Ég held að þetta hugarfar “að bíða” sé náttúrulega sprottið út frá þeirri
hugsun ef fólk er lengi saman (mjög marga mánuði eða ár), að þá er náttúrulega
mjög mikil óvirðing við hinn aðilann að fara strax aftur í nýtt samband (þá er
bara eins og þú hafir verið að bíða eftir að losna úr hinu sambandinu)!! Þetta hefur
síðan yfirfærst á styttri sambönd og einnig á yngra fólk…gott/slæmt ég ætla
ekki að leggja dóm á það.
Svo er það líka staðreynd að karlmenn bíða að jafnaði mun styttra en konur.
Það gildir líka um hjónaskilnaði og svoleiðis. Konurnar eru yfirleitt með börnin og
bíða með að fara í nýtt samband þeirra vegna, en karlarnir eru frjálsari ferða sinna
og geta einfaldlega ekki á konu verið (ekki bara kynferðislega séð)!! Svona erum
við bara misjöfn. Þetta gildir að sjálfsögðu ekki fyrir allar konur eða karla…en svona
að jafnaði!!

Þetta veltur auðvita allt á því hversu lengi þú varst með þessari stelpu. Til dæmis var ég með strák í eitt og hálft ár og svo innan við viku eftir að við hættum saman þá var hann kominn með nýja.. mér fannst það nú einum of sko.. en hins vegar ef ég hefði gert það sama þá hefði mér örugglega ekki fundist neitt að því.. þetta snýst auðvita líka um það kvort maður sínir sambandinu, sem er þá að ljúka, einhverja virðingu og hversu mikla. Þess vegna finnst mér til dæmis eins og hann hafi ekki borið neina þannig lagað virðingu fyrir okkar sambandi þótt hann sé alltaf núna tvem árum seinna að tala um að hann hafi nú kannski verið einum of fljótur á því..

Ég hef lengi velt þessu fyrir mér líka, enda drengur og þ.a.l. ekkert voða mikið fyrir tilgangslaust eitthvað-til-að-væla-útaf kjaftæði.

En þó eru til nokkrar ástæður fyrir þessu. Ég veit um milljón dæmi þess að stelpur verði brjálaðar þegar strákarnir byrja fljótlega með annarri stelpu, en það er sjaldgæfara með strákana, þó það svo sannarlega gerist.

Gefum okkur nú dæmi þar sem Palli hættir með Stínu. Palli byrjar með Pálínu þremur dögum síðar. Stína tryllist auðvitað og Palli fær slæmt orð fyrir að byrja svo fljótlega með Pálínu.

Svo hver er ástæðan fyrir því að Stína tryllist?

Fyrsta ástæðan er auðvitað einföld afbrýðissemi. Stínu finnst ósanngjarnt að Palli hafi sagt henni upp og leitast þess vegna til að finna þetta vera sérstaklega gagnvart henni, þar sem henni finnst það a.m.k. sárt að hann byrji með Pálínu. Þetta eru betri rök en maður myndi fyrst ætla, þar sem það má miða við að herramaður myndi sína þá virðingu að leyfa Stínu að jafna sig áður en byrjað er að hossast á þeirri næstu. Aftur á móti er beðið um of mikið þegar Stína einfaldlega ætlast til þess. Engum er skylt að vera herramaður, þó að það væri svo sannarlega herramannlegt af Palla að bíða í lengri tíma.

Það sem þarf að athuga hérna er að það getur vel verið að Palli sé alveg úberhrifinn af Pálínu. Það gerist stundum, og auðvitað verður fólk að takast á við sorg sína þegar einhver segir því upp. Það sem er sárt þarf ekki að vera ósanngjarnt, og undir þeim kringumstæðum getur Stína að sjálfsögðu ekkert einfaldlega ætlast til þess að Palli haldi vininum niðri þar til sú fyrrverandi er búin að róast.

Palli veit líka að það er ólíklegt að Stína verði eitthvað sátt við hann í bráð hvort sem er.

—

Önnur ástæða er hatur manna á drusluskap. Þetta fer auðvitað allt eftir aðstæðum. Ef Palli er bara í leiknum til að ríða, eða þá með stelpu einfaldlega til að vera með stelpu (því að sumir virðast halda að annað sé smán), er það svosem samkvæmt skilgreiningunni “drusluskapur”. Þetta er hinsvegar ástæða sem oft er breidd yfir ofangreinda fyrstu ástæðu, til að réttlæta fyrrnefnda afbrýðissemi. Palla til varnar er það að hans líf er hans líf, og hann á ekki að þurfa að haga sínu lífi eftir því að önnur manneskja er sár vegna þess eins að hann er ekki hrifinn af henni. Hinsvegar, í þessu tilviki, þegar Palli er greinilega einfaldlega með einhvern “drusluskap”, er hann tvímælalaust varla mikill herramaður fyrir vikið og má alveg fá svosem eitt stykki kolbilaða kærustu á eftir sér. Verri hlutir hafa gerst. Það er verra þegar menn fá slæmt orð á sig fyrir eitthvað sem á ekki að koma öðrum við.

