bara pör sem finnst sambandið ekkert vera að fara áfram eða eithvað? mér finnst þetta hálfkjánalegt…

trúlofun er líka bara rugl, af hverju þarftu að kaupa 2 hringi, og borga morðfjár fyrir það, bara til að sýna að þið elskið hvort annað ?

ég er sammála þessum RAgeþræði.
held að “krakkar” í dag hafi bara ekki hugmynd um hvað þetta er xD(svona þannig séð)
Trúlofun er náttúrulega loforð og sýnir vilja til þess að giftast þessari manneskju. Ekki bara svona…já…af því bara.
Trúlofun í dag árið 2010 er algjörlega innihalds og merkingarlaus.

Þetta er yndislega kjánalegt.
En jújú, fyllir örugglega margar stelpur “öryggiskennd” vitandi að kærastinn er tilbúinn til þess að trúlofast þeim.

Já, vá. Einn sem ég er að vinna með var að trúlofa sig og er byrjaður að skipurleggja giftinguna sem verður á næsta ári, komin með heimasíðu, boðskort og kjól á dömuna, hringa….
og þau eru búin að vera saman í 5 mánuði!

O_o

Vinkona mín búin að vera með kærastanum sínum.. nei afsakið unnusta, í átta mánuði og þau eru trúlofuð núna.
finnst þetta virkilega vandræðalegt, og eg þekki líka annað par sem var saman í 6 mánuði og þau trúlofuðust.
Þessir krakkar skilja líka ekki hvað trúlofun er, það er undanfari hjónabands. Vinkona mín sagði mér “Jaa þetta er meira bara svona fyrir okkur, við erum ekkert eitthvað að fara að giftast”
ég bara WHAT, veistu hvað trúlofun ER?
..shit svona bull fer alveg svakalega í mig, ég fór svo mikið í hláturskast þegar ég las “is engaged” á fb bara 5 mínútum eftir að hann bað hennar..

ég þekki tvö 96 mdl sem eru trúlofuð, sem er bara rugl, það eru 6 ár í að þú megir gfta þig og þú átt eftir að breytast svo mikið.
já svo eru þau búin að vera bara on-off í nokkra mánuði.

jááá ein vinkona mín var búin að vera með sínum í 3 mánuði þegar þau trúlofuðu sig, ég hló af þeim.

Þekki einmitt fyrverandi par sem voru búin að vera saman í rúmt hálft ár þegar þau ákveða að trúlofa sig, nema þau voru ekki með hringa eða neitt og hann varla bað hennar. Að auki var ekkert verið að pæla gifta sig nærrum því strax og svona hálfu ári seinna hættu þau saman. Finnst þetta alveg vera eyðileggja meininguna bakvið trúlofun.

ég trúlofaðist þegar ég var 16 ára… sambandið er að vísu búið núna, en við trúlofuðum okkur þó ekki því það var ekkert “nýtt” að gerast í sambandinu… Við vorum búin að vera saman í tæpt ár og vorum bæði viss á þeim tímapunkti um það að við ætluðum alltaf að vera saman. Við vorum búin að ákveða hvenær við myndum vilja gifta okkur og hvenær við myndum vilja eignast börn og allt slíkt. Við vorum því sama sem trúlofuð áður en hann bað mín og vorum farin að haga okkur eins og hjón hvort sem er.

En ég er ekki að segja að það sé endilega góður hlutur… það er eitt að vilja alltaf vera saman og að ákveða það, þetta er of stór skuldbinding fyrir svona ungt fólk, og ég get vel viðurkennt að þetta hafi ekki verið góð hugmynd. Maður á bara að lifa lífinu og ekki skuldbinda sig til neins fyrr en maður er tilbúinn að framkvæma það ;)

Bætt við 15. apríl 2010 - 00:34
Eftir að hafa lesið kommentin fyrir ofan vildi ég bæta við, að við vissum vel hvað þetta snerist um haha… Þetta var alls ekki út í bláinn, við settum ekki upp hringa en þetta var loforð okkar á milli að við ætluðum að vera trú hvort öðru og að við ætluðum okkur að giftast og vera alltaf saman :)

Vá sammála, finnst svo skuggalega margir vera að trúlofa sig núna og finnst það svo rangt eftir stutt samband hjá ungum aðilum

Ekkert að því að trúlofa sig, en fólk er farið að misnota þetta hugtak. Að trúlofa sig innan við árs samband finnst mér fáránlegt. Allt í lagi að vera voða ástfanginn en trúlofun á að vera tákn þess að þetta par vilji gifta sig, búa saman, lifa lífinu saman það sem eftir er, ekki staðfesting á því að fólk sé í sambandi.

