Það er rétt að Eisenhower batt að sumu leyti endi eða hefði líklega komið í veg fyrir að Bandaríkjamenn hefði farið í víetnamstríðið hefði hann getað boðið sig fram í þriðja kjörtímabilið. Það gat hann hinsvegar ekki vegna stjórnarskrárbreytingar árið 1951. Hefði Eiseinhower boðið sig fram hefði Kennedy goldið ósigur í kosningunum.

Það sem er hinsvegar að mínu mati rangt að vissu leyti :) er það að John F. Kennedy hafi hafið Víetnam stríðið. Vissulega sendi Kennedy inn hernaðarráðgjafa, en það var ekki fyrr en eftir dauða Kennedy´s sem Bandaríkjamenn hófu þáttöku í Víetnamstríðinu. Sumt af því sem ég mun láta hafa eftir mér er ekki staðfest af sagnfræðingum en engu að síður þá liggja eftir vissa menn gögn og viðtöl (nafnlaus viðtöl) þar sem þeir láta frá sér nokkrar athugasemdir.

Eftir afhroðið við svínaflóainnrásina þá var John F. Kennedy ekki á því að láta slíkt henda aftur. Sérstaklega ekki í landi svo fjarri Bandaríkjunum og með Bandarískum hermönnum. Því kallaði hann til Bandarískan herforingja úr herráðinu sem hann taldi að væri hliðhollari sér en kollegar hans í herráðinu. Hann bað þennan herforingja að láta niður nokkrar greinargerðir um hvernig væri best farið að því að kalla alla hernaðarráðgjafa Bandaríkjamanna frá Víetnam. Þetta var seint 1962. (ekki sagnfræðilega staðfest).

Demókratar hafa verið sá flokkur í tveggja flokka kerfi Bandaríkjanna sem hafa haldið því fram að Bandaríkjamenn ættu að skipta sér meira af stjórnmálum umheimsins. Kennedy var demókrati og hefði örugglega verið tilbúinn til þess að senda herlið inn í Víetnam hefði áætlunin í Svínaflóainnrásinni ekki farið svona illa. Við verðum að muna að það voru Bandarískir herforingjar og CIA forkálfar sem skipulögðu þá innrás með hjálp Bandarískra sprengjuvéla.

John F. Kennedy lofaði í kosningarferð sinni 1959 og 1960 að bæta mannréttindi svertingja í landinu, og bæta þjóðfélagsaðstæður borgara í Bandaríkjunum. Það sem kom hins vegar í veg fyrir að Kennedy kom frumvarpi sínu í gegnum þingið var meirihluti Repúblika þar. Eftir að John F. Kennedy dó var Lyndon Johnson svarinn til eiða. Þann 2.Júlí 1964 voru mannréttindalögin loks samþykkt og frumvarpið Kennedy´s komst í gegnum þingið. Í ágúst 1964 gerðu víetnamskir tundurskeytabátar árás á Bandarískan tundurspillir. Ríkisstjórn Lyndon Johnsons sótti um gríðarlegt umboð frá þinginu sem gerði henni kleift að hefja stríð í Víetnam. (sagnfræðilega staðfest).

Ástæðan fyrir því að ég setti þetta upp svona að ofan er að hér með ætla ég að fara með svolítið sem mörg ykkar munu líklegast hrista hausnum ykkar yfir.

Þetta er sambræðingur sagnfræðilegra staðreynda sem ég hef lesið úr sögubókum og svo þrjár bækur sem fjalla um morðið á John F. Kennedy. Ég vil samt biðja meðlimi Huga.is að fyrirgefa þá staðreynd að ég mun ekki geta látið heimildaskrá fylgja því ég hef þessar bækur ekki undir höndum þegar ég skrifa þessa grein. Vonandi get ég skilað henni inn síðar :)


Þegar Kennedy var kosinn forseti árið 1960 þá var eitt af því fyrsta sem gerði að reka og dreifa úr völdum yfirmanna CIA. Hann breytti semsagt valdakerfi CIA og fór þetta vissulega í taugarnar á yfirmönnum þar. Einn mannanna sem var rekinn hét Earl Warren, hann kemur aftur við sögu síðar.

