Þegar spurningin “Var stríðið Hitler að kenna?” ber á góma eru flestir sammála um að svo sé. Þegar spurt er afhverju svo sé er eitthvað færra um svör og þegar fólk er beðið að rökstyðja þessa skoðun sína fara flestir í keng og segja “Æi, þúst, hann var bara frekar ill-shit-gaur”
Ég ætla langt því frá að reyna að hvítþvo Hitler, hann var vissulega firrtur maður, og urðu ákvarðanir hans til þess að fjöldi fólks lét lífið.
En ef við skoðum sögulegar staðreyndur, lítum framhjá því að hann stjórnaði “vonda” liðinu í hörmulegustu styrjöld sem mannkynið hefur orðið vitni af, gaf grænt ljós á útrýmingar gyðinga, samkynhneigðra, og fleiri og horfum á spurninguna; “Var STRÍÐIÐ Hitler að kenna?” Þá er skemmtilegt að velta fyrir sér ýmsum hlutum. Það er nefnilega þannig að sigurvegararnir skrifa oftar en ekki söguna.
Nú hefur löngum verið deilt um tildrögin að upphafi seinna stríðs. En þeir sem eitthvað vit hafa á sagnfræði vita það að þar áttu Versalasamningarnir stóran hlut í máli. Fyrir þá sem ekki eru með á nótunum þá voru Versalasamningarnir díll sem Þýskaland gerði við “sigurvegara” fyrri heimstyrjaldar(Bretland, Frakkland og fleiri) þarsem þeir tóku á sig alla ábyrgð á stríðinu, skiluðu aftur þeim löndum sem þeir höfðu unnið, og(n.b)gott betur, tóku það á sig að borga stríðsskaðabætur um ókomna tíð og að minnka her sinn talsvert, niður í nánast ekki neittneitt.
Með þessu töldu “sigurvegararnir” sig hafa reddað því að Þýskaland myndi gerast stórveldi í náinni framtíð, en voru í raun og veru aðeins að gefa Þjóðverjum ástæðu fyrir öðru stríði.
Í aðdragandanum að seinna stríði stílaði Hitler nánast aðeins inná þau lönd sem tekin höfðu verið af Þýskalandi, þær gífurlegu fjárhæðir sem Þýska þjóðin þurfti stanslaust að borga í stríðsskaðabætur og þann ósanngjarna hæl sem stórveldin höfðu sett þeim fyrir dyr í framfaramálum. Gyðingahatrið var aðeins toppurinn á ísjakanum, dropi í hafið en er þó það sem langflestir einblína á, skiljanlega, en erum við ekki skilduð til þess að gera sögunni sanngjörn skil, að lesa um allt hitt, hinar ástæðurnar?
Hitler hóf sumsé að innlima aðeins, og a.t.h aðeins þau lönd sem hafin höfðu verið af Þjóðverjum í fyrri heimstyrjöld, þeir hættu að borga stórveldunum stríðsskaðabætur og stækkuðu her sinn umfram fyrirfram settar reglur, sem önnur lönd þeirra settu þeim. Ekki féll þetta nógu vel í Breta, og þegar Þjóðverjar réðust inní Pólland til þess að ná í þau lönd sem þeir áttu tilkall til þar lýstu þeir yfir stríði á hendur Þjóðverjum… a.t.h Bretar lýsa yfir stríði á Þjóðverja, ekki öfugt. Hitler ætlaði að stoppa í Póllandi, og það sem hann vildi síst af öllu var stríð við Breta. Í raun og veru hafði hann reynt í mörg ár að semja um Versalasamningana við Bretana, um tilslakanir, og lengi vel var rætt um bandalag milli Breta og Þjóðverja, en það var Churchill ekki alveg að skapi.

Ég gæti nú svosem röflað um þetta mun lengur, en ætla mér það ekki. Ég ætla því að bíða eftir feedbacki frá ykkur, mínir kæru lesendur, og mun þá svara þeirri gagnrýni sem falla mun mér í skaut. vessgú.

Séra Bragi Páll Sigurðarson
http://www.lambi.blogspot.com