[Notanda eytt] fyrir 17 árum, 6 mánuðum Fjöldi lestra: 1483

Sambandið mitt (eða réttara sagt fjarsamband)

Sælir veriði kæru hugarar :)

Ég er að senda inn þessa grein(mín fyrsta) því ég væri ekkert á móti því að fá smá aðstoð varðandi sambandið mitt.
Ég veit ekkert hvað ég á að gera og mig vantar nauðsynlega ráð því ég get ekki lesið hug drengja en kannski eru einhverjir þarna úti sem veit hvað minn gaur vill eða hvað?

Kynning
Ég er 17 ára stelpa að verða 18 í nóvember(fædd 89). Kærasti minn er tvítugur (fæddur 87). Ég er úr kópavogi en hann frá Akureyri.

Við kynntumst í framhaldsskóla úti á landi, réttara sagt heimavist. Ég byrjaði þar á fyrsta árinu mínu en hann var á þriðja en var samt á sínu fyrsta ári þarna á heimavistinni.

Þegar við kynntumst fyrst þá var ég mjög mikið með fólki en hann var svona frekar einn. Mig líkaði alveg vel við hann og fór að tala við hann og hann byrjaði að reyna við mig út frá því. Hann var mjög þunglyndur og sofnaði tildæmis aldrei fyrr en kannski 3 um næturnar því hann var alltaf að hugsa um slæmu tímana hans í æsku sem hann var upsest af. Þó ég segi sjálf frá þá sko brosti hann eiginlega aldrei en eftir að hann kynntist mér og var með mér þá reyndi ég að gera mjög mikið fyrir hann og reyndi að láta þetta þunglyndi hans fara og það virkaði (hann byrjaði að brosa og varð ekki eins þunglyndur).

Við byrjuðum saman í byrjum desember og erum búin að vera núna saman í eitt og hálft ár.

Við áttum mjög góða tíma saman og líka leiðinlega.
Ég man eftir því að þegar ég kitlaði hann einhverntímann þá vissi hann varla hvað ég var að gera (hann hafði ekki verið kitlaður áður) spáið í því? Hann sagði mér að hann hafi ekki fengið umhyggju eða neitt þegar hann var yngri. Fyrr en hann byrjaði með mér því ég var kærasta hans og þær eru auðvitað í kærustum sínum semsagt faðmlög, kossar og fleira.

Vandamálið
Ég vil fara núna í skóla í bænum en hann vill vera á Ak og fara í háskóla þar.
Mér finnst það allt í lagi en honum finnst það greinilega ekki allt í lagi.

Ég var að æfa magadans áður en ég fór í framhaldsskólann úti á landi og leið mjög vel og gerbreyttist eftir það. Eftir að ég byrjaði í skólanum úti á landi þá langaði mig alltaf að flytja í bæinn og fara aftur í dansinn en ég hætti við að hætta þar til að vera með honum. Ég átti að vera eitt ár lengur þarna í skólanum þegar ég var búin með eitt ár til að vera með honum. Við höfðum ákveðið að við myndum fara eftir þetta eina ár saman í bæinn að leigja úr stúdentagörðum og hann myndi fara í HÍ.
Svo einhverntímann segir hann mér það að hann geti það ekki (mamma hans hafði talað hann af því, hann er mikill mömmudrengur og hlustar á bókstaflega ALLT sem hún segir).
Hún sagði við hann að það væri of dýrt og sagði honum allt það slæma þannig að hann hætti við.
Ég var þá svo sár auðvitað en það gleymdist og ég reyndi að finna aðra leið til að vera saman. Mín hugmynd var sú að ég myndi fara í bæinn og klára mín 2 ár og hann færi þá í skóla á AK og ég myndi síðan koma og flytja á AK þegar ég væri búinn með stúdentinn.

Núna er það komið að því leveli. Ég er að fara á mitt þriðja ár (semsagt ég á 2 eftir). Ég vinn hérna í bænum og hann er að vinna á Akureyri og við ætlum að hittast mánaðarlega.