Í Apríl 1961 réðust á annað þúsund kúbverskra flóttamanna á Kúbu. Áætlunin var að hvetja til uppreisnar gegn Kastró, innrásin gekk hroðalega illa og kallaði Kennedy aftur allar lofárásir sem voru ráðgerðar. Bandaríkjamenn voru úthrópaðir á sameinuðu þjóðunum undir forystu Sovétmanna. Bandaríkjamenn báru hinsvegar af sér alla þátttöku í árásinni. Kennedy var miður sín og að mínu mati þá tel ég að hann hafi ákveðið að kalla aftur alla hernaðarráðgjafa frá Víetnam þess fullviss um að þar gæti komið upp ástand sem kallaði á fulla þátttöku Bandaríkjanna í Víetnam stríðinu.

Herinn kenndi hinsvegar Kennedy um hvernig Svínaflói fór. Kennedy hafði kallað aftur allar loftárásir sem höfðu verið ráðgerðar eftir fyrstu loftárásirnar og hafði hafnað öllum tillögum þeirra um að senda inn Bandaríska hermenn til að skakka leikinn.

Yfirmenn hersins og CIA voru því reiðir.

Árið 1963 var John F. Kennedy skotinn til bana í kosningarferðalagi í Dallas. Þetta vita allir. Stuttu eftir morðið var Lee Harvey Oswald handtekinn í bíói. Hann var handtekinn fyrir að skjóta og myrða John F. Kennedy, ríkisstjóra Texas fylkis og lögreglumann seinna sama dag og hann “skaut” Kennedy. Nefnd var sett saman af ýmsum virtum mönnum úr þjóðlífi Bandaríkjanna. Formaður nefndarinnar var Earl Warren og var hét nefndin eftir honum, Warren nefndin. 14 dögum eftir að Kennedy var myrtur úrskurðaði nefndin að Kennedy hefði verið myrtur af einum manni, Oswald. Þetta var deginum eftir jarðarför Kennedy´s.

Það sem nefndin fékk hinsvegar aldrei að sjá var t.d. margfræg Zapruder mynd. Þetta er myndband sem var tekið á heimamyndavél af morðinu á Kennedy. Þar heyrist vel að það er skotið að minnsta kosti 5 skotum en ekki þremur eins og kenningin sem Warren nefndin samþykkti segir. Ennfremur þá fengu meðlimir Warren nefndarinnar aldrei að heyra vitnisburð vitna sem annaðhvort sáu grunsamlega menn eða heyrðu skot frá grashæðinni margfrægu. Aldrei fékk Warren nefndin að heyra byssusérfræðinga tala um hvernig það hefði verið ómögulegt fyrir Oswald að skjóta 3 skotum á 5,9 sekúndum úr byssu sem er einungis hægt að skjóta skoti á 2,3 sekúnda millibili. Warren nefndin fékk ekki að heyra af fingraförunum sem fundust á riflinum en var ekki að finna á pokanum sem Oswald geymdi riffillinn í, það fundust engin fingraför á pokanum né heldur kössunum eða glugganum, bara af rifflinum. Enginn fékk að heyra hvað Oswald hafði að segja eftir tvær yfirheyrslur, fyrst af lögreglu Dallas og síðar af meðlimum FBI og CIA vegna þess að engar skýrslur voru teknar af hvað fór þar fram. Til þess að það er hægt að nota vitnisburð fyrir rétti þarf að skrá hann niður í yfirheyrslunni. Enginn fékk að heyra af því hversu mikil meðalskytta Oswald var þegar hann var í Bandaríska hernum, né heldur af þeirri staðreynd að Oswald á að hafa hitt úr þremur skotum í gegnum þykkt tré sem skyggði algjörlega fyrir sjón hans.

Það skiptir hinsvegar ekki máli að allt þetta var látið kyrrt liggja og svo miklu meira vegna þess að Oswald var bara blóraböggull. Ekkert annað. Hann var þjálfaður upp til að taka á sig sökina, honum óafvitandi fyrir morðið á Kennedy. Þessu trúi ég innilega og það er ég þess fullviss að hann hafi einmitt verið þjálfaður af CIA og hafi þjálfun hans einnig fengið hljómgrunn hjá hernum. Herinn vildi nefnilega ólmur auka umsvif sín í Víetnam, og herinn taldi einnig að Kennedy væri heigull og hliðhollur að vissu leyti málstað kommúnista vegna kúbudeilunar og Svínaflóa.

Ég ætla ekki að hafa þetta lengra að þessu sinni en ég vona að þetta vekji upp líflegar umræður.

Greatness.