Ég lenti í því um daginn að það var ekki beint haldið fram hjá mér heldur var ég framhjáhaldið án þess að vita af því. Á þeim tíma munaði litlu af minni hálfu að ég myndi byrja með manneskjunni í framhaldi en svo komst ég að því að hann var ekki hættur með annarri OG hafði verið með öðrum stelpum bæði fyrir og eftir og ýmislegt fleira. Ég að sjálfsögðu varð alveg bálreið sem og allar aðrar sem hann fór svona með (þær eru núna einar af bestu vinkonum mínum) og við hundskömmuðum hann og litum ekki við honum lengi en skömmu síðar, allt of skömmu síðar finnst mér, er ég eiginlega alveg búin að fyrirgefa honum. Mér er eiginlega alveg sama og ég er ekkert sátt við það því það sem hann gerði var alvarlegt og ætti ekki að fyrirgefast í bráð en mér er eiginlega alveg sama. Svo frétti ég meira og varð aftur fúl út í hann en það er líka alveg búið.

Er þetta eðlilegt? Að sjálfsögðu veit ég að ekkert er “eðlilegt” en ég vil ekki gefa honum grænt ljós og segja að svona sé allt í lagi, hann er líka alveg hættur að reyna við mig, aftur á móti erum við fínir vinir og hittumst oft.

Hreint út sagt hef ég ekki hugmynd um hvað er í gangi. Tillögur?