Ég var ekki að leiða lýkur á því að þróun byggingartækni þessara þjóða hefði farið samfara enda er ég fróðari en það um sögu þessara tveggja menningaheima. Ennfremur þá geri ég mér grein fyrir muninum á menningareinkennum þessara tveggja menningaheima.

Ég var einungis að benda á að kannski hefði menning í Suður-Ameríku orðið fyrir einhverjum áhrifum frá Egyptalandi, líklegast á óbeinan hátt.

Eins og þú bendir á og ég veit reyndar fyrirfram þá voru pýramídarnir notaðir til mismunandi notkunar.

Það sem mér finnst vera helst sláandi er að báðar þjóðir virðast hafa sömu grunnhugmynd um hvernig á að flytja sálina til himinhvolfanna eða hvað sem þeir telja að hún geri. Eins og ég benti á þá notuðu Egyptar nokkurs konar lítil göng sem fræðimenn héldu að væru fyrst loftræsigöng. Þeir fundu hinsvegar aldrei op á ytri byrði pýramídanna. Margir fræðimenn hafa því stungið upp á því að þessi göng séu kannski nokkurs konar göng fyrir sálina til að fara til guðanna, semsagt geimsins. Samskonar göng fyrirfinnast í grafhýsum sem Suður-Amerískar þjóðir byggðu handa sínum dauðu. Þau grafhýsi voru reyndar kassalaga.

Kannski er bara um tilviljun að ræða og með menningarlegan bakrunn í huganum þá er það líklegasta ástæðan. Væri það samt ekki miklu meira spennandi ef svo væri ekki:)

greatness.