Sælir Intenz.

Ég er alveg sammála þér og HoneyBug í þessu, að sumu leyti.

Við sem eldri og reyndari getum ekki gengið að því sem vísu að yngra fólk sem ekki er með sömu staðla og viðmið og við á því hvað er viðsættanlegt málfar og hvað ekki, geri sér grein fyrir því að við séum ósátt við framsetningu þeirra á tungumáli okkar hér á bæ.

Við verðum þá að benda yngra fólki á það að við eigum erfitt með að skilja fyrirspurn þeirra (ef svo er - stundum finnst mér fólk vera að gera úlfalda úr mýflugu í þessum efnum) og hvort þau gætu vinsamlegast gert sig skiljanlegri í þessum efnum. Í kjölfar þess getum við svo vingjarnlega bent þeim á hvernig hægt er að hafa sig að (dæmi: "Gott væri ef þú myndir nota punkta og kommur til að maður geti betur greint að setningar hjá þér).

Fólk er MUN líklegra til þess að taka ábendingum frá manni og bæta það sem betur mætti fara ef það er gert á vingjarnlegan og fræðandi hátt, heldur en ef einhverju er hreytt að manni.

Hugsið málið, 12 ára stúlka gæti án efa notað þetta málfar við vinkonur sínar án þess að fá nokkra gagnrýni þar á. Getum við gengið að því sem vísu að hún viti það að þetta sé ekki viðsættanlegt/skiljanlegt málfar hjá okkur eldri og reyndari? Eitthvað er ég viss um að vinir hennar og vinkonur gætu lesið í gegnum þetta og skilið án vandamála :)

Þannig að, minn punktur er sá, að þótt við séum sammála um að fólk geti reynt að vanda mál sitt þegar það hefur eitthvað til að tjá sig/spurja okkur um, þá getum við ekki gengið að því vísu að það geri sér grein fyrir því hvernig við viljum fá þá fyrirspurn framsetta.

Við verðum því ávallt að reyna að gera fólki grein fyrir því á vingjarnlegu nótunum að sumir hlutir mættu betur fara, ef sú er raunin (og í guðanna bænum, ef við getum skilið fólk og sjáum að þeim er alvara með mál sitt, gerum þá ekki lítið úr þeirra vanda með því að fara að kvarta yfir stafsetningu og málfari eins og það sé aðal kjarninn í málinu. Bendum þeim frekar vingjarnlega á það eftir að málið hefur fengið lausn/verið rætt til hlítar, og þá í skilaboðum, svo fólk fari ekki að hópast saman til að rífa einhvern í sig sem getur verið sem dæmi lesblindur, skertur í notkun á íslensku máli, eða einfaldlega ungur).

Við sitjum ekki öll jöfn þegar kemur að íslenska tungumálinu, og ekki er hægt að segja að það sé neinum að kenna, er það?

Og þótt ég sé að svara þér Intenz með þessu, þá er þetta vangaveltur mínar varðandi þennan punkt til allra, ekki eitthvað skrifað persónulega til þín :) Bara svaraði þér því þú varst fyrstur til þess að koma með þennan punkt í þessu máli.

Kær kveðja,
Fróðleiksmoli

Sæl HoneyBug :)

Ég vildi benda þér á svar mitt til Intenz varðandi einmitt þennan punkt.

Kær kveðja,
Fróðleiksmoli

Engin ástæða að biðja mig afsökunar, gerðu það frekar við SunnuAngelicu :)

Kkv,
F.

Ég hef ekki enn rekist á óskiljanlegan þráð á huga, og hef aldrei þurft að leggja vinnu í að skilja neitt sem á huga stendur. Óþarfagelgja, nú eða snobb, í fólki.

Stjarna 4 13 ég er sammála þér með þetta sem stendur alveg fyrst, um þetta málfar og stafsetningu dæmi þitt.