Nema hvað? Í kvöld segir hann við mig að hann geti ekki verið í fjarsambandi en hann vill samt fá mig á AK. Hann skilur ekki tilganginn með fjarsambandi.
Eg sagði honum að fjarsamband væri ef par gæti ekki verið saman á ákveðnum tímapunkti en ætla að vera saman þegar sá tími kemur sem þau geta það (það er semsagt þegar ég er búin með mín 2 ár, samt mjög líklegt að ég klári á 1 og hálfu ári). Hann virtist ekki skilja það.

Ég held að hann vilji mig allt í einu ekki lengur.
Ég tala kannski um að hittast eða eitthvað einhverja helgi en hann getur það ekki því hann er “örugglega” að vinna. Ég sagði við hann “ég er ALLTAF að vinna og er búin að fá einn dag frí seinustu vikur en ég fer og bið um frí til að hitta þig einhverja helgi”. Hann segir að hann geti ekki beðið um frí og hann verður að fá alla þá vinnu sem hann getur.
Hvaða máli skiptir ein helgi í mánuði?? Hann hlýtur að geta fengið að fá frí eina helgi í mánuði til þess að ég get komið og hitt mig.
Ég er að fara til hans helgina 22-24 júni því ég fæ far. Hann átti voða erfitt með að byðja um frí þá helgi (það var ekki einu sinni búið að ákveða að hann ætti að vinna þá, hann þurfti bara að biðja um að þá helgi væri hann upptekinn og kæmist ekki til vinnu eins og ég gerði).
Hann virðist ekkert reyna að gera til þess að hitta mig.
Ég spurði hann á ég að koma á fimmtudegi frekar en föstudegi því þá höfum við allan föstudaginn en ekki bara seinnipartinn og hann vildi það ekki því þá þyrfti hann að fá frí úr vinnu á fimmtudegi.

Ég skil svo eitt ekki. Hann er að æfa fótbolta líka og biður kannski um dagvakt í stað kvöldvakt sem þeir samþykkja til að hann geti farið í fótboltann en hann getur ekki gert það fyrir mig þegar hann veit að ég ætla að koma til hans.

Svo í dag segir hann “ þú getur komið á fimmtudegi, ég er að fara að spila um kvöldið og ekki að vinna”. Ég hugsaði bara með mér hallO??? Hann getur beðið um að hliðra til svo hann geti farið í fótboltann en þegar að ég ætla að koma og nokkrar vikur síðan við hittumst síðan.

Ég skil hann bara engan veginn. Er einhver þarna úti sem skilur þetta? Er hann bara engan veginn hrifinn af mér?

Samt sagði hann í kvöld. Ég vil ekki vera í fjarsambandi en ég vill þig. Hvað á það að þýða? Hann hlýtur að geta beðið ef hann vill mig virkilega. Hvað finnst ykkur?
Getiði sagt mér það sem ykkur finnst um þetta?

Þetta er viðkvæmt mál hjá mér þannig að ég bið ykkur um að vera ekki með nein skítköst og sýna tillitsemi.

Takk fyrir. :)

[Notanda eytt] fyrir 17 árum, 6 mánuðum

Sæl Alexandra89.

Já, hér er um erfitt mál að ræða - og enn erfiðara að gefa þér ráð við því, en ég ætla að gera mitt besta.

Ein helsta ástæðan fyrir því hversu erfitt er að gefa þér ráð er hversu lokaður tilfinningalega kærastinn þinn virðist vera. Ekki er hægt að kalla það skrýtið meðað við fortíð hans eins og þú lýsir henni, s.s. þekkja lítið til væntumþyggju, ástúðar o.fl.

En til þess að gefa þér ráð mitt byggt eingöngu á innsæi mínu og þeirri reynslu sem ég tel mig hafa, þá tel ég að hér sé ekki um að ræða “skort á löngun” hjá honum í þinn garð, heldur frekar ákveðinn varnarhátt. Sjáðu til, þegar fólk er tilfinningalega lokað og hefur sjaldan sem aldrei fengið tækifæri til þess að tjá vanlíðan sína þegar á henni hefur borið, þá á það fólk til að finna sér aðrar leiðir til þess að meðhöndla þá vanlíðan - og oftar en ekki er sú aðferð að fjarlægja sig frá “vandamálinu” sem í þessu tilfelli ert þú. Eins og staðan er, þá sér hann fram á það að þú og hann muni skilja að skiptum vegna þeirra vandræða sem þú og hann eigið varðandi skólamál og ákvarðanna þar á, þannig að hann er byrjaður að undirbúa sig undir það að missa þig. Útfrá því er hann eflaust meðviðtað eða ómeðvitað farinn að reyna að klippa þig útúr lífi sínu/loka á þig til þess að þegar hann muni svo loks missa þig, þá verði það ekki eins sárt fyrir hann.

