Hvað eru þið gömul ? og hvað eruð þið buin að vera vinir lengi ?

Ég veit ekki hvað maður getur ráðlagt þér annað en að koma bara hreint út og segja henni hvaða hug þú berð til hennar.
Ef hún er sannur vinur þinn ætti vináttan ekki að slitna (ef hún skildi svara neitandi).
En ég held að það sé sem sagt best að þú farir til hennar og segir henni hvaða tilfinningar þú berð til hennar.

Gangi þér vel, og leyfðu okkur að fylgjast með framvindu mála …

Kv. Alfons

Ég held að þú ættir að segja henni hvernig þér líður. Ef hún er ekki að fíla það máttu hins vegar ekki fara í fýlu og hætta að tala við hana eða neitt svoleiðis og lofa henni að þetta muni ekki breyta neinu. Ef hún vill þig ekki og þú verður sár þá gæti verið að þú viljir ekki hafa sambandi ykkar jafn náið. Hún gæti líka orðið vandræðaleg og þótt þetta óþægilegt. En hvað sem því líður, þá held ég að það sért ÞÚ sem ert lykillinn að því að halda hlutunum í lagi, ekki hún. Ég sé enga ástæðu til að hún slíti vináttu ykkar vegna svona lagaðs (svo lengi sem þú hagar þér vel, auðvitað).

Ef þið eruð vinir þá hljótið þið að geta rætt þessi mál, það er alltaf viss hætta á að hún hrökkvi í baklás við ástarjátningar frá þér þannig að passaðu þið bara á að slíta ekki vináttusambandinu við hana ef hún hefur ekki áhuga á meiru.
Það er alltaf viss hætta á að vináttusambönd breytist ef annar aðilin hefur áhuga á meira en hinn ekki, ég hef lent í þessu og maður var alltaf að passa sig að gera ekkert eða gefa örugglega ekki í skyn að hugur manns hefði breyst og það er óþægilegt.

Þannig er þið ræðið þetta og ef hún hefur ekki áhuga, klárið þá að ræða málið ekki láta þetta liggja í lausu lofti, gerðu henni þá grein fyrir að þú hafir samt áhuga á að vera vinur áfram.

En umfram allt vertu hreinskilinn og ekki byrgja þetta inni.

Gangi þér vel.
Kv. EstHe

Ég held að enginn geti sagt þér hvað þú átt að gera. En ef þetta kvelur þig svona mikið, þá held ég að það væri sniðugt að ræða tilfinningar þínar við hana og treysta því að hún bregðist skynsamlega við. Það þarf ekkert að slitna uppúr vináttunni þótt þú komir hreint fram og setjir þetta á borðið.
Ef hún ber ekki sama hug til þín, þá verðið þið bara að passa vel uppá vináttuna ykkar, svo hún slitni ekki. Það er nú kannski ekki mikil vinátta ef hún þolir þetta ekki.
Á hinn bóginn, þá geturðu líka þjáðst í hljóði og vonast eftir kraftaverkum. Þetta er þér alveg í sjálfvald sett.

Krossa fingurna fyrir þig,

L.

Ég hef lennt í þessu. Ég vona að þetta svar geti komið að notum. Ég lennti í því að verða hrifinn af vinkonu minni sem bjó úti á landi. Ég átti mikið af skildmennum í sama bæ og hún bjó á. Ég réð mig í vinnu hjá frænda mínum við múrverk og fór þangað. Ég skemmti mér alveg konunglega þetta sumar. Það tók mig langan tíma að játa þetta fyrir henni. Hún sagði mér að ég væri æðislegur vinur en hún hafði ekki þannig hug til mín. Ég varð auðvita alveg geðveikt sár. Ég hélt að ég gæti ekki litið dagsljós aftur. En þetta var ekki þetta mikið mál, ég talaði fljótt aftur við hana og þetta gerði ekki vont fyrir okkar samband, þetta bætti það í raun og veru. Við erum búnir að vera rosalega góðir vinir í núna 4 ár. Ef hún er vinur og góð persóna þá getur þetta ekki endað illa. Þetta gæti orðið vandræðarlegt um tíma þar til að þið talið um þetta. Ég veit að þetta gerðist líka fyrir góða vini mína en það gerðist ekki því hinn aðilinn vildi ekki eyðileggja vináttu þeirra. Þau eru bestu vinir en þann dag í dag. Ok, það versta sem getur gerst er að þetta verður vandræðarlegt í nokkra daga. Passaðu bara að þú slítir ekki vináttunni ef þú villt halda henni því að það er miklu líklegra að þú gerir það heldur en hún útaf skömmunni einni saman. Passaðu þig á að halda sambandinu, þetta á ekki að gera neinn skaða.

Hugsaðu samt um einn hlut, hvað ef hún tekur vel undir þennan hlut. Ég mundi samt lílega ekki bara ganga upp að henni á hvaða tíma sem er og spurja hana. Ég mundi t.d. reyna að láta þetta gerast í teiti þar sem þið eruð eitthvað að hafa gaman og reyna að láta þetta enda í kossi. Þá er mun líklegra að hún taki undir þetta ef þetta gerist á þann hátt.

Ef þú gerir ekki neitt þá áttu eftir að sjá eftir þessu að eilífu. Það er betra að lenda í einhverju vondu og sjá eftir því heldur en að sjá eftir því alla tíð að þú hafir ekkert gert og hugsað um hvað hefði geta gerst. Ekki láta þetta naga þig, gerðu eitthvað í málinu. Maður er sinn eigin gæfusmiður.

Ég veit ekki alveg hvernig þú ættir að segja henni það en málið er að þú verður að gera það því annars áttu eftir að vera að velta þér upp úr því aftur og aftur með þetta…en ef hún… ég hef verið í þessari aðstöðu mörgum sinnum og í öllum tilvikum höfum við verið vinir áfram það var bara soldið vandræðalegt fyrstu skiptin sem við hittumst aftur en síðan reddaðist það alltaf.
Ég vona innilega að þetta gangi hjá þér þar sem bestu samböndin eru alltaf byggð á vinagrunni:)
Give it a shot!!

Sko þetta er málið. Ýjaðu svona að því við hana að þú sért á eftir henni. Segðu henni það án þess beint að segja henni það. Gefðu það bara svona í skyn en enga heavy emotial játningu, stelpur hata það. Sjáðu hvernig hún bregst við. Vertu samt ekkert alltof of mikið á lausu, reyndu við aðrar stelpur og svoleiðis svo hún viti að þú bíðir ekki endalaust. Sjáðu hvernig hún bregst við því.

Ég veit um strák og stelpu ssem voru bestu vinir í mörg ár og eru núna gift með barn. ÞAu eru 18 og 19. Magnað? Ég hélt alltaf að þau væru saman þangað til að stelpan sagði mér að þau væru ekki saman og ég varð geðveikt leið afþv+i að þau voru svo sæt bæði og ég sagði henni það og daginn eftir byrjuðu þau saman. Æði maðu

Hmmm… ég er akkúrat í sömu sporum og þú. Ég er búinn að vera hrifinn af bestu vinkonu minni í nokkurn tíma en hef aldrei þorað að gera neitt í því útaf einmitt sömu ástæðu og þú nefndir, ég er mjög hræddur um að vináttan slitni og það er það síðasta sem ég vildi í heiminum því hún er æðisleg stelpa, mjög skemmtileg, sæt og frábær persóna. Ég veit ekki hvort ég þori að segja henni hug minn en ætli það komi ekki að því að maður verði að gera það… gangi þér vel og endilega láttu vita hvernig fer hjá þér.