Þetta er stutt ritgerð um Adolf Hitler sem ég vann í sögu í framhaldsskóla. Ég vona að það sé eitthvað gagn af henni.

Adolf Hitler fæddist í Braunau í Austurríki þann 20. apríl 1889 og hefði því síðast orðið 117 ára hefði honum unnist aldur til. Æska hans var erfið og faðir hans lést þegar hann var ungur að árum. Hann fluttist til Vínarborgar og sótti um að fá að vera í listaskóla, en honum var fljótlega kastað út. Skólinn sá var starfræktur af gyðingum sem ýtti eflaust ennþá meira undir hatur hans í garð þeirra.
Hitler fékk þó mest af hugmyndum sínum um hinn hreina aríaþjóðflokk í fyrri heimsstyrjöldinni. Þar gegndi hann herþjónustu í fjögur ár og hlaut þýska járnkrossinn fyrir hugrekki. Þegar Þjóðverjar voru “neyddir” til að skrifa undir Versalasamninginn, byrjaði lukka Þýskalands að fjara út. Kreppan braust á og eitt mesta gengishrun varð á þýska markinu. Það gerði það að verkum að Hitler varð enn staðráðnari í að komast til valda og valda straumhvörfum í hinu daglega þýska lífi.
Hann gekk í þýska verkamannaflokkinn sem hann breytti síðar í Nasistaflokkinn. Þar kynntist hann Hermanni Göring sem átti eftir að hjálpa honum mikið í gegnum tíðina. Hann reyndi að gera byltingu en var loks sakaður um landráð og stungið í fangelsi. Þar skrifaði hann sögu sína, “Mein Kampf.”
Þegar hann komst út byrjaði hann strax aftur sína baráttu til að komast til valda. Í fyrstu kosningunum til Reichstagsins eftir það hlaut flokkur Hitlers 107 sæti, en þeir höfðu nýtt sér hræðslu almennings við kommúnista í kosningabaráttu sinni. Í næstu kosningum árið 1933 fengu þeir 288 sæti og voru þá orðnir stærsti flokkur landsins. Tveimur vikum síðar kveikti gyðingur í þinghúsinu og stuttu síðar bannaði Hitler alla aðra flokka enn sinn nasistaflokk af ótta við að kommúnistar gerðu byltingu.
Hann innlimaði Austurríki og Tékkland inní Þýskaland og réðist að lokum inní Pólland, en það er sá atburður sem oftast er sagður vera byrjun síðari heimsstyrjaldarinnar. Fyrst um sinn virtist þýski herinn vera ósigrandi en annað kom á daginn þegar hann hugðist ráðast inní Rússland, því þar tók rússneski veturinn við honum og margir þýskir hermenn frusu hreinlega í hel.
Eftir það fór gæfa Hitlers að snúast uppí andhverfu sína. Bandamenn sóttu sífellt á og endaði hann ævidaga sína í neðanjarðarbyrgi þar sem hann framdi sjálfsmorð ásamt konu sinni Evu Braun þann 30. apríl 1945, en þau höfðu gift sig stuttu áður.