Þetta er ansi stórt “ef”. Mönnum ber ekki einu sinni almennt saman um hvort Rússum hefði tekist að sigra Þjóðverja án bandarískrar þáttöku í stríðinu.

En ókei, ef Kanar hefðu haldið sig utan við stríðið, segjum sem svo að Þjóðverjar hefðu knúið Rússa til uppgjafar, kannski 1943 eða '44. Gerum þá einnig ráð fyrir því að Bretar hefðu séð sig knúna til að semja frið, og þá líklega hefja samstarf við Þjóðverja um skipulag Evrópu og Afríku.

Bandaríkin hefðu ekki getað neitt annað gert en að sætta sig orðinn hlut. Þau hefðu viðhaldið góðu sambandi við Bretland, og bætt samskiptin við hið nýja Evrópuveldi Hitlers. En auðvitað hefðu þau treyst varnir sínar. Þau hefðu eftir sem áður verið fyrst með kjarnorkusprengjuna, Manhattan-prógrammið var farið í gang fyrir árslok 1941.

Til að gera innrás í Bandaríkin hefðu Þjóðverjar þurft að:

A) Fá stuðning Breta og þeirra mikla herskipaflota. Jafnvel þótt einhverskonar fasistastjórn hefði komist til valda á Bretlandi í kjölfar friðarsamninga, efast ég um að hún hefði verið spennt fyrir slíku.

B) Byggja sjálfir upp gríðarlegan herskipaflota með flugmóðurskipum og “innrásarfleytum”. Árið 1940 höfðu þeir ekki einu sinni bolmagn til innrásar yfir Ermarsund, hvað þá Atlantshaf.

En þó þeim hefði einhvernveginn tekist það, hefðu þeir þurft…

C) Að lenda a.m.k. milljón hermönnum með tilheyrandi útbúnaði á austurströnd Bandaríkjanna, sem væntanlega hefði verið víggirt allt frá Maine til Flórída. Ekki hefði þýtt að fara gegnum Kanada, því Bandaríkjamenn hefðu hernumið það land við fyrstu grunsemdir um slíkar áætlanir.

En ef Þjóðverjum (og etv breskum bandamönnum þeirra) hefði samt tekist það, hefðu þeir þá þurft að…

D) Sjá liðinu fyrir nægum vistum og útbúnaði til sóknar lengra inn í meginland Norður-Ameríku, yfir víða erfitt landslag, gegn milljónum harðvopnaðra og vígreifra heimamanna.

Hugmyndir um innrás Japana á vesturströndina eru jafnvel enn fáránlegri. Þeir höfðu minni efni en Þjóðverjar og yfir tvöfalt stærra haf að fara, og hefðu að auki lent í erfiðaðra landslagi.

Bottom-lænið er þó: AF HVERJU hefðu Þjóðverjar og/eða Japanir átt að ana út í slíkt ævintýri? Þeir höfðu vissulega háar hugmyndir um framtíðarskipan heimsins, en innrás í Ameríku var ekki þar á meðal. Sama hvað Frank Capra og fleiri slíkir bandarískir áróðursmenn sögðu hermönnum í kvikmyndum sínum.

Vildi líka bæta við, en mistókst áðan:

Hvað Suður- og Mið-Ameríku varðar, þá efast ég um að við slíkar aðstæður hefði nokkurt land þorað að bjóða Bandaríkjunum birginn með að styðja Öxulveldin. Jafnvel þó mörg þeirra væru fasísk, þá höfðu þau að mörgu leyti verið “skjólstæðingar” Bandaríkjanna alla sína tilveru. Það hefði heldur ekki verið spurning um það hvort fantaliðið yrði fljótara á staðinn, Waffen-SS eða US Marines.

Það er heldur ekkert fyrirséð að Bandaríkjamenn hefðu haldið sig utan átakanna jafnvel þó að ekki hefði verið ráðist á þá.

Árás Japans á Pearl Harbour átti sér langa forsögu sem gleymist voðalega oft. Pearl Harbour kom ekki bara úr skýru lofti eins og áróðurinn hefur oftast bent til sem og skemmtanaiðnaðurinn.

Ennfremur þá hafa margir sagnfræðingar og efnahagsfræðingar bent á að Roosevelt og stjórnin hans hefðu gert sér fljótlega grein fyrri því að það þyrfti vaxandi stríðsiðnað til að koma þjóðinni almennilega úr kreppunni.

Ennfremur með vaxandi stéttabaráttu, sérstaklega í kjölfar kreppunnar tel ég að hafi gert það að verkum að það var þörf á stríði einfaldlega til að hjaðna á þeim öflum sem hefðu hugsanlega getað rift þjóðfélagsskipunina sem var þá við lýði.

Það er ekki neitt eitt en margir þræðir sem liggja þar að baki en mér finnst það afar hæpin hugmynd að ætla að Bandaríkin hefðu haldið sig utan stríðsins hefðu Pearl Harbour ekki átt sér stað og/eða Þjóðverjar sagt þeim stríð á hendur.

Rock on.
Daníel.

Já eins og áður hefur komið fram hefði það verið allt of mikið fyrir Þjóðverja. Auk þess var þap ekki einusinni á teikniborðinu hjá þeim, það var ekki einusinni hugmynd að ráðast á Bandaríkin (hvað þá Ameríku). Það var hvorki hernaðarlegur tilgangur verið fyrir því né hugmyndafræðilegur tilgangur (eins og innrásin í Sovétríkin).

ég held að bandaríkin hefðu hvortið dregist inní stríðið hvortið er.

Ég man reyndar eftir einni bók sem ég las eitt sinn, skáldsögu, og hún heitir Föðurlandið, en sú bók er einmitt svona blendingur what-if-sagnfræði og skáldsagnar.
Þar einmitt gerist sagan í kringum 75ta afmæli Hitlers en Þjóðverjar höfðu lifað stríðið af, unnið rússana sko, og voru að innræta einhverja svona slökunarstefnu við Bandaríkjamenn og stuff.
Mjög góð bók, ráðlegg þér að kíkja á hana.