Þetta er góð sönnun á því að ofbeldi leiðir af sér ofbeldi…

“Saddam Hussein sagðist upphaflega ætla að reyna að ná suðurhluta landsins, sem að samkvæmt honum, var að mestu leyti byggður aröbum, ekki persum eins og búa í flestöllu Íran. og þegar Íranir höfðu rekið íraka úr landinu buðu þeir Írökum einhverja fáránlega háa skilmála, líklega vissi Khomeini af því að Saddam myndi neita, enn með þessu gæti hann látið lýta út fyrir að Írakar væru enn árásarliðinn.”

Skrítin setning þar sem að Írak var árásaraðilinn. Khomeini hélt síðar aftur af Íranska hernum í nokkura daga eftir að Íranska hernum hafði tekist að hrekja til baka Íraka yfir landamærin og höfðu tækifæri til að taka Basra. Hann skipti svo um skoðun og ákvað að reyna að taka Basra. Þú nefnir það ekki að Saddam Hussein rak líka Shia Múslíma úr Írak.

Það er hinsvegar satt að fyrir innrásina þá var verið að skiptast reglulega á loftskotahríð yfir landamærin. Það veit hinsvegar enginn hver byrjaði á því.

Það er rétt sagt að Íranir notuðu unglinga og oft í þeim tilgangi að hreinsa upp jarðsprengjusvæði. Þeir klæddu þá í stóra veturjakka og mikinn fatnað svo það væri líklegra að líkaminn yrði ekki sundur slitinn eftir að hafa lent á jarðsprengju. Þetta gerðu þeir svo hægt væri að senda líkið til baka til fjölskyldunnar eins heilt og mögulegt væri. Unglingarnir börðust hinsvegar líka sem almennir hermenn.

Í byrjun stríðsins var Íranski herinn enn að jafna sig af ákveðnum hreinsunum sem áttu sér stað í kjölfar Íslömsku byltingarinnar í Íran. Ein af ástæðum þess að Saddam réðst inn í Íran var vegna þess að hann var ekki viss um að Khomeini myndi virða sáttmála Saddam og Sha um landamæri Íran og Írak. Ennfremur þá var Saddam eins og aðrir leiðtogar Araba ríkja hræddir við að byltingin myndi breiðast út meðal Shia múslima í öðrum miðausturlöndum og vildu reyna að brjóta á bak byltinguna. Þess vegna fjármögnuðu Sádi Arabar og Kuwait mjög mikinn part af hernaði Saddam.

Írakar fengu tækjabúnað til þess að framleiða taugagas og sinnepsgas frá Bandaríkjunum og þýskalandi minnir mig sem þeir notuðu meir og meir eftir því að stríðið dróst á langinn. Upphaflega hélt Saddam að hann gæti ráðist inn í Íran og sigrað það með leifturstríði.

Áróður hans um að hann væri að bjarga Aröbum frá Persum eða eitthvað því um líkt var svipað áróðri Hitlers um Sudetenlönd fyrir Seinni Heimsstyrjöldina.

Á meðan á stríðinu stóð þá höfðu ennfremur Bretar, Japanir, Bandaríkjamenn og Sovétríkin og hugsanlega fleiri ríki herskip staðsett í flóanum til þess að “verja” alþjóðlegar siglingarleiðir. Það var mikil pressa og spenna á þessu svæði. Það var undir þessum kringumstæðum sem að Bandarísk friðgáta (vincennes) skaut niður Íranska farþegaflugvél og drap um 298 farþega minnir mig. Áróðurinn sem kom í kjölfarið til að verja þetta dráp á almennum borgurum var viðurstyggilegt.

Ég er sammála um að ein af ástæðum þess að Saddam réðst inn í Kuwait hafi verið vegna þess að Kuwait vildi ekki fella niður skuldir Íraka við þá eins og Sádi Arabía gerði. Saddam fannst sem hann hafi varið Kuwait undan innrás Íran eða það var allaveganna sá áróður sem hann hélt úti á meðan stríðinu stóð.

Ég mæli með bók Robert Fisk; The Great War For Civilisation. Hún inniheldur ljóslifandi lýsingar á stríðinu því hann var þarna og skýrði frá innrásinni frá hlið Írak og svo frá því þegar að Íranir hrindu henni til baka og reyndu að ná Basra frá hlið Íran.

Annars rock on.
Daníel.