Þetta er erfið og leiðinleg staða, ég held að sjálfs þíns vegna ættirðu að koma þér úr þessu sem fyrst. Ég veit að það er hægar sagt en gert, en gerðu það sem fyrst, þér mun líða miklu betur án hans.

Ég tel mig þekkja þetta svolítið og ég finn til með þér :-(

Mér sýnist þetta vera eitthvað óeðlilegt samband.
Ef það væri allt í lagi ættu báðir einstaklingar að fá að njóta sín þegar þeir vilja, ekki þegar hinn einstaklingurinn vill það.

Hættu með honum og ef hann reynir ekki að vinna í þessu þá er hann ekki þess virði!

Ég get bara sagt þér það að í svona stöðu eru besta að fjarlæga alla veraldlegt úr umhverfinu… og ræða við hann…
Ég lenti í þessu með unnusta minn og það versta var að hann var farin að taka tölvuna fram yfir mig, ég þoldi það ekki og sagði að ef það hætti ekki mundi ég unbluga netinu og hann varð ljúfur sem lamb… við ræddum saman og allt í góðu núna, ef ég vill tíma með honum og hann er í tölvuni þá spyr ég bara hvort hann vilji ekki koma að kúra…
Með þína stöðu, þá er hann eins og þú segir kynkaldur… vertu blíð og farðu varlega en ef ekkert gengur legðu það á borðið að hætta saman í tíma og gá hvað gerist…

Þetta er mitt ráð, vona að það gagnist eitthvað

Sæl lusin.

Já, þetta er án efa erfið staða.

Það eina sem mun virka hér eru samskipti ykkar á milli.

Þar sem þú ert núna búin að gera þér fullkomlega grein fyrir því að hér sé um vandamál að ræða; vandamál sem mun ekki hverfa sísvona, þá skaltu einnig undirbúa þig undir að taka þau skref sem þarf að taka, sama hversu erfið þau verða.

Þegar staðan er orðin þetta erfið, þá er komin tími til þess að fara að setja sér framtíðarmarkmið, og þau markmið verða að stefna að þinni eigin hamingju einna helst.

Þú ein veist hvað það er sem þú þarft til þess að geta verið hamingjusöm í sambandi, og ég býst sterklega við að það sem þú nefndir hér fyrir ofan sé partur af því.

Þessvegna þarftu núna að setja þau skilyrði að til þess að samband ykkar eigi sér framtíð, þá sé nauðsynlegt fyrir þær langanir að fá að blómstra.

Ástæðan fyrir því að það er nauðsynlegt að njörfa þetta niður, er vegna þess að það mun einnig vera nauðsynlegt að enda núverandi ástand varanlega ef það ástand mun ekki bjóða upp á þín markmið og langanir, s.s. þú verður að vera tilbúin að hætta með honum ef hann er ekki tilbúin að vinna með þér í því að þú fáir það sem þú þarft útúr sambandinu ykkar.

Það sem þú þarft svo að gera, en alls ekki fyrr en þú ert tilbúin að fara í báðar áttir með þetta, það er að setja hann niður með þér, segja honum nákvæmlega hvernig þér líður og láta hann vita að þú munir ekki una þér í sambandinu eins og það er núna og að þú þurfir bót þar á.

Það sem þarf að gerast eru innihaldsrík samkskipti ykkar á milli þar sem þið gerið hvort öðru grein fyrir tilfinningum ykkar og því sem bjátar á. Útfrá því þurfið þið bæði að vera tilbúin að gera það sem til þarf til þess að vinna í þeirri vanlíðan og vandamálum sem eru til staðar í sambandinu.

Ef þú hefur reynt þetta áður en fengið dræm viðbrögð þar á, þá verðuru að gera honum grein fyrir því að það sé um tvennt að ræða, bót á vandamálum sambands ykkar eða sambandsslitum. Hann verður að skilja að ef hann er ekki tilbúinn að ræða um vandamál ykkar og taka skref í að laga þau, þá munir þú ekki sitja og bíða eftir að vandálin lagist vonandi að sjálfum sér (sem þau mun ekki gera).

Varðandi það að hann sé kannski að bíða eftir einhverju öðru betra en þér. Ef þig grunar hið minnsta að svo sé staðan, að hjarta hans sé ekki 100% þitt og að hann sé ekki bara tilfinningalega bældur og þar af leiðandi kynkaldur í kjölfarið (eitthvað sem þarf að vinna í að laga til þess að þú eigir séns á að þola það til framtíðar), ef það er séns á að hann vilji eitthvað annað en þig, þá áttu að hætta með honum samstundis.

Aldrei vera einhvers manns varaskeifa, þú átt betra skilið!

Stattu hörð á rétti þínum. Þú átt rétt til að vera með manni sem elskar þig fyrir þig og vill vera með þér, engri annarri! Ef hann sýnir minnstu löngun í eitthvað annað, láttu hann fara ekki seinna en strax!

Gangi þér vel og vertu sterk. Allt er hægt ef viljinn er fyrir hendi, og það virðist hann svo sannarlega vera hjá þér.

Kær kveðja,
Fróðleiksmoli

ég segi að hann sé bara ekki ástfanginn af þér… ástfangin manneskja mun gera allt til að samband gangi…

Bætt við 16. febrúar 2007 - 16:55
spurðu sjálfan þig.. ef hann kæmi með svona vandamál til þín, mundir þú ekki reyna einsvo mögulegt er til að bæta þig :)

ef að þú ert búin að vera að hanga í sambandi sem hefur ekki þennan “neista” í tvö ár…..Þú ert ekki von-laus manneskja….það er alveg greinilegt ;)

Annars myndi ég, þótt erfitt sé, hætta með honum….

Taladu bara vid hann um tetta og ef hann verdur eitthvad full og ekkert haegt ad raeda um tetta vid hann ta held eg ad tad se best fyrir tig ad sleppa honum…