhvern tíman.

Á hinn bóginn virðist semsvo að á tímabili hafi það ekki verið svo galið. Stórveldin náttúrulega léku sér þarna bæði að Grikkjum og Tyrjum og útbíttu landsvæðum hægri vinstri eftir því hvernig þeim hentaði. Ef Bretar hefðu nú t.d. virkilega viljað beita sér fyrir hönd Grikkja eftir WWI þá hefðu þeir eflaust getað gefið þeim Konstantínópel auk svæðanna sem þeir actually fengu í Smyrna og þar. Þeir skiptu svo um hlið þegar Atatürk og félagar fóru að ná yfirhöndinni í stríðinu 1921-1922, sem að því er virtist kom nokkuð skyndilega upp. Grikkir höfðu framan af borið sigur úr bítum - enda Ottómanveldið að niðurlotum komið.

Samskipti Tyrkja og Grikkja á 20. öld eru sannarlega verð athugunar í ljósi sögunnar. Aldrei hef ég botnað í því hvernig alþjóðasamfélagið gat látið innrás Tyrkja á Kýpur sem vind um eyru þjóta á 8. áratugnum. Alveg finnst mér það ótrúlegt hvað vesturlönd geta leikið heimslöggu þegar þeim hentar. Jafnvel Sameinuðu Þjóðirnar sem voru stofnaðar í þeim tilgangi að koma í veg fyrir óréttlætanleg árásarstríð sem þetta, gerðu ekkert, og hafa enn þann dag í dag ekkert gert. Ennþá situr óviðurkennd ríkissjórn Austur-Kýpur við völd þarna og enginn segir neitt. Síðan er einhver leppalúðaeinræðisherra í Lýbíu að dólgast í fólkinu sínu og þá fara allir ráðamenn heimsins úr límingunum og sitja ekki rólegir fyrr en hann hefur verið yfirbugaður.

Maður spyr sig hvernig upplitið hefði verið hjá SÞ og NATO ef t.d. Ungverjaland myndi nú skyndilega, ótilefnislaust hefja innrás í Rúmeníu, til þess að innlima Transylvalníu þar sem ungverskur minnihluti býr. Eða Búlgaría í Makedóníu, eða Japan Kóreu og svo mætti áfram telja.