Hvernig væri að hafa þetta bara voðalega huggulegt og skemmtilegt.

Manni hefur sýnst að þessi steggja- og gæsapartí séu bara orðin allsherjar busun eins og í grunnskólunum, sumsé ekkert sem að ég vildi koma nálægt.

Við sendum vinkonu okkar í smá ratleik þar sem hún þurfti að koma við í ýmsum verslunum og stöðum og leysa smá þraut (t.d. syngja lag, eða versla eitthvað sérstakt, tek fram að við vinkonurnar létum hana fá pening til að eyða í það sem hún þurfti að kaupa) til að fá næstu vísbendingu. Síðasta vísbendingin var í vídeóleigu þar sem hún átti að ná í myndina Father of the Bride og þá var henni loks vísað heim til þeirrar sem hélt gæsapartíið. Þar biðum við eftir henni og svo sátum við í góðu yfirlæti og horfðum á myndina. Eftir það lá leiðin í Dekurdag á Planet Pulse þar sem við letingjuðumst í nuddpotti og fengum andlitsnudd og maska (allar) og eftir það fórum við út að borða, ferlega næs og gaman :) En ef þið hafið ratleik, ekki hafa hann of langan því það er þreytandi að þvælast út um allan bæ, sérstaklega ef maður er ófrískur.

Farðu með hana í óvissuferð eða eitthvað. Þú getur látið hana hafa bundið um augun, keyrt síðan eitthvað út á land og farið í bláa lónið eða eitthvað, svo út að borða einhvers staðar úti í rassgati, klætt hana upp í asnaleg föt og láta hana standa með skilti á sér á laugaveginum, t.d. selja kossa á tíkall eða eikkað. Bara svona rugl, þú veist.

Ég get sagt þér það að ég er kasólétt og hefur mín meðganga gengið mjööög vel, lítið um verki og vesen en samt sem áður myndi ég ekki nenna að standa í því að dröslast út um allt í einhverjum ratleik, hann þyrfti þá að vera í styttrikantinum og ekki láta mann flækjast of mikið því það er alveg satt að óléttar konur þreytast fyrr. En það sem að mér findist að þú ættir að gera er að plana bara eitthvað kósí og skemmtilegt fyrir ykkur vinkonurnar og það er margt sniðugt búið að koma frá nokkrum hérna en í sambandi við íslenska siðinn þá veit ég ekki alveg hvað þú átt að gera en ég hélt að þessi gæsabusun væri íslenskur siður, þ.e. að dressa gæsina svona upp og láta hana vera sér til skammar og öðrum til skemmtunar en það þarf ekki að vera. Ég verð að segja eitt í sambandi við áfengið að mér finnst það rétt hjá þér að hafa bara smotterís kampavín á boðstólum vegna þess að það er ekkert gaman að vera með blindfulla einstaklinga í kringum sig og hvað þá ef að þetta er partýið mans, ha ég myndi ekki fíla það þó svo að ég meiki alveg drukkið fólk þó að ég sé ekki að drekka og búin að fara nokkrum sinnum á djammið á minni meðgöngu. Já gerðu bara eitthvað sætt og kósí, ég held að það sé best. Gangi þér vel!