En miðað við hve mikið af fólki trúlofast, giftir sig og svo skilur í samfélaginu í dag getur verið að þessi hugtök séu farin að missa gildi sitt.

hehe ég veit um nokkra krakka fædda frá 94-96 sem eru trúlofaði

Mér finnst svo fáránlegt þegar fólk ákveður að trúlofast. Þú ákveður ekkert að trúlofast, heldur er tekin ákvörðun um að giftast og þar til það gerist er parið trúlofað. Fólk veit ekkert hvað þetta þýðir, sumir halda t.d. áfram að kalla hinn aðilann kærustu/kærasta, sem er kolrangt, eftir trúlofun (sem er gerð þegar fólk ákveður að giftast), er samband þeirra unnusta og unnusti.

Það gæti verið að sumir geri þetta þar sem líf þeirra kemst að ákveðnu stoppi… Hættir að halda áfram og verður alltaf eins. Þess vegna grípa e.t.v. einhver pör til þessa ráðs til að breyta til… Ég veit það er furðulegt en þetta er mín hugmynd

Raunverulega gildi?

Ertu að meina þegar “arringe marriages” voru málið, og fólk trúlofaðist bara útaf því og mamma og pabbi sögðu þeim að gera það?

Trúlofun fyrir þér þýðir bara nákvæmlega það sem þú villt að það þýði. Ef þú villt að það þýði að þið séuð að fara að giftast eftir 15 ár, þá mun það gera það. Ef þú villt að það þýði að þið séuð héðan í frá trú hvort öðru - þá geriru það það!

Ef hið raunverulega gildi er það sem öðrum finnst um trúlofunina, hvort það sé mikið mál eða bara hin hversdagslegasti hlutur útaf því svo mikið fólki gerir það bara “af því bara” þá ekki gera það. Þú átt að trúlofast útaf þínum eigin ástæðum, ekki útaf einhverjum gildum og blah blahhh blahhh ..



Bætt við 16. apríl 2010 - 00:16
Haha .. arringe .. hvað var ég að pæla?

Arrange?

Ég er samt ekki viss hvernig það er skrifað, mátt endilega leiðrétta þetta svo ég læri!

Ég held að fólk fatti ekki hvað það er að trúlofa.

Get ekki verið meira sammála. Bróðir minn búinn að vera á föstu núna í 3 ár og ég held að það sé allavega 1-2 ár í það að þau fari að trúlofa sig. Þau eru ekkert að flýta sér í þessu. Þau eru meir að segja að fara saman í nám til Danmerkur.

Finnst bara kjánalegt að sjá 93-96 vera að segja að þau séu trúlofuð. Maður veit svo lítið hvað maður vill á þeim aldri.

stelpa sem ég þekki sagði mér frá því að hún væri trúlofuð…. hann sagði víst “viltu trúlofast mér?” ég hélt ég myndi æla!
og svo viku seinna hættu þau við að trúlofa sig….

Gæti þetta par sem þú ert að tala um hugsanlega verið úr Árbænun?

Hef aldrei skilið þetta trúlofunarbull. Ég sé þetta þannig að ef þú ert trúlofaður þá ertu að fara að gifta þig bráðlega. Mér finnst eiginlega trúlofun vera undirbúningur að hjónabandi og ætti ekki var mikið lengur en 2 ár. Fljótlega eftir trúlofun farið þið að spá í rólegheitunum í hvernig þið ætlið að haga brúðkaupinu, hvar það á að vera og spá í veisluna og þannig.
Ég er búin að vera með kærastanum mínum í bráðum 9 ár. Við erum ekki trúlofuð af því að við erum ekkert á leiðinni að gifta okkur á næstunni.
Ég held að það sé algengara í dag að yngri pör trúlofi sig heldur en eldri og ég held að langfæstar af þessum “trúlofunum” endi með hjónabandi.
Þetta virðist vera tískubóla sem kemur alltaf upp öðru hvoru.

vá hvað ég er alveg sammála.. þetta getur ekki verið heimskulegra.

