Kæra hugaða fólk, ég er að vonast til þess að þið getið hjálpað mér í mínum vandamálum sem eru ekki beint mín vandamál en ég er samt flækt inn í þau.

Þetta er ástarþríhyrningur. Hjá tveimur af þessum manneskjum er ég manneskjan sem huggar þær og styð þegar þeim líður illa, ég er sem sagt föst í miðjunni.

Best að reyna að kynna persónur þessa ástarþríhyrnings:

y: ein besta vinkona mín sem er hrifin af strák sem hér er kallaður x, þessi stelpa er 18
z: önnur besta vinkona mín sem er jafnvel betri vinkona y en mín en hún er nú orðin hrifin af honum x, hún er 16
x: einn yndislegasti strákur sem ég hef kynnst og er nú hrifinn af z, hann er 17

Einn dag í desember kom y til mín og sagði mér að hún væri hrifin af x, þá þekkti ég hann ekki neitt og gat ekkert sagt um það. Hún sagði einhverjum fleiri frá því sem láku því út til hans. Hann vildi ekkert gera í því afþví að hann var ekkert hrifinn af henni.
Tíminn líður og hún heldur bara áfram að vera hrifin af honum, hún er svo feimin að hún þorir ekki einu sinni að reyna við hann. Ég og z vorum farnar að þekkja draumaprinsinn hennar mun betur en hún sjálf, samt hélt þessi hrifning hjá henni áfram.

Vandamálið byrjar svo núna í sumar þegar y fer út á land að vinna. x og z byrja að vinna saman og eru alveg rosalega mikið saman. Það endar á því að þau eru orðin alveg rosalega hrifin af hvort öðru og hlutirnir byrja að gerast. Þau eru “saman” en vilja ekki að neinn viti af því útaf y. z er í rosalega miklum bömmer og finnst hún vera að stinga undan vinkonu sinni en ég segi við hana að þetta sé ekkert þannig, x og y þekktust ekkert og hann vissi af henni og gerði ekkert. Ég og z ætlum að fara út á land í kvöld og segja y frá þessu, við erum nefnilega alveg skíthræddar um að þetta fari til hennar öðruvísi.

Finnst ykkur það rétt hjá okkur að segja henni þetta, eigum við að bíða þar til seinna eða hvað? Hvað finnst ykkur að ég ætti að gera, ætti ég að draga mig útúr þessu eða reyna að standa með þeim báðum? Gefið mér einhver svör, ég veit þið hafið þau ég hef séð ansi góð svör við öðrum greinum hér á Huga.

(Ps. mig langar að biðjast afsökunar ef ykkur finnst þetta ekki passa hér, en það er bara engin vandamála síða á Huga. Plis ekki setja þetta á korkinn þá fæ ég aldrei nógu góð svör)

Kær kveðja Ukyo-e