loksins einhver hér með viti…þetta sem maður hefur sagt milljón sinnum við kvenfólk en annaðhvort fengið líkamsárás eða sambandsslit í staðinn.

takk

hmm… “Rómantík leið svo undir lok þegar konur fóru að heimta meiri réttindi og með áhrifum þeirra leið rómantíkin undir lok…” Biddu hvað meinar þú með þessari setningu ? er þá rómatík dauð ?
Ég er bara svo svakalega ósammála þér núna að það hálfa væri mikið meira en nóg, það er hellingur af rómatík í loftinu bara ekki hér á hugi.is og dramatík er allt annað en hafa það nice saman yfir videóspólu og líða vel saman!!
Kannski er ég bara að misskilja alla greinina, eða ég vona það að minnsta kosti…

Kv. EstHe

heh, ég hef líka reynt að segja þetta, en við miklar óvinsældir. Það er engu líkara en að fólk vilji að hræsni og tvískinnungur ráði ríkjum í samskiptum kynjanna í staðinn fyrir heiðarleika og hreinskilni. Mér persónulega finnst niðurlægjandi fyrir báða aðila að stunda hinn fyrirsjáanlega leik sem kallast rómantík. Og þó, lifum við ekki á nógu miklum efnishyggjutímum? Því ekki að hafa smá mystík í kringum þetta, í staðinn fyrir: “hey, hvort viltu að ég bjóði þér út að borða og borgi allt undir þig eða gefi þér peningana beint fyrir dráttinn á eftir…” Áfram rómantík!

Hömm…varðandi merkingu orðsins…datt þér aldrei í hug að merking þess hefði breyst aðeins frá tíma síðrómantíkur? Það vill oft gerast í áranna rás…

Rómantíska stefnan er í raun afturhvarf til fortíðar, eða var það upphaflega. Rómantík í upprunalega forminu snerist í raun ekki um samskipti kynjanna og rauðar rósir og annað sem fylgir, heldur var þetta listastefna á 18. öld þar sem rithöfundar, myndlistarmenn og margir fleiri hurfu í verkum sínum aftur til miðalda, gríska og rómverska heimsveldisins og fengu sinn innblástur þar.
Að tengja ást og rómantík kom seinna, þó að verk þeirra sem aðhylltust rómantísku stefnuna hafi oft fjallað um ást var rómantík fyrst og fremst listastefna.
Því er hægt að fullyrða að merking hugtaksins hefur breyst frekar mikið í tímanna rás.

Sincerely,
@->–

Hvaða tilfinningakuldi er þetta í karlmönnum hér? Mætti halda að flestir á þessu áhugamáli séu fráskildir bitrir menn.

Auðvitað snúast samskipti kynjana um gagnhvæma virðingu en ekki að borga henni í gjöfum fyrir drátt! Ekki dæma allt kvenkynið út af nokkrum svörtum sauðum. Ég veit um kvenfólk sem krefst þess að borga allt sjálfar. Alltaf!

Ef þið hafið lesið eitthvað í sagnfræði og/eða bókmenntasögu mynduð þið vita að rómantík er heiti á ákveðinni stefnu í bókmenntum á 19. öld. Skáldin sem ortu eftir þessari stefnu tengdu manninn mikið við náttúruna og notuðu mjög hástemmdar lýsingar til að koma hugsunum sínum á blað. Þeir litu líka mikið til fortíðarinnar og ortu ljóð um hetjudáðir og hugrekki fortíðarinnar. Því má segja að megininntak rómantíkurinnar eins og hún kom fólki fyrir sjónir þá hafi verið náttúruskynjun mannsins og fortíðardýrkun. Og bara svo að við komum því á hreint var það alls ekki kvenréttindabaráttan sem batt enda á rómantísku stefnuna, heldur var það ný stefna sem ruddi sér til rúms í bókmenntaheiminum, raunsæið.

En er það sem stendur hér að ofan rómantík eins og við þekkjum hana í dag? Svarið við því er einfaldlega nei, því að í dag tengjum við rómantík mikið meira við samband og samskipti milli fólks sem tjáir hvort öðru ást sína og tilfinningar. Orðið hefur í raun tvær ólíkar merkingar eins og svo mörg önnur, svo að ég er ekki sammála því þegar Winters segir að í dag sé fólk ekki rómantískt, heldur væmið. Það er einfaldlega ekki hægt að benda á nokkra hluti og segja: Þetta er rómantískt og þetta er ekki rómantískt. Þetta snýst allt um það hvað við, sem mannverur erum ólíkar og með misjafnan smekk.

Það sem mér finnst hins vegar vera dramatík er allur vandamálapakkinn sem hefur ratað inn á þetta áhugamál, ekki það að fólk tjái ást sína með aðgerðum eða orðum. Það getur verið mjög rómantískt að eyða stund saman, hversu lítilvæg sem sú stund kann að virðast í augum annarra.

Að lokum vil ég segja við Winters: Mér þætti gaman að vita hvernig þú horfir á þetta mál, fyrst þú endar á því að segja að þú viljir ná rómantísku stefnunni upp aftur. Og ég vildi gjarnan fá nánari útlistun á því sem þú kallar rómantík og dramatík, því að það sem ég skil út úr greininni þinn er því miður það að þú virðist ekki hafa skilning á merkingu orðsins rómantík, hvorki hina eldri né hina nýrri.