Ég er hér að senda þetta inn fyrir bestu vinkonu mína. Hún þorir ekki að gera það sjálf þar sem hún er frekar virkur notandi (ólíkt mér) og hún er hrædd um að hennar fyrrverandi lesi þessa grein vitandi hún er eftir hana. En allavega, ég vona að hún verði samþykkt þrátt fyrir þetta sé eftir hana sem ég er að senda inn.

Hér kemur textinn sem hún sendi skrifaði og bað mig að senda inn:


Okey, nú langar mig bara fá álit. Ég var með yndislegum strák í 8 mánuði. Uppá dag. Svo hættum við saman. En þið vitið, life goes on, nóg af fiskum í sjónum eins og sagt er. En allvega ég var bara með sjálfri mér og byggði upp sambandið við vini mína næstu 4 mánuðina.

Þá byrjaði ég með gaur, í sannleika sagt veit ég ekki hvað ég var að hugsa. Ég þekkti hann ekki rassgat og þegar á reyndi var hann allger skíthæll og gerði ekki annað en að særa mig. En allvega, ég hætti með honum. Og svo byrjaði ég með mínum fyrrverandi, þá var ég búin að vera með hinum í aðeins meira en mánuð en aðeins hitta hann einu sinni á þeim tíma. Hann býr í Reykjavík og ég útá landi. En já…svo byrjaði ég með mínum fyrrverandi og allt var frábært.

En svo byrjaði allt aftur, áður en við hættum saman hafði hann alltaf verið geðveikt fúll við stráka vini mína. Sem voru mjög margir á þeim tíma og það endaði meira segja með því að hann og besti vinur minn á þeim tíma voru farnir að hóta hvor öðrum og hann talaði um það að berja hann í tíma og ótíma og meira segja einu sinni að drepa hann. Allt í lagi…það er hægt að leiða það hjá sér en eins og staðan er í dag. Ég er það sem sumir kalla strákastelpu, ég og bestu vinkonur mínar erum í vinahóp sem samanstendur af okkur þremur og svo bara strákum. Mér finnst það mjög fínt þar sem ég á mun auðveldara með að treysta strákum og líður betur í kringum stráka en stelpur. En já…svo núna á ég þennan besta vin, það eru tveir dagar síðan ég og kærastinn minn hættum saman og ég hef verið að velta því fyrir mér hvort ein ástæðan sé kannski að ég sé orðin hrifin af honum (besta vini mínum).
Ég á við…ég hélt ég gæti lagt ástæðuna við hættum saman á hilluna en svo bara poppaði þetta alltaf upp í huganum á mér og það get ég sagt ykkur er ekki gott…svo byrjaði þetta aftur með vini mína. Hann brjálaðist og bara er geðveikt illa við besta vin minn, hann hefur aldrei talað við hann. Það fór bara í taugarnar á honum hvað ég var mikið með honum! Halló, við eigum ekki heima í sama bæjarfélagi, svo ég hitti hann kannski einu sinni í viku til tvisvar (minn fyrrverandi) og svo varð hann bara litla fúli ég hitti vini mína hina dagana. En já ég er farin að tala í hringi, allavega. Ég held ég sé hrifin af besta vini mínum.
En er ég þá drusla? Móðir mín byrjaði að tala um það yfir kvöldmatnum að henni væri ekki sama ef ég byrjaði með strák næsta mánuðinn eða svo því hún vildi ekki eiga druslu sem dóttur og þvílíka. En það er ekki eins og ég hafi þá verið með mörgum strákum á sama tíma eða neitt :/ ég er engin hóra sko og ég myndi aldrei gera neitt eins og það. Er ég eitthvað minni drusla ef ég er hrifin af vini mínum í mánuð eftir að ég hætti með mínum fyrrverandi og byrja þá með honum. Þótt ég hafi gert mér grein fyrir því tvem dögum eftir að ég hætti með strák ég væri hrifin af besta vini mínum og svo beðið í mánuð með að segja honum það. Hvað finnst ykkur?

Ég vona þetta verði samþykkt þar sem hún situr hérna við hliðina á mér í rusli yfir þessu.