Ef hann er að vinna svona lengi þá held ég nú að hann vilji bara sofa…

talaðu bara við hann um þetta…þá kannski lagast þetta.

Sæl “PraiseTheLeaf”.

Því miður verð ég að segja þér að ég tel að þú eigir við þó nokkurt vandamál að stríða.

Fyrst skaltu spá í hversu mikilvæg þessi vinna fyrir ykkur er. Þurfið þið mikið á peningum að halda? Er hann undir mjög ströngum vinnuveitanda sem krefst svona mikillar aukavinnu? Getur hann ekki sagt nei við svona mikilli vinnu?

Ef svarið er já við eitthvað af þessum spurningum er eflaust vandamálið einungis það að þú “situr á hakanum” er kemur að vinnunni. Ef svarið er ekki að þið þurfið svona rosalega á pening að halda, heldur eitthvað annað af ofanverðum spurningum þarftu að setjast niður með honum og segja honum að hann verði að finna leið til þess að eyða meiri tíma með þér og sinna þér betur. Hann verður að skilja það og svo gera sitt besta ef hann vill vera þér góður kærasti.

Ef svarið er hinsvegar ekkert að ofanverðum spurningum gætiru átt við töluvert stærra vandamál að stríða.

Nokkur dæmi geta verið:

1. Hann er að missa áhugann á sambandinu
2. Hann er að forðast þig útaf einhverju alvarlegu sem situr á honum, og þá líklega samviskunni.
3. Hann er orðinn hrifinn af einhverri annarri en fær sig ekki til þess að segja þér upp

Ég veit hversu gífurlega sár ofanverð dæmi hljóta að vera og ég bið þig að muna að þetta eru einungis möguleikar sem þurfa alls ekki að vera réttir.

En í öllum tilfellum, þá þarftu að setjast niður með honum og ræða málin. Næst þegar tækifæri gefst, helltu þá upp á kaffi og bjóddu honum sæti inn í stofu. Er þar er komið skaltu létta á áhyggjum þínum við hann. Mundu að halda ávallt rósemi þinni og yfirvegun til þess að hann fari ekki í vörn. Segðu rólega frá áhyggjum þínum og jafnvel frekar lágróma og gefðu honum tíma til þess að hugsa eftir hverja spurningu sem þú leggur fyrir hann.

Mundu eitt. Það geta (en er alls ekki víst) komið þungar niðurstöður úr þessu samtali ykkar þannig að nauðsynlegt er fyrir þig að hafa hugsað um viðbrögð þín við nærri hverju sem er. Þannig ertu sjálf tilbúin áfalli og getur þar af leiðandi komið út úr þessu á sem bestan hátt sem mögulegt er fyrir þig sjálfa.

Ef þig vantar einhver ráð varðandi hvernig sé best að nálgast þetta samtal máttu hafa samband við mig og ég skal gera mitt besta í að aðstoða þig.

Gangi þér vel og gerðu allt sem þú getur til þess að vera sterk í gegnum allar samræðurnar, því hvað sem hann hefur fram að færa, þá er nauðsynlegt að reyna að halda ró sinni. Ef gífurleg rifrildi eiga sér stað kemur það nær ávallt verra út fyrir ykkur bæði.

Kær kveðja,
Fróðleiksmoli

haha ef hann er að vinna svona lengi þá skil ég hann 120%

þú er með skrýtið tattú