—–

Í þriðja lagi er óvíst að það sé yfirhöfuð viturlegt af Palla að byrja með stelpu aftur svona snemma. Almennt eru einhverjar leifar af óútkljáðum málum í samböndum þegar þau enda. Hvort sem hann vill svo eður ei, er Palli mjög líklegur til að draga þessar leifar með sér inn í næsta samband. Þess vegna er það almennt góð hugmynd að bíða í smástund áður en vaðið er í næsta samband, þó það væri ekki nema til að leyfa eigin hlutum að kólna og losna við einhverjar tilfinningar úr gamla sambandinu, góðar eða slæmar. Þetta á auðvitað ekki við ef Palli hefur hætt með Stínu í þeim tilgangi einum að geta byrjað með Pálínu. Enda er það algerlega á ábyrgð Stínu að laga sín mál þar. Það getur varla talist drusluskapur hjá Palla ef hann einfaldlega elskar Pálinu en ekki Stínu. Eins og ég segi, herramannslegt af honum að virða tilfinningar Stínu, en langt frá því að vera skylda hans. Stína ætti líka að hafa hugfast að Palli hefði léttilega getað haldið framhjá Pálínu og verið með tvær í takinu, en hann kaus hitt, sem verður að teljast skárra. Í þessu tilviki myndast hinsvegar allt of oft sá skilningur hjá þessari Stínu okkar, að Palli hljóti að hafa haldið framhjá Stínu með Pálínu áður en henni var sagt upp. Sjaldgæft er að það þurfi einhver bein sönnunargögn til að slíkar hugmyndir fari að myndast. Stínu finnst hún svikin, og tilfinningin er svipuð ef ekki nákvæmlega sú sama og ef Palli hefði haldið framhjá henni.

—–

Hvað varðar réttmæti þessara ástæðna, þá fer það auðvitað algerlega eftir aðstæðum, og aðstæður eru álíka mismunandi og þær eru margar.

Þetta gamla trend að guttinn sé vondi kallinn fyrir að byrja snemma með annarri stelpu, tel ég alveg prívat og persónulega vera barnalega afsökun Stínu til að fá útrás fyrir afbrýðissemi sína. Enda virðist hún þá hafa þær ranghugmyndir að hún þurfi afsökun til þess.

Vissulega er oft ósanngjarnt af Palla að byrja þremur dögum síðar með Pálínu, en vissulega er það jafn oft engan veginn ósanngjarnt, og í raun fáránlegt að gera það ekki, s.s. ef Palli er einfaldlega ástfanginn ef Pálínu. Stína verður að skilja, að þegar samband endar… er það búið. Þó það sé sárt þýðir það ekki að það sé ósanngjarnt.

UM ÞESSA GREIN:
Það skal tekið skýrt fram að þetta eru eingöngu prívat og persónulegar pælingar, ég meina engar alhæfingar og vil engan veginn dæma einn eða neinn fyrir viðbrögð sín gagnvart þessum málum. Við erum öll mjög mismunandi, hugarfars- og tilfinningalega, og ég get ekki ítrekað nógu oft hversu miklu aðstæður skipta. Oft á Íslenskum korkum fær maður eldregn í bossann þegar einhver er ósammála, og þetta er viðkvæmt umræðuefni, svo vinsamlegast komið bara með ykkar eigin pælingar, rök og hugmyndir frekar en einhvern móral.

Friður.

Þad er oþarfi ad bida. En þad verdur ad vera alveg a hreinu ad sambandid se buid og enginn sens a ad þad byrji aftur. Folk hættir oft og byrjar sidan saman aftur, og þvi heldur folk ad þad se ennþa sens. Ef aftur a moti þu vilt sidan byrja aftur eftir ad hafa verid med annari stelpu segirru bara “WE WERE ON A BREAK!!!”

Mér finnst að hver og einn ætti að geta ákveðið hvort hann/hún þurfi að bíða áður en nýtt samband hefst. Ég meina náttúrulega ef þú varst að missa ástina í lífi þínu þá hlýturðu náttúrulega að bíða, annaðhvort útaf ástarsorg eða vonast til að vinna ástina þína aftur til þín. Nú auðvitað ef að þú barst engar tilfinningar til maka þíns, afhverju ætti maður þá að bíða, reyndar ef að makinn bar miklar tilfinningar til þín, þá ættirðu kanski að bíða hennar/hans vegna til þess að sýna að þú hafir ekki bara dömpað henni til að stökkva strax í annað samband.

Maður þarf ekkert að bíða ef þú elskar hina stelpunu sem þú komst á séns hjá þá skaltu ekkert láta aðra hafa áhrif á þig
Þeir sem eru að fordæma þig vita ekkert hvað er að gerast og þannig að ég segi gerðu það sem þú heldur að sé rétt

ekki bíða mar!