Eins og ég er í bara mjöög góðu sambandi, bara búin að vera saman í svona 7 mánuði. Ég elska hann alveg út af lífinu og hann mig og það dugar okkur alveg. Ég myndi ekki trúlofa mig nema eftir að minnsta 4 ára samband. Ef maður veit að hinn aðilinn elski mann þá er þetta allt í lagi. Það er líka svo margt sem gæti komið uppá, að maður finni eitthvað sem manni líkar ekki í makanum eða eitthvað svipað..

Ég einmitt veit um stelpu sem er 18 ára núna. Hún er búin að trúlofa sig 4 sinnum með alvöru hringjum og öllu. Lengsta sambandið var þó 8 mánuðir.

Ég og kærastan trúlofuðumst til að annað fólk léti okkur í friði, og til að sýna fólki að okkur er alvara.
Trúlofuðumst eftir 3 mánuði.

Ég vona að trúlofun missi allt gildi. Trúlofun og gifting eru hvort eð er merkingarlausar (nema í lagalegum og trúarlegum skilningi)

Mér finnst bara svo vitlaust og óþroskað að trúlofast svona ung, mér finnst það ekki hlutur til að taka sem sjálfsögðum hlut og mér finnst að fólk ætti ekki að trúlofa sig fyrr en það hefur prufað að búa saman í meira en ár t.d, upplifa margt og mikið saman í gegnum árin og minnsta kosti 20+ 8)..
til hvers segi ég ?

ég var með strák í 2,5 ár, við hættum saman og 4 mánuðum seinna er hann fluttur inn til gjéllu!
Hann er 89 og gjéllan hans 92, nkl ári seinna trúlofuðust þau og eru að fara gifta sig í sumar!!

ég bara whaaaat ! skil ekki svona..

Mér finnst svo asnalegt að fólk skuli trúa á guð, eða ekki guð, mér finnst svo asnalegt þegar fólk ákveður að eignast börn eða ekki. Mér finnst svo asnalegt þegar fólk ákveður að kaupa sér fjöldaframleidd föt frekar en að sauma sér eða ekki. Ykkur finnst semsagt asnalegt þegar fólk ákveður að heiðra ekki upphaflega merkingu trúlofanna(sem var sett á laggirnar af páfa btw)með því að ákveða ekki að trúlofa sig fyrr en öllum öðrum finnst það viðeigandi og fyrr en það er alveg pottþétt að þau viti að þau ætli að vera saman að eilífu. Smá svona til þess að sprengja kúluna ykkar, þið vitið aldrei! Það er aldrei nokkurn tímann hægt að treysta annarri manneskju til þess að halda ekki framhjá þér, koma ekki illa fram við eða á óviðeigandi hátt. Aldrei! Enda ætti maður aldrei að treysta svona á aðra manneskju. Það er illa gert gagnvart henni. Svo there, trúlofun er strax búin að missa marks. Ég held að það sé ýmislegt annað sem fólk mætti frekar hafa í heiðri heldur en trúlofanir.

Trúlofun hefur ekkert ,,gildi" í okkar samfélagi, samfélag sem inniheldur mestmegnis trúleysingja, vitleysinga eða ásatrúarfólk. Trúlofun er fyrir fólk(lesist: stelpur)sem eru óöruggar í sambandinu og þurfa að hafa eitthvað glitrandi til þess að sýna fram á að þær séu örugglega elskaðar. Sú ákvörðun að vera saman að eilífu er hægt að taka án hringja og mörgþúsundkróna veislu.

Veit ég hljóma eins og bitur tussa:P … En það er líka allt í lagi svona einstaka sinnum, sérstaklega þegar maður er í próflestri.

Mér finnst að fólk ætti bara að trúlofast ef það er ákveðið að eyða æfinni saman, sama hvað það er langt í giftinguna.