Þessi umræða fer alltaf í taugarnar á mér. Ég hef verið með kærastanum mínum í yfir þrjú ár. Fyrsta árið töluðum við ekkert um svona eða pældum í því. Svo vorum við alltaf að heyra “afhverju trúlofið þið ykkur ekki?”… bla bla bla endalaust þannig að við ræddum þetta alveg til hlýtar. Við erum tilbúin til að eyða allri ævinni saman, enda búum við saman í dag. En í okkar augum er trúlofun loforð um brúðkaup (sbr. engaged to be married) og það ætlum við okkur ekki. Í dag þar sem við erum námsmenn og erum barnlaus þá er það mjög óhagstætt fyrir okkur að vera meir að segja skráð í sambúð (sem við erum ekki þótt við búum saman) og hvað þá gift.
En um leið og börn eru komin í spilið þá er mun hagstæðara að vera giftur upp á t.d. erfðarétt maka og barna. Brúðkaup er í raun bara lagalegur pappír ekkert annað. Ég get alls ekki verið sammála því að brúðkaup geri eitthvað erfitt fyrir. Ég meina skilnaður er allaf erfiður hvort sem til er lagalegur pappír fyrir því eða ekki, það þarf alltaf að gera upp tilfinninalífið og eignir því í sambúð eignast maður náttúrulega margt saman… Þar að auki held ég ekki að skilnuðum fari fjölgandi vegna þess að stelpur fái meira út úr því, því oftast koma konurnar verr út úr skilnuðum tilfinningalega og eignalega (sérst. vegna þess að þær geta ekki unnið jafn mikið því oftast hafa þær börnin þrátt fyrir jafnt forræði). Þar að auki giftist maður ekki með því hugarfari að maður ætli að skilja. Fólk í dag er bara að flýta sér allt of mikið, það kaupir alltof dýra og stóra íbúð, nýtt innbú í stað þess að fá lánað, eða kaupa ódýrt. Fer til útlanda á hverju ári eins og nágrannin sem er búinn að vera giftur lengur. Svo er ekki hægt að neita sér um djamm eða nýjustu tísku. Þessu öllu fylgja svo reikningar og fjárhagsáhyggjur sem ekki allir eru að höndla. Þar að auki falla fullt af styrkjum niður við giftingu vegna tekjutengingar (sem er fáránlegt fyrirbæri).
En ég er samt hlynnt aðskilnaðar kirkju og ríkis, en finnst samt enginn hræsni að gifta sig í kirkju. Ekki langar mig að vera í Þjóðkirkjunni, en mig langar samt að gifta mig í kirkju þar sem það er svo fallegt. Ég veit að í framtíðinni mun ég gifta mig, en það verður aðallega fyrir lagaleg réttindi ófæddra barna minna!!