Það er eilítið flóknara en það. Ástæðurnar eru margvíslegar og flækist það kannski fyrir mann þegar maður les söguna á undan fyrri heimsstyrjöldinni en sannleikurinn er sá að allir þessir atburðir höfðu áhrif á hvers vegna heimsstyrjöldin fór af stað.

Tyrkjaveldi var að missa tökin á Evrópuhluta veldisins. Þrír aðilar sáu sér helst færi á borði en það voru Rússar, Austurland/Ungverjaland og Serbar. Rússar lýstu sig sem verndara allra slavneskra þjóða og á þeim grundvelli ætluðu þeir að heimta yfirráð á því svæði sem Tyrkjaveldi var að missa. Serbneskum þjóðernissinnum dreymdi um að mynda stórt og voldugs serbneskt ríki og Austurland/Ungverjaland stafaði ógn af því. Í tveimur stríðum 1912-1913 milli Tyrkjaveldis og sameinaðs afla Serba, Grikkja, Svartfellinga og annara þá hröktu þeir Tyrki burt úr Evrópu. Í kjölfarið myndaðist ringulreið þar sem sameinaður heraflinn fór að berjast um herfangið. Austurland/Ungverjaland sáu sér leik á borði og hertóku Bosníu-Hersegóvínu. Serbar urðu auðvitað æfir af bræði. Árið 1914 (man ekki dagsetningu né nafnið heldur) var ríkiserfingi Austurlands/Ungverjalands ásamt konu sinni í heimsókn til höfuðborgar Bosníu-Hersegóvínu á þjóðarhátíðardegi Serba. Hann og kona hans voru skotin af ungum námsmanni. Mánuði síðar sögðu Austurland/Ungverjaland Serbíu stríð á hendur.

Nú er vert að geta aðeins formála.

Árið 1871 voru Prússar seinna þjóðverjar búnnir að sigra Frakka og hertaka af þeim mikilvægt hérað við landamæri landanna. Þetta fór skiljanlega ekki vel ofan í Frakka og í kjölfarið myndaðist óvild milli ríkjanna. Í kjölfar sameinaðs Þýskalands vildi Bismarck náttúrulega afla ríkinu nýlenda. Þetta var hinsvegar ekki auðvelt því ríkið hafði ekki yfir öflugum flota að ráða og var frekar seint til leiks í seinna nýlendukapphlaupinu rétt fyrir aldamót. Frökkum stafaði vissulega ógn af sameinuðu Þýskalandi og vice versa og því var byrjað vopnakapphlaup. Bretar voru hinsvegar ánægðir í skjóli flota síns en þegar Þjóðverjar byrjuðu að fjöldaframleiða herskip fóru þeir að hafa áhyggjur og því byrjuðu flest Evrópuríki að vígbúa landið sitt. Í kjölfarið byrjaði að örla enn meir á þjóðernisstefnu í öllum ríkjum. Í kjölfarið örlaði einnig á sósíalisma og sósíaldemókrötum. Það var byrjað að örla á þeirri hugmynd að ef til stríðs kæmi ættu allir verkamenn í öllum ríkjum að leggja niður vinnunna og vopnin og lama þannig ríkin til að koma í veg fyrir stríð. Alfred Nóbel skapaði í kjölfar þessara stefnu friðar nóbelsverðlaunin sem og alþjóðadómstóllinnn í Haag var myndaður en Þjóðverjar töldu hag sinn vera lítinn þar þar sem þeir sögðu að þessi dómstóll miðaðist einkum við það að hefta þá í “réttmætum kröfum þeirra.”

Ég verð að biðjast fyrirgefningar fyrir að muna ekki öll ártölin því það er svolítið langt síðan ég las þennan hluta sögunnar en ég ætla að halda áfram.

Stuttu fyrir stríðið gerðu Þjóðverjar og Tyrkir samning milli sín um að byggja veg sem kallaðist Berlín-Bagdad vegurinn. Þetta var náttúrulega mjög á móti hagsmunum breta þar sem þessi vegur var mjög nálægt Írak og Íran, tveimur af mikilvægustu nýlendum Breta sem og súez skurðinum sem var líflína Breta við mikilvægustu nýlendu þeirra; Indland.

Árið 1871 gerðu Þjóðverjar, Austurríki/Ungverjaland og Rússland þríveldissambandið. Þetta samband entist hinsvegar ekki lengi þar sem hagsmunir Austuríkis/Ungverjalands og Rússlands í Evrópuhluta Tyrklands stönguðust á og því sögðu Rússar sig úr bandalaginu árið 1894 og stofnuðu nýtt bandalag við Frakka. Árið 1907 gengu svo Bretar í þetta bandalag og það varð kallað samúðarbandalagið. Bandalagið var hinsvegar meira samband milli Breta og Frakka um að hjálpa hvor öðru með beinum herafskiptum. Þar með voru ríkin búinn að raða skákinn á borðið.

Þjóðverjar vissu að Rússar yrðu lengi að kalla saman herinn, þeir bjuggust því ekki við því að þeir myndu hjálpa Serbum. Þar með gætu Þjóðverjar einbeitt sérstaklega að Frökkum til að útiloka bardaga á tveimur víglínum áður en Rússar væru búnnir að vígbúast. Því var Schenchen áætlunin sett í gang en hún kallaði á árás yfir Belgíu og svo leiftursókn að París. París náðu þeir hinsvegar aldrei, Bretar voru áður búnnir að tryggja Belgíu hlutleysi og þegar Þjóðverjar réðust á Belgíu sögðu Bretar þeim stríð á hendur. Þar með hófst fyrri heimsstyrjöldin. Árið 1917 drógust Bandaríkin í stríðið og réðu úrslitum stríðsins með yfir einni milljón hermanna yfir atlandshafið.

Vonandir nennir einhver að lesa þetta, það tók mig tuttugu mínútur að skrifa þetta.

Greatness.