Ef þú elskar fyrrverandi kærustuna þína og heldur að sambandið komi til með að byrja aftur þá skaltu bíða. Annars skil ég ekki alveg hversvegna þið voruð að hætta saman. Ef það er í lagi að finna sér nýja kærustu þá er það sjálfsagður hlutur og spurningu þinni svarað. Ef ekki þá áttuð þið að sjálfsögðu ekkert að hætta saman.

Maður slítur nú ekki sambandi og hoppar aftur inn í það eins og ekkert hafi í skorist. Eruð þið ekki einu sinni í bréfa/email-sambandi? Ég hef nú reyndar tvisvar lent í svipuðu í tveimur löndum. Í fyrra skiptið var erfitt að slíta sambandinu en ári seinna var ég búinn að ganga í gegnum eitthvað skeið og jafna mig og fannst þá ekki koma til greina að taka upp þráðinn. Í seinna skiptið var mér nokk sama, sleit sjálfur sambandinu af tæknilegum ástæðum, var nokkuð hrifinn af stelpunni á þeim tíma en couldn't care less þegar ég kom til baka. Ég held að tíminn sé bara mælikvarði á það hvort að þið eruð/voruð með eitthvað samband til að byggja á. Ef þú saknar hennar ekkert að ráði og finnur ekki einu sinni hjá þér þörf að hringja í hana annað slagið þá held ég að þú getir alveg eins gleymt henni. Sér í lagi ef þér finnst ekkert mál að dingla í aðrar stelpur. Hún er ekkert fastbundin þér og gæti alveg eins verið komin með annan gæja sjálf. En þú vilt kannski leika þér aðeins á meðan hún er úti og hafa hana sem varaskeifu? Mér finnst það nú frekar lousy en þeir segja víst: “what mama don't know won't hurt her.”

það er líka til 4. kostur. það er að finna aðra stelpu sem bólfélaga og þú gerir henni grein fyrir því að þannig yrði það bara. þá ertu ekki í sambandi og piprar ekki :)

….ég myndi vera með nýju gellunni og geyma þessa tilvistarkreppu þangað til gamla gellan kemur heim aftur.

Þetta er seinnitíma vandamál…

Ef þú ert ekki viss, sjáðu þá aðeins til þangað til þú ert kominn með þín mál á hreint. Þá eru allavega minni líkur á því að þú gerir einhverja vitleysu ;)

þú ættir að hugsa samt svoldið um hvað þú ert að gera. Þú getur ekki anað út í nýtt samband og dömpað henni um leið og hin kemur aftur.
Þá ertu ekki góður;)

Ef þú átt gott samband við kærustuna þína í útlöndum þá myndi ég hiklaust ræða málið við hana.
Þig langar ekki að bíða eftir henni og komast svo að því þegar hún kemur heim að hún hafi fundið sér einhvern útlenskan gaur á meðan… Þannig að farðu svona svoldið varlega í það og finndu út hvað hún er að pæla. Ef þið eruð bæði opin fyrir því getið þið ákveðið að vera hætt saman og sjá svo bara til í sumar.
*Ef þið elskið hvort annað virkilega mikið þá ætti þetta ár bara að styrkja sambandið.
*Ef þú ert mjög hrifinn af nýju gellunni þá á hún nú alveg tækifæri skilið líka.

Gerðu bara það sem þér finnst rétt.
Gangi þér vel ;)

Þetta er nú eiginlega eitthvað sem þú verður að ákveða sjálfur. Fara eftir tilfinningunum..

Ég hef þurft að velja á milli tveggja dásamlegra stráka (öðrum þeirra var ég tiltölulega nýhætt með en rétt að kynnast hinum) og það er það erfiðasta sem ég hef nokkurn tíman gert. En eftir á séð þá veit ég að ég gerði rétt og ef ég hefði valið á hinn veginn þá veit ég að það hefði ekki gengið upp. En það er alltaf auðvelt að vera gáfaður eftir á …

En ég veit um dæmi um svona samband eins og þitt nema þau ákváðu að trúlofa sig áður en hún færi út. Þau voru búin að vera saman í dáldið langan tíma og rosalega ástfangin. En jæja hvað um það ég er nokkuð viss um að þau hafi verið trú hvort öðru (ég veit allavega ekki betur) en þegar hún kom aftur heim þá fundu þau að þau höfðu bara vaxið frá hvort öðru og slitu trúlofuninni nokkrum vikum eftir að hún kom heim.