Ef hann er bæði eins lokaður eins og allt virðist benda til vegna erfiðar æsku, sem og undir þumli móður sinnar (og föður?) þá get ég sagt þér að þú þarft að vera gífurlega sterk í mjög langan tíma til þess að samband ykkar eigi séns á að lifa þetta af. Þú munt þurfa endalausan skilning og þolinmæði, visku og hugrekki til þess að takast á við allt það sem samband þetta mun fram á borð leggja.

Það mun reynast allt annað en einfalt.

Ég veit hvað ég hljóma svartsýnn, en ástæðan er sú að ég tel mig vita hversu stormasöm sambönd hjá “tilfinningalega lokuðum” + “tilfinningalega opnum” einstaklingum geta verið. Að láta slík sambönd ganga upp og endast án þess að brenna upp í millitíðinni (áður en hlutir loks batna EF þeir batna) mun krefjast flestra þeirra mannkosta sem þú hefur heyrt af getið. En ef ástin er nægilega mikil og örlög ykkar liggja í sömu átt, þá er allt hægt. Ástin er bara og mun aldrei vera nóg.

Mitt ráð til þín er að skella á borðið öllum þeim tilfinningum, áhyggjum, vanlíðan og spurningum sem þú berð í brjósti þér varðandi mál þetta og krefjast úrlausnar og svara. Þetta verður að gerast diplómatísk og yfirvegað, en ákveðið þó með undirliggjandi kröfu um stigbunda lausn á öllu því sem fyrir ykkur liggur. Mundu þó að þrátt fyrir að þessi krafa liggi fyrir verðuru að nálgast hann varðandi þetta allt með varúð svo að hann bregðist ekki við með enn sterkari vörn en hann er nú þegar farinn að byggja í kringum sig varðandi þetta allt saman. Ef það gerist getur vel verið að hann eigi enga leið út.

Líttu á þetta sem þjálfum fyrir framtíðina í sambandi með honum, því mikið af slíkum samtölum og tilraunum til úrlausna munu liggja fyrir ef þið viljið sjá fram á eilífðina saman.

Mundu bara að endatakmarkið verður að vera úrlausn á hverju því sem fyrir ykkur liggur í tæka tíð áður en þið þurfið að takast á við það.

Gerðu þitt besta til að gera það sem hjarta þitt býður, en vertu samt tilbúin að sætta þig við aðra úrlausn en þú vonast eftir. Eins og ég sé málin útfrá því hvernig þú lýsir þeim, þá eru góðar líkur að drengur þessi verði fyrst að vinna í sínum eigin málum áður en hann er tilbúinn til þess að takast á við alvöru samband til framtíðar og alla þá ábyrgð, tillitssemi, skilning og þolinmæði sem slíkt samband krefst og ber í för með sér.

Ég óska þér góðs gengis og vona að þú gerir þér ljóst að niðurstaðan á því hvernig þetta mun fara liggur alls ekki einungis á þínum herðum. En þínar herðar og ákvarðanir eru þær einu sem þú hefur stjórn á. Mundu þess vegna að vera viðbúin öllu svo ekkert komi þér í opna skjöldu.

Kær kveðja,
Fróðleiksmoli

Fyrra álit

[Notanda eytt] fyrir 17 árum, 6 mánuðum

Já ég held að þetta sé mikið til rétt hjá þér. Takk fyrir :).
Það var samt mjög rétt hjá þér að hann átti erfiða æsku vegna föður síns. Hann er eða var mjög reiður út í hann og eitthvað svoleiðis drama.

Ég skrifaði greinina í gær og í fyrradag var hann úti að borða með stráki í fótboltanum og síðan kemur stelpa (91 módel og hann er 87) sem labbar framhjá honum og slengir númerinu sínu á borðið til hans. Gæti það verið að nú vill hann mig ekki lengur því núna í fyrsta sinn er hann að fá athygli annarsstaðar frá?

