[Notanda eytt] fyrir 19 árum, 9 mánuðum Fjöldi lestra: 456

Könnun

er í tísku núna að senda inn kannanir um málefni sem mjög fáir vita nóg mikil skil á til þess að svara?

Nei, come on! Þetta er sagnfræðiáhugamál. Ef það er ekki hægt að spyrja um aþensk stjórnmál á klassískum tíma - vöggu lýðræðisins - hvað er þá hægt að spyrja um?

Auðvitað er ekki hægt að ætlast til þess að allir viti allt um allt. En ég hlusta nú ekki á raus um að svona kannanir séu einhvern veginn óviðeigandi eða ekki við hæfi á áhugamálinu (ef það er það sem þú ert að gefa í skyn).

Ef fólk hefur líka ekki heyrt minnst á Sólon eða Þemistókles, Períkles eða Demosþenes, þá segir það meira um menntakerfið en könnunina. Það ættu nú allir að hafa heyrt þessara manna getið.

___________________________________

Fyrra álit

[Notanda eytt] fyrir 19 árum, 9 mánuðum

Þú hefur algjörlega misskilið mig. Ég var alls ekki að segja að könnunin væri óviðeigandi á neinn hátt enda væri það fásinna.

Núna þegar ég hugsa um það veit ég ekki alveg afhverju ég byrjaði á þessari umræði. Kannski vegna gremju minnar yfir því að ég veit ekkert um þetta enda bara í fyrsta bekk í Menntaskóla. Ég er heldur ekki það brjálaður að læra um gamla gríska stjórnmálafræði sjálfu

Fyrra álit

gthth fyrir 19 árum, 9 mánuðum

Ok, ég hef þá misskilið þig. Biðst afsökunar á því. Þetta sýnir bara að maður á aldrei að gefa sér neitt :)

Þegar ég var í menntaskólanum var þetta efni einmitt kennt í sögu fyrsta misserið. Rómarsaga tók svo við á vorönn.

Það er annars leitt að heyra að þú sért ekki “brjálaður” að læra um sögu Grikklands. Þú ert að missa af miklu. Það er varla til áhugaverðara tímabil. Jæja, það er víst smekksatriði, ég verð að kannast við það. Eftir sem áður hvet ég þig til að kynna þér málið með opnum hug ef þér býðst einhvern tímann að taka áfanga um fornaldarsögu :)

___________________________________

Fyrra álit

[Notanda eytt] fyrir 19 árum, 9 mánuðum

Í hvaða skóla varstu í? Ég er í M.A og við höfum bara farið pínulítið í lýðræðið þarna í félagsfræði. Þ.e að þeir sem tóku ekki þátt voru kallaði idiótar og að allir áttu að taka þátt sem voru ekki þrælar, konur eða fátækir.

Svo sagði ég að ég væri ekki það brjálaður að læra sögu Grikklands bara með því að fara niður á bókasafn og finna einhverjar bækur um Grikkland til forna og byrja að lesa þær. Þ.e.a.s. upp á eigin spýtur. Þegar ég byrja að læra um þetta í skólanum þá á ég eftir að kynna mér málið með opnum hug.

Fyrra álit

gthth fyrir 19 árum, 9 mánuðum

Ég var í MR …að því er virðist fyrir einni og hálfri eilífð síðan :)

Orðið ‘idiotes’ þýðir í raun bara einstaklingur eða almúgamaður en fer svo að öðlast neikvæðan blæ og er þá einnig notað um illa upplýsta og ólærða menn. En ég hef ekki áður heyrt að það hafi verið notað sérstaklega um menn sem tóku ekki þátt í stjórnmálum.

___________________________________

Fyrra álit

gthth fyrir 19 árum, 9 mánuðum

Ah, orðið er notað svona hjá Heródótosi en hann notar það frekar um óbreytta borgara, þ.e. til aðgreiningar frá þeim sem eru í opinberum stöðum en ekki um fólk sem tekur ekki þátt í stjórnmálum, sbr. Hdt. I.59; aftur á móti gæti lýsingarorð myndað af nafnorðinu hafar verið notað svona á 2. öld e.Kr. en það er löngu seinna.

___________________________________

Fyrra álit

BoggiGudfadir fyrir 19 árum, 9 mánuðum

Það er ekkert að þessum könnunum. Bara skemmtileg tilbreyting frá öllum WW2 könnunum sem að virtust vera flæða allt. Ekki það að maður viti þetta þess vegna kynnir maður sér þetta kannski aðeins eins og gerði, las smá um Períkles á google þar sem hann fékk flest atkvæði.

Fyrra álit

Rumms fyrir 19 árum, 9 mánuðum

Ef þú gerir aðra svona könnun, Endilega hafa Færri möguleika
Því yfirleitt googlea ég þá sem ég þekki ekki
og það getur tekið tíma með svona Marga möguleika!

Samt Snilldar kannanir!

Fyrra álit

gthth fyrir 19 árum, 9 mánuðum

Hehe, en hvað ef mér finnst nú bara ágætt að þú og aðrir fræðist af þessum könnunum?

En takk, ég skal reyna að halda áfram að gera góðar kannanir :)

___________________________________

Fyrra álit

Kreoli fyrir 19 árum, 9 mánuðum

Voru ekki þeir sem mættu ekki á þingfundi forn-Grikklands kallaðir Idíótar (öllum fullgildum mönnum var heimilt að mæta og greiða atkvæði minnir mig)?