Ef þú varst rosalega hamingjusamur með þessari sem er úti og veist að hún er sú eina rétta fyrir þig þá ráðlegg ég þér að bíða en ef einhverjar efasemdir eru þá muntu kannski alltaf sjá eftir að hafa ekki byrjað með hinni.
Svo líka gæti verið að þetta myndi ekki ganga upp með þig og þessa nýju og allt verið búið áður en hin kemur heim.
Eða þá að þú finnur að þessi nýja sé sú sem þú vilt vera með.

hmm er eitthvað vit í þessu ??

… ástin er erfitt mál, mér finnst persónulega að það ætti að spýtast út miði með manni þegar maður fæðist með nafni þess sem er “the one & only” .. það gæti hlíft manni við mikilli sálarangist ;-)

Taktu þig saman í hausnum félagi! Hvað ertu gamall? 21-22? Yngri, eldri, skiptir í raun ekki máli. Þið slituð sambandinu! Það er ástæða fyrir því og þú átt að virða það. Heldur þú að sambandinu hafi bara verið slitið upp á grínið. Besta ráðið til að átta sig á hlutunum er að finna e-h stelpu sem finnst vænt um þig og ríða henni og henda svo út. Þó líður þér eins og kóngur og getur gert hvað sem er!

Gefðu nýju stelpunni sjéns, þú munt sjá eftir því að hafa ekki gert það. Reynsla mín er sú að það skiptir engu máli hvað fólk segir, það fer bara eftir kringumstæðunum. Stelpan sem þú varst með segist kannski ætla að vera þér trú, en það veltur bara á því í hvaða aðstæðum hún lendir. Náðu í þessa gellu sem hefur allann pakkann.

Mér finnst þetta nú bara vera borðleggjandi & einfalt- þið eruð hætt saman fyrir löngu!! Ef hún hefði viljað halda þér, þá hefði hún ekki hætt með þér, heldur haldið long distance sambandi- sem hefði svo á endanum farið út um þúfur. En hún tók þá ákvörðun að fara til útlanda og fórna þér- svona er það, maður fær ekki allt & ekki hún heldur. Þannig að þegar hún kemur heim, þá á hún ekki að geta gengið að þér vísum, svoleiðis kemur maður ekki fram við fólk.

Þannig að hözzlaðu bara þessa nýju gellu, þér ber engin skylda til að lifa eins & nunna & bíða eftir gömlu kærustunni & ég efast jafnvel um að hún sé að fara fram á það, er þetta ekki bara eitthvað sem þú ert að mikla fyrir þér?

er ég að misskilja eða ertu ekki að segja í greininni eftir kurtcobain eða eitthvað hérna á undan að þú sért trúlofaður þeirri einu réttu???

annars held ég að þú einn sért best fær um að ráða úr þessari dílemmu sem þú ert í….. svo er líka mín skoðun sú að í svona tilfellum gerir fjarlægðin ekki alltaf fjöllin blá :/

já og eitt.. láttu stelpuna úti vita hvað þú hyggst gera, það væri slæmt ef hún biði eftir þér en kæmi svo heim og þú farinn að vera með annarri

svona var nú það………
daja (ekki oscar hann mundi aldrei skrifa á rómantík ;) )

Ég get kannski ekki ráðlagt þér mikið en ég skal vara þig við: það er mjög líklegt að margt breytist hjá ykkur báðum á þessum tíma. Þið slituð sambandinu og þar með er það slitið. Þú ættir bara að ræða þetta við hana, flest svona ssambönd sem ég þekki til, þar sem það er ekki einusinni hægt að hittast eihverjar helgar, hafa endað með því að aðilinn sem er heima er traustur og trúr, en sá sem er úti….hefur sko verið að lifa lífinu. Oft er það í von um að það komist ekki upp.

Þá veistu það, það eru miklar líkur á því að hún sé ekkert að bíða eftir þér meðan hún er úti en láti svo eins og hún hafi verið það allan tíman þegar hún kemur heim…


Gerðu það sem þér finnst rétt gagnvart sjálfum þér, ekki henni!

Kv.

Queeny