Ég veit bara ekkert hvað ég á að halda/trúa. Ég held að ég reyni að halda mig við það sem að þú segir að hann er lokaður og með varnarhátt.

Takk kærlega fyrir svarið :)

Fyrra álit

[Notanda eytt] fyrir 17 árum, 6 mánuðum

Sæl aftur.

Jú veistu, það getur vel verið að hann sé núna í fyrsta skipti að fá athygli annarsstaðar frá og að það sé ástæðan fyrir þessu öllu saman. Satt að segja, þá eru svo ótal margar breytur sem geta verið að spila inn í að erfitt, ef ekki ómögulegt er að segja til um þær nema ræða málin ítarlega við hann; eitthvað sem við vitum að væri jafnvel erfitt fyrir þig sjálfa að gera.

En veistu, það er engin leið fyrir þig önnur heldur en nákvæmlega sú leið sem mun leiða til einhvers annars en sambandsslita. Til þess að lifa svona samband af, þá skiptir öllu máli að finna leið til þess að sá sem á við tilfinningalega bælingu að stríða geti fundið leið til þess að opna sig og tjá vanlíðan/vellíðan sína við maka sinn. Til þess að fá þessu framkvæmt verður sá einstaklingur fyrst af öllu að gera sér grein fyrir því hversu mikilvægt það er að gjöra svo, það er að segja ef enn liggur fyrir virkilegur áhugi á því að halda þessu sambandi lifandi. Nú ef ekki skaltu láta hann flakka sem fyrst.

Mín tillaga:

1. Farðu til hans, gerðu honum ljóst fyrir stöðu mála og tilfinningum þínum þess eðlis. Ekki halda aftur af þér í neinu, en vertu samt diplómatísk í framsetningu tíðindanna.

2. Fylgstu með viðbrögðum hans og mundu að vega þær og meta vel og vandlega áður en þú leggur lokatúlkun á niðurstöðurnar. Stundum geta alls konar tilfinningar leynst undir sem virkilega erfitt er að gera sér grein fyrir út frá viðbrögðum einstaklings.

3. Vertu viss um hvað þú villt og hvaða niðurstöðu þarf að lokum að ná til þess að sambandið eigi séns á sér til frambúðar. Ef þeirri niðurstöðu verður ekki náð, vertu þá tilbúin til þess að gera það sem þarf til þess að ekki verði um samband í efa og vanlíðan að ræða í þetta langan tíma (+2 ár).

4. Ég vil benda þér á þessa grein er ég skrifaði um fjarsambönd:
http://www.hugi.is/romantik/providers.php?page=view&contentId=4876566

Ég mæli með því að þú lesir hana.

Gangi þér vel og endilega láttu okkur vita hvernig fer.

Kær kveðja,
Fróðleiksmoli

Fyrra álit

NightCrow fyrir 17 árum, 6 mánuðum

Mæli með að þú hlustir á ráðleggingar Fróðleiksmola. Hann hefur mikið til síns máls.

Ég veit það af reynslu að fjarsambönd eru mjög vandmeðfarin. Reyndar svo vandmeðfarin að ég hef bara séð eitt par úr mínum vinahópi geta gengið í gegnum það og komið út úr því ósködduð.

Kærastinn þinn þarf að vinna úr miklum tilfinningaflækjum ef að hann á að geta fótað sig í lífinu og komist klakklaust frá því.

Ef að grunur minn er á rökum reistur þá var það ekki einungis móðir hans sem að sannfærði hann um að flytja ekki til Reykjavíkur. Hræðsla hans við að axla ábyrgð á eigin tilfinningum og takast á við vandamálin með reisn spilar líka stóran þátt þarna inn í.

Að fara frá Akureyri væri að yfirgefa comfort zonið hans; og einstaklingur sem að ekki getur tekist á við eigin tilfinningar og þau vandamál sem að hann mætir á lífsleiðinni, með því hugarfari að vinna úr þeim á farsælan hátt, á eftir að rekast all harkalega í jörðina þegar að hann mun þurfa að axla ábyrgð og standa á eigin fótum. Trúðu mér. Sá dagur mun koma.

Þegar að kemur að samböndum eru því miður ekki til nein “fix it all” lausn. Eða ætti ég kannski að segja sem að betur fer.
Erfiðleikar af þessu tagi geta orðið til þess að drepa sambandið en þeir geta líka orðið til þess að þjappa ykkur enn betur saman og gert samband ykkar sterkara en það hefur nokkurn tímann verið.