Fyrra álit

gthth fyrir 19 árum, 9 mánuðum

Frjálsir borgarar (karlmenn) máttu greiða atkvæði og taka þátt í stjórnmálum. Algengast er að orðið ‘idiotes’ merki bara almúgamann, en það getur líka vísað til manns sem er ekki í opinberu embætti eða til ólærðra og jafnvel áfróðra manna.

___________________________________

Fyrra álit

Kreoli fyrir 19 árum, 9 mánuðum

Í sögubók sem ég á er skilgreiningin á Idíótum sú sem ég gaf upp, jæja, ekki gleyma samt að nýyrði þróast oft mismunandi milli landshluta eða þýða mismunandi hluti milli tímabila, þannig að líklegast hafa bæði þú og sögubókin mín rétt fyrir sér.

Fyrra álit

gthth fyrir 19 árum, 9 mánuðum

Hvað veit ég, ég hef bara B.A.- gráðu í heimspeki, grísku og latínu frá HÍ og er doktorsnemi í fornfræði við Princeton háskóla; orðabókin mín hlýtur að vera röng og Heródótos og Þúkídídes hljóta að hafa kunnað grísku verr en sagnfræðingurinn sem skrifaði sögubókina :)

Dæmi um að orðið merki almenning eða prívat persónu, sjá Heródótos I.53, VII.3, Þúkýdídes I.124 og Platon, Samdrykkjuna 185B. Sbr. Platon, Ríkið 578C.

Dæmi um að orðið merki mann sem er ekki í opinberri stöðu eða embætti, sjá Heródótos I.123, Þúkídídes IV.2, Lýsías V.3 og Andókídes I.84 (þar sem hann vitnar í aþensk lög).

Dæmi um að orðið merki ólærðan mann, sjá Þúkídídes II.48, Platon, Þeætetos 178C, Prótagóras 345A og Lögin 933D. Sbr. Aristóteles, Stjórnspekin 1266a31.

Demosþenes notar orðið eins og höfundur sögubókarinnar einu sinni (X.70), en eigi að síður er eins og ég segi langsamlega algengast að orðið merki bara almúgamann, prívat einstakling eða mann sem er ólærður. Þannig nota sagnaritararnir Heródótos og Þúkídídes orðið, þannig nota heimspekingarnir Platon og Aristóteles orðið og þannig nota ræðumennirnir Andókídes og Lýsías orðið.

___________________________________

Fyrra álit

Kreoli fyrir 19 árum, 9 mánuðum

Pfft þessar sögubækur…. Æi hún var hvort eð er of full af myndum til að henni væri treystandi ;)

Fyrra álit

gthth fyrir 19 árum, 9 mánuðum

Hehe, það er örugglega allt í lagi með þessa bók. Og þetta er rétt, svo langt sem það nær; þeir sem ekki tóku þátt í stjórnmálum voru kallaðir idjódar - a.m.k. einu sinni af Demosþenesi. En það er samt ekki grunnmerking orðsins :)

Hvaða bók eruð þið annars að nota?

___________________________________

Fyrra álit

Kreoli fyrir 19 árum, 9 mánuðum

Veit það ekki, ég man eftir þessu úr einni þeim fjölmörgu alfræðibókum (fyrir börn þ.e.a.s.) sem ég las þegar ég var yngri (minnir að hún hafi heitið Heimur í Hnotskurn, eða eitthvað þannig) og svo eru vinir mínir alltaf að nota þetta þegar maður nennir ekki að mæta á nemendafélagsfundi :p þeir segjast hafa lært þetta í sögu 103, veit ekki hvaða bók er notuð, á eftir að fara í þann áfanga.

Fyrra álit

[Notanda eytt] fyrir 19 árum, 9 mánuðum

Jamm, færri valmöguleika næst takk :)

og grein með…

Fyrra álit

gthth fyrir 19 árum, 9 mánuðum

Nei, ekki grein með. Það myndi hafa áhrif á niðurstöðu könnunarinnar. Ef ég hefði sent inn grein um gríska stjórnmálamenn til forna og fært rök fyrir því að Þemistókles hefði verið þeirra merkastur en Aristeides þeirra verstur, þá er nánast öruggt að Þemistókles hefði fengið fleiri atkvæði en Aristeides færri. Eins og er hefur bara einn notandi kosið Þemistókles en Aristeides er með 6%. Það er dálítið forvitnileg niðurstaða en við hefðum kannski ekki fengið að sjá hana ef ég hefði fyrst sent inn grein.

En mér finnst það vera grundvallaratriði um kannanir að allir raunhæfir möguleikar séu hafðir með. Hinar öfgarnar eru miklu verri. Ég veit ekki hve oft ég hef séð kannanir á borð við:
Hver er besti rithöfundur í heimi?
(a) Rawlings
(b) Tolkien
© annar

Svona kannanir eru asnalegar, jafnvel þótt það sé vissulega hægt að velja “annar”. Öll svör sem koma til greina ættu að vera með (og þar með ætti helst ekki að spyrja um hluti eins og besta rithöfund allra tíma!) Í þessari könnun eru ekki hundrað valmöguleikar. Í þessri könnun eru ekki tugir valmöguleika. Hér eru 15 vlmöguleikar (sem er mikið en samt ekki of mikið) og tveir þeirra eru fyrir hlutlausa og þá sem kjósa einhvern annan en þá sem taldir eru upp.

___________________________________

Fyrra álit

Sagnfræði

Sagnfræði

Ofurhugar

Stjórnendur

Hverjir eru inni

Korkar - Almennt um sagnfræði

Könnun

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi