Ég og kærastan erum búin að vera saman nú í rúma tvo mánuði og við erum saman í skóla og ég elska hana mjög heitt og ég held og vona að hún beri sömu tilfinningar til mín. Hún er bara svona gella sem er pínu vond við mig stundum. Um daginn rakst ég óvart í hendina á henni þar sem hún er tognuð og hún snappaði bara og kýldi mig í öxlina fjórum sinnum eins fast og hún gat… svo var ég einhverntíman bara að stríða henni aðeins svo sló hún mig bara utanundir og sagði síðan “djók”. svo segir hún stundum eitthvað eins og “þú ert ömurlegur” Mér finnst þetta vera svolítið þreytandi þar sem ég þarf núna alltaf að passa mig á að gera ekki nein ogguponsulítil mistök sem eru í sumum tilfellum ekki einusinni mér að kenna.

Það eru samt ekki allir dagar sem eru svona..
oft erum við bara mjög góð við hvort annað og erum bara í sjöunda himni.

Við vorum alltaf að hittast eftir skóla og bara gaman gaman. En núna erum við ekki búin að hittast neitt eftir skóla í meira en viku.. ég er búinn að vera að spurja hana undanfarna daga hvort hún nennir að gera eitthvað eftir skóla því við erum ekki búin að hittast fyrir utan skóla í meira en viku.. en hún er bara búin að segjast vera að fara að hitta vinkonur sínar og eitthvað svoleiðis.. ég er allveg cool með það en svo þegar ég tala við hana á facebook eða í síma og spyr hana hvað hún gerði í dag, svarar hún bara “var bara heima í allan dag”.. í dag spurði ég hana hvort hún nennti að hitta mig eftir skóla og hún sagði bara “ er ekki nóg að við séum saman allan skóladaginn?” já þetta særði mig svolítið því við erum bara að læra í skólanum og getum lítið sem ekkert verið ein saman og svo ber ég þessar tilfinningar til hennar þar sem ég sakna hennar um leið og við förum frá hvort öðru, held að þetta heitir ást. Kannski þarf hún bara smá speis. Ég tel mig allavega ekki vera of uppáþrengjandi.. fyrsta mánuðinn var það oftast bara hún sem spurði mig hvort ég gæti hitt hana eftir skóla.. mér finnst hún ekki vera rétta stelpan fyrir mig og ég er viss um að ég gæti ekki verið með henni forever. Ég elska hana bara of mikið til að hætta með henni.