Mundu samt að það þarf tvo til þess að svo megi verða. Kærastinn þinn verður að læra að stundum þarf hann að taka áhættu og treysta hinum aðilanum. Hvort sem hann líka það betur eða verr. Það mun koma að því að hann verður að velja og hafna: Hvort ætlar hann að takast á við lífið og tilveruna og þroskast sem einstaklingur eða hvort ætlar hann að hjakka í sama fari þunglyndis og sjálfsvorkunnar.

/NightCrow

Fyrra álit

Dvergabondi fyrir 17 árum, 6 mánuðum

Erfiðleikar af þessu tagi geta orðið til þess að drepa sambandið en þeir geta líka orðið til þess að þjappa ykkur enn betur saman og gert samband ykkar sterkara en það hefur nokkurn tímann verið.

Þetta er svo rosalega satt hjá þér. Og sambandið styrkist sérstaklega ef báðir aðilar tala nógu mikið um erfiðleikana/vandamálin, og segja nákvæmlega það sem þeim finnst.

Fyrra álit

[Notanda eytt] fyrir 17 árum, 6 mánuðum

Hæ Night crow. :)

Hann segir sko við mig að hann vilji ekki búa hjá mömmu sinni því hún lætur hann vinna og vinna og vinna og hann fær aldrei pásu. Hann vill standa á eigin fótum en hann vill það á AK en ekki í RVK.
Hann segir að hann getur búið á stúdentagörðum á AK en ekki í RVK. Hann segir að hann geti það vegna stuðnings mömmu sinnar. Hvers konar afsökun er það?

Svo líka finnst mér eins og mömmu hans líkar ekkert sérlega við mig og ég veit alveg af hverju.
Eftir að ég og hann byrjuðum saman þá hafði hann ekki nægan tíma til að vinna og gera það sem að þurfti að gera heima hjá honum og þá var hún ekki sátt því hann var frekar með mér en að fara og gefa systkinum hans að borða eða skutla þeim eitthvert og sækja eitthvað fyrir hana. Þá var hann aðallega bara upp í rúmi að kúra með mér eða við úti að gera eitthvað.
Ég held að henni finnist eins og ég sé að stela honum eða eitthvað? Gæti það ekki verið.

Ég man að ég fór í svona ættarmót eða eitthvað með honum og það yrti ENGINN á mig. Það var ein kona í lokin sem byrjaði að tala við mig eitthvað smá en það var kona sem að mömmu hans líkaði ekki við.

Mér líður eins og ég sé ekkert velkomin heima hjá honum.

Ég veit ekki hvað ég á að gera.

Takk kærlega fyrir svarið :) ég met mjög mikils fáguð svör. hehe

Fyrra álit

NightCrow fyrir 17 árum, 6 mánuðum

Ok þessi gildra er klassísk. Ef að móðir hans er að treysta á að hann vinni skítverkin þá er svo sem ekki að furða að hann eigi við andlega erfiðleika að stríða.

Maðurinn er 20 ára gamall, búinn með stúdentspróf og lætur móður sína koma fram við sig eins og gólftusku ?

Ef að hann vill ná sér út úr þunglyndinu og sjálfsvorkuninni þá væri það besta sem að hann gæti gert að flytja frá Akureyri.

Auðvitað vill móðirinn ekki missa hann. Hún hefur einhvern til þess að sinna HENNAR skyldum. Þú ert að taka litla einkaþrælinn hennar í burtu frá henni. Þú afsakar en það fer pínulítið í mig þegar að fólk er að nota aðra til þess að koma sér undan ábyrgð. Slíkir einstaklingar þurfa á hjálp að halda. Það eða gott spark í rassgatið.

Nú þekki ég ekki kærastann þinn persónulega en ég þekki þynglyndi, fíkn og meðvirkni. Ég hef þurft að takast á við það sjálfur. Þú hefur áður sagt að hann sé þunglyndur og óframfærinn. Mín ágiskun er sú að hann fái nákvæmlega engan stuðning að heiman. Hann er hræddur. Á Akureyri hefur hann eitthvað sem að hann þekkir og í allra versta falli ef að eitthvað kemur upp á þá getur hann alltaf flúið til hótel mömmu. Ég meina, guð forði honum frá því að þurf að taka áhættu, axla ábyrgð og lifa eigin lífi á eigin forsendum eins og fullorðinn einstaklingur. Stundum verður maður að þora, taka áhættu og stökkva beint ofan í djúpu laugina án þess að vita hvað bíður þegar að þú lendir.

