Það á pottþétt eftir að bíta mig í rassinn að pósta þessu hérna, en what the hell.

Btw, þetta er langur korkur =S sorry, nenni bara ekki að lenda í því að fá svarið “þú verður nú að segja okkur meira en þetta svo við getum svarað almennilega”.

Þannig er mál með vexti að ég er undanfarnar þrjár vikur búinn að vera að hitta stelpu sem ég hef verið hrifinn af mjög lengi. Við kynntumst fyrst í gegnum einn af mínum bestu vinum og einni af bestu vinkonum hennar fyrir sirka tveimur árum… held ég =S

Nú, svo í fyrra þá var hún í sambandi með öðrum af mínum bestu vinum, og það endaði eitthvað illa svona eins og gengur og gerist, og svo deitaði hún annan gæja sem ég þekki líka en það virtist ekkert ganga og ég veit ekki meir. Við höfum verið svona semi-vinir allan tímann (ég og stelpan) en ekkert verið neitt voðalega mikið að tala saman af viti.

Smá hraðspólun. Fyrir þremur vikum þá hittumst við á djamminu og það var eitthvað chemistry, en ég gerði ekkert í því, fyrrverandi kærasta vinar míns og svona. En það tóku víst einhverjir eftir því, og strax daginn eftir þá var hálfur vinahópurinn farinn að segja við mig “hey, rídd'enni maður”, meira að segja vinur minn sem hún var í sambandi með.

Nú, á föstudeginum fyrir tveimur vikum þá enda ég með félaga mínum heima hjá henni (ekki samt alveg heima hjá henni, kem að því á eftir) í eftirpartíi eftir djammið, eftir að hafa bjargað henni frá einhverjum gæja sem var bókstaflega að stalk-a hana. Þegar allir eru farnir nema ég og félagi minn þá fer ég eitthvað á klósettið og þegar ég kem fram þá er mér tilkynnt að við séum að fara í fatapóker… bara við þrjú. Þegar við erum öll orðin nánast alveg nakin kemur einhver gaur útúr svefnherbergi frekar pirraður, hann þurfti víst að mæta í vinnuna eftir nokkra tíma. Við hættum pókernum og ég klæði mig og svo meðan félagi minn er eitthvað að vesenast þá er alveg svona heavy moment á milli mín og stelpunnar, augnsamband og einhver fingraflækja.

Síðan á þriðjudeginum eftir það þá erum við að drekka á English og kíkjum aðeins á mótmælin eftir lokun. Hún var orðin svolítið ölvuð og vill vera áfram og ég vildi ekki skilja hana eina eftir þannig að við vorum áfram. Síðan þegar við erum að fara þá er verið að ryðja Austurvöll og hún fær piparúða beint framan í sig og ég fæ á mig líka þegar ég hleyp að reyna að bjarga henni upp úr götunni. Ég hleyp með hana út ú 10-11 og kaupi mjólk, fer með hana heim til mín (stutt frá) og við skolum eins og við getum og eitthvað, og endum kúrandi uppi í rúmi hjá mér, og svo þegar hún þarf að fara þá förum við út að reykja og það endar þannig að við kyssumst. Hún vill að þetta verði eitthvað voða leyndó á milli okkar og ég segi bara jájá, skýt á að það sé útaf því að ég er svo góður vinur fyrrverandi hennar.

Síðan á fimmtudeginum þá reyni ég eitthvað að tala við hana en hún er alveg lokuð og eitthvað, en ég fiska það samt uppúr henni að hún er “eiginlega í sambandi” (hennar orð) með gæjanum sem kom pirraður fram þegar við vorum heima hjá henni. Ég hafði reyndar verið búinn að giska á það, en hún talaði stundum um hann og þá var það aldrei “kærastinn” heldur bara nafnið á honum eða “annar af strákunum sem ég bý með”.

Á laugardeginum í síðustu viku erum við svo að drekka heima hjá vini okkar áður en við förum niður í bæ, og á einhvern hátt endum við bara tvö ein eftir heima hjá honum. Við töluðum aðeins saman, og þar sem ég var pínulítið í glasi þá einhvern veginn hrundi það útúr mér að ég hafi verið hrifinn af henni lengi. Seinna um kvöldið þá erum við á Ellefunni, og við erum eitthvað að snertast og svona(hún byrjaði á því) - og þá kemur vinkona hennar (sem er nefnd hérna efst) og dregur hana heim. Ég hélt áfram að drekka og fór svo heim, og þá gerði ég þau skemmtilegu mistök sem heita á ensku “drunk dialing”. Ég man ekki nákvæmlega hvað var sagt, en ég man skýrt og greinilega að mér skildist það að hún hefði áhuga á mér á sama hátt og ég á henni. Þar að auki sagði hún mér að “kærastinn” héldi fram hjá henni og að hann hefði “lagt hendur á hana” (hennar orð).

Á mánudeginum frétti ég frá vini mínum að hún hafi sagst vera hætt með kærastanum, á þriðjudeginum segist hún veri flutt frá honum, en þegar ég spyr hvernig málin á milli þeirra standi þá segist hún ekki vita neitt hvað sé að gerast þar. Nú er hún búin að gista heima hjá gæjanum sem hún er “hætt með” og “flutt út frá” allavegana undanfarnar þrjár nætur, er hætt að svara í símann og algerlega búin að loka á mig þegar ég reyni að tala við hana.

Ég viðurkenni það fúslega að hafa sleppt úr þessari frásögn hinu og þessu, en ég held að það nenni ekki nokkur maður að lesa þetta hvort eð er þannig að það er kannski eins gott að sleppa bara sem mestu.

Spurningin er þessi : Ætti ég að halda áfram að reyna, eða ætti ég bara segja henni að éta það sem úti frýs. Og eru einhverjir með einhverjar aðrar pælingar?

Svo ætlaði ég að segja eitthvað eitt í viðbót en er búinn að steingleyma því.

Takk fyrir lesturinn, ef þú meikaðir það alla leiðina niður xP