Ég gerði þetta fyrir tveimur árum. Ég flutti til Kaupmannahafnar til þess að fara í skóla. Ég þekkti eina manneskju hérna. That´s it. Í næstu viku er að útskrifast og í vikunni þar á eftir að taka við nýju starfi í kjölfar gráðunnar.

Pointið hjá mér er að kærastinn hefur alla möguleika á að ná hvaða þeim markmiðum sem að hann setur sér. En hann verður sjálfur að finna það út hver þau eru.

Fjölskyldan lítur þig eðlilega hornauga ef að móðir hans gerir það. Eðli fjölskyldu er að standa saman og hjálpa sínum.

Aðalatriðið er að þið talið saman og þú segir honum hreint út hvernig þér líður. Þú þarft ekki að vera dónaleg gagnvart honum. Einungis hreinskilin og heiðarleg. Ekki láta það eftir honum að fara í einhvern Pollýönnu leik. Ef að hann stendur fast á því að vera á Akureyri þá verður hann að díla við afleiðingarnar á því. Stattu fast á því sem að þú vilt gera. Eftir allt saman þá er þetta þitt líf og enginn getur ákveðið fyrir þig hvernig þú átt lifa því.

Með ósk um farsæla lausn,

/NightCrow

Fyrra álit

classic fyrir 17 árum, 6 mánuðum

spurðu hann einfaldrar spurningar;

ég eða fótboltinn.

þó það geti haft hræðilega afleiðingar..
talaðu við hann um það, afhverju hann geti hliðrað til fyrir fótboltann en ekki þig?

kannski er hann það tilfinningalega aumur að hann skammast sín fyrir að eiga kærustu, og þorir ekki að biðja um frí, neflilega það er auðveldara að fá frí ef maður gefur fulla ástæðu.

kannski er þetta bara algjört bull í mér..

en talaðu við hann.

Fyrra álit

[Notanda eytt] fyrir 17 árum, 6 mánuðum

Já heyrðu. Kannski hann þorir ekki að biðja um frí af því að hann er að fara að hitta kærustuna. Það meikar alveg séns.
Samt skil ég ekki af hverju hann getur beðið um frí til að fara í fótbolta en ekki ef að ég kem til hans eina helgi í mánuði.

Svo líka reynir hann aldrei að gera neitt til þess að við getum hist. Það er aðallega ég að reyna að finna far eða eitthvað svoleiðis. Mig langar ekki að vera ein í þessu. Mér finnst ég bara ein í þessu sambandi eða eitthvað.

Ég þori samt ekki að spyrja hann ég eða fótboltinn? er það ekki einum of?

Hann sagði samt alltaf við mig áður að ég skipti mestu máli og fótboltinn ekki. Það virðist ekki vera satt núna finnst mér.

Takk :)

Fyrra álit

classic fyrir 17 árum, 6 mánuðum

hann virðist bara vera.. feiminn?
og óstöðugur.

ég er viss um að hann elskar þig.

hringdu bara í hann við næsta tækifæri og spjallið um sambandið, og spurðu hann hvert hann vilji fara með það.

spurðu líka erfiðu spurningarinnar; hvað finnst þér um sambandið okkar?

Fyrra álit

[Notanda eytt] fyrir 17 árum, 6 mánuðum

dömpa þú honum, þá verður hann særðari heldur en þú, nóu margir fiskar í sjónum og nóu langt líf=D

Fyrra álit

clarity fyrir 17 árum, 6 mánuðum

Skemmtilegur hugsunarháttur hjá þér..

Fyrra álit

Jabberwocky fyrir 17 árum, 6 mánuðum

æjæja ég samhryggist þér.

það er eitthvað sem er ekki rétt hjá honum hann skilur greinilega ekki hvað “þú” ert mikilvæg og hvað þí ert búinn að gera fyrir hann. þú þarft að fá hann til að skilja að hann verði að “gera” eitthvað fyrir þig.þú hefur fórnað greinilega miklum tíma í það sem að hann vill…ég mæli með því að þið setjist niður í rólegheitum og talið um hvernig þetta er orðið,hvort hann,þú viljið halda þessu áfram eða hætta og vera bara vinir:)

jæjæa þetta voru mínir punktar vonandi gagnast þeir þér eitthvað!

sapphire

Fyrra álit

INRI fyrir 17 árum, 6 mánuðum

Ég held því miður að fjarsambönd virki bara ekki og hvað þá í tvö ár meðan þið eruð enn svona ung.

Þeir sem þekkja fortíðina og skilja nútímann eru öðrum hæfari til að skapa framtíðina.

Fyrra álit

Eldkatla fyrir 17 árum, 6 mánuðum

hæ alexsandra :D
sorry en ég ætla að segja mína skoðun bygða á minni reynslu…
hann er ekki það skotinn í þér ef hann gerir ekkert til að hitta þig, og ég held að þessi mömmu afsökun sé bara einmitt afsökun.
ég sjálf hef verið í sambandi sem ég vildi ekki vera í og ég var of mikil bleyða til að dömmpa gaurnum og ég kom með fullt af afsökunum og var svona hálfpartin að reyna fá hann til að dömpa mér, svo þegar ég var búin að vera virkilega vond þá spurði hann mig alltaf “elskaru mig ekki lengur” og ég sagði alltaf víst geri ég það og ég veit ekki afhverju en ég reyndi virkilega að sanfæra hann um að ég elskaði hann þegar ég í rau gerði það ekki og vildi hætta með honum.
ég veit ekki afhverju ég gerðiu þetta, en ég sjálf hafði slæma æsku og var mikið tilfininga lokuð, til að hræða þig ekki alveg þá hef ég líka verið í sambandi þar sem ég hélt að mér yrði dömpað og fór eimitt að gera það sem fróðleiksmoli var að segja, ýta honum frá mér og var fyrri til að sparka honum (í dag er ég ekkert viss hvort gaurinn var að fara að dömpa mér, því síminn hans var í raun bilaður (ég náði aldrei í hann í síma, síminn einhvað fökkt upp) ég var bara svo rosalega hrædd við enn eina höfnun enn eina ameskju sem myndi særa mig.

en plís ég bið þig, ekki flytja til AK bara fyrir hann og vera óhamingjusöm, núna er ég í sambandi þar sem ég flutti út á land fyrir kærastaqnn minn, ég er búin að búa hérna í 2 ár, og þessi 2 ár hafa verið þau erfiðutu hvað varðar þunglyndi, sem reyndar hefur leitt mig til þess að leita mér hjálpar hvað varar æsku mína og alla flækjuna sem fylgir mér út af því hvernig hlutirnir voru, ég er miklu opnari í dag og líður vel, og ég ræddi við kærastann minn um þetta með að vilja ekki búa hérna og hann skilur og við erum að flytja aftur til rvk í haust, ef hann elskar þig þá myndi hann skilja að þú vilt ekki vera á ak, og allavegna gefa þér séns…

Fyrra álit

Spor fyrir 17 árum, 6 mánuðum

Ekki spyrja spurningu sem þú ert ekki tilbúin að fá svar við!!!
þannig að vertu vel undirbúin.

Ég upplifði þennan texta pínu eins og hann væri að hefna sín á þér fyrir sjálfstæði þitt kannski rugl í mér og fyrsta ráð hér af ofan er mjög gott

EF getur verið stórt orð

Fyrra álit

[Notanda eytt] fyrir 17 árum, 6 mánuðum

Vá.. heitir sama nafni og ég.. fædd sama ár og ég.. átt afmæli í sama mánuði og ég..

Fyrra álit

Pradine fyrir 17 árum, 6 mánuðum

Svari eytt af stjórnanda

Fyrra álit

[Notanda eytt] fyrir 17 árum, 6 mánuðum

Bara svona að segja ykkur…Þá held ég að samband mitt og hans sé lokið… Ég get ekkert útskýrt það meira eða framhaldið..en ég held því sé lokið.

Fyrra álit

sandrass fyrir 17 árum, 6 mánuðum

Ææ:(

Thú gerdir thad sem thú gast og meira geturdu ekki gert.

Kannski var thetta ekki meant to be.

Ùff… *Ofurknús!*

Fyrra álit

chefausi fyrir 17 árum, 6 mánuðum

Hann er ekki hrifinn af þér….

Fyrra álit

sandrass fyrir 17 árum, 6 mánuðum

Sæl.

Ég get ekki bætt miklu vid, en Frodleiksmoli og Night Crow hafa sagt thad sem segja tharf finnst mér.

Af reynslu veit ég ad fjarsamband virkar ef bádir adilar leggja allt í thad en thad getur verid hrædilega erfitt og stundum er madur vid thad ad gefast upp.

Ef madurinn elskar thig thá mun hann vada eld og brennistein til ad vera med thér thrátt fyrir ad thid búid langt frá hvort ödru. Ef hann er ekki til í thad thá er spurning hvad í ósköpunum hann er ad hugsa.

Thad er nokkud ljóst ad mamma hans stjórnar honum algjörlega og thad er meira en bara ad segja thad ad fá hann til ad sjá thad ef thad er thá mögulegt. Hún virdist vera thad eina sem hann hefur haft ad stydja sig vid í gegnum tídina (fyrir utan thig) og thad skiptir hann miklu máli. Einhverra hluta vegna grunar mig ad tilfinningarnar gagnvart mömmu hans séu thannig ad honum finnst ad hann skuldi mömmu sinni eitthvad, th.e. “ég get ekki gert mömmu thad ad flytja til Reykjavíkur”.

Thad tharf eitthvad mikid ad gerast til ad hann verdi tilbúinn ad standa á eigin fótum í lífinu og ef thú ert til í ad berjast thá verdurdu ad gefa allt sem thú átt. Svo thú skalt vera viss um ad thetta sé thad sem thú vilt.

En gangi thér ofsalega vel, ég vona ad thad leysist farsællega úr thessu öllu hjá thér:)

*Knúúús*

Fyrra álit

[Notanda eytt] fyrir 17 árum, 6 mánuðum

Já veistu þetta er alveg rétt hjá þér varðandi það að honum líður eins og hann skuldi mömmu sinni eitthvað og að hún stjórnar honum ekkert smá mikið. Það er alveg meiriháttar hvað þið sjáið allt vel. :)

Takk kærlega fyrir hjálpina öll sömul :)

Fyrra álit

MrGoodman fyrir 17 árum, 6 mánuðum

hvað er upsest?

Góðar stundir.

Fyrra álit

[Notanda eytt] fyrir 17 árum, 6 mánuðum

Heltekinn af e-u

Fyrra álit

MrGoodman fyrir 17 árum, 6 mánuðum

Að vera heltekinn er að vera obsessed. Upsest er líkara upset, en það orð passaði ekki í setninguna.
Skrítin villa.

Góðar stundir.

Fyrra álit

[Notanda eytt] fyrir 17 árum, 6 mánuðum

Æji það er svo erfitt að finna orð fyrir þetta stundum..

Fyrra álit

neonballroom fyrir 17 árum, 6 mánuðum

Og þarf þá að búa til ný orð?

Fyrra álit

[Notanda eytt] fyrir 17 árum, 6 mánuðum

Máski..

Fyrra álit

CaptainA fyrir 17 árum, 6 mánuðum

vá hvað hann á örugglega eftir vera svekk ef hann les þetta ;P

Fyrra álit

[Notanda eytt] fyrir 17 árum, 6 mánuðum

Hehh… Ég og hann erum hætt saman og hann fer ekki á þessa síðu :)…

Við hættum saman því hann er búinn að vera að ljúga að mér varðandi stelpu og eitthvað rugl. En samt er ég að fara til hans núna um helgina!! Hvað er að mér??

Fyrra álit

CaptainA fyrir 17 árum, 6 mánuðum

ow verður pottþétt vandræðalegt ;O

Fyrra álit

HrKrissi fyrir 17 árum, 4 mánuðum

Ohh… hefðir ekki átt að stinga upp á því að ég læsi allt eftr þig.

Nú bara ræð ég ekki við mig !!

Fyrra álit

Rómantík

Rómantík

Ofurhugar

Stjórnendur

Hverjir eru inni

Greinar

Sambandið mitt (eða réttara sagt fjarsamband)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi