[Notanda eytt] fyrir 20 árum, 6 mánuðum Fjöldi lestra: 685

50% af öllum hjónaböndum enda með skilnaði

50% af öllum hjónaböndum enda með skilnaði, hmm þýðir það að það sé ekki til nein sönn ást, maður á bara eftir að enda á því að fá leið á maka sínum og skilja, nei auðvitað ekki, en auðvitað kemur það fyrir.

Ekki fyrir all löngu þá hugsaði ég svona, það er ekki til sönn ást,, 50% af öllum hjónaböndum enda með skilnaði, why bother en svo fór ég að líta aðeins í kringum mig og það er svo ógeðslega mikið af sannri ást sem ég sé á hverjum degi.
Mamma mín og pabbi t.d þau eru búin að vera gift í 20 ár eða eitthvað um það en eru ennþá ástfangin. Oft eftir erfiðan vinnudag hjá mömmu er pabbi búinn að láta leka í heitt bað fyrir hana eða öfugt þegar pabbi kemur heim eftir erfiðan dag og á meðan pabbi t.d er í bað situr mamma á klósettinu og þau tala saman um daginn. Þegar mamma er búin að vera að vinna lengi og ætlar að leggja sig passar pabbi alltaf að það heyrist ekki hljóð frammi á gangi svo að mamma getur fengið að hvíla sig í friði.

Ég vinn í sjoppu og þar tek ég líka voða mikið eftir svona. Eins og þegar kona kemur í sjoppuna og er að kaupa nammi handa manninum, mér finnst alltaf jafn æðislegt þegar hún kaupir fyrir hann bland í poka og velur fyrir hann því að hún veit nákvæmlega hvað hann vill í pokann. Svo þegar maður sér hjón velja spólur saman, hún fær að leigja Mona Lisa Smile og hann fær Face off sem gamla fríspólu ef að næst fær hann að leigja The Last Samurai og hún fær að velja gamla, eða eitthvað þannig. Það sem mig hlakkaði mest til með kærastanum mínum þegar við byrjuðum að vera saman var að fara útí sjoppu með honum og velja spólur eða nammi, þótt að það hljómar skringilega.

Pointið mitt með þessari grein var að maður á ekki endilega að líta á þessi 50% heldur hin 50% af hjónaböndunum sem eru fyrir lífstíð og þótt að þú hefur lent í því eða lendir í því að skilja við manninn eða konuna þína þá eru líkur á því að þú finnur þér nýjan maka sem að þú giftist og það hjónaband á eftir að endast. Maður fær þetta ekki alltaf rétt í fyrstu tilraun, og jafnvel ekki alltaf á annari. En hugsaðu þig samt um áður en þú giftir þig því að skilja kostar 50.000 kall….hehe ;)

Axelma fyrir 20 árum, 6 mánuðum

Málið er, að fólk nú til dags er bara að flýta sér svo mikið. :) Það heldur að ef það hefur ekki fundið hinn ‘eina rétta’ lífsförunaut fyrir tvítugt þá er allt orðið of seint.
Ég hef líka tekið eftir því að fólk hefur ekki gefið sér tíma til að kynnast hvort öðru og rýkur bara beint útí samband. Þetta sér maður t.d. mjög oft með unglinga hehe.

Það er sannreynt að þegar fólk gefur sér ekki tíma til að kynnast hvort öðru, verður sambandið oftar en ekki mjög skammvinnt, þótt það eigi ekki við í öllum tilfellum.

En kannski er þetta bara spurning um hvort að glasið sé hálf-fullt eða hálf-tómt. :) Ég horfi í þessi 50% sem endast, því ég sé t.d. ömmu mína og afa sem hafa verið gift í öll þessi ár og eru ennþá svo sæt saman.

Fyrra álit

[Notanda eytt] fyrir 20 árum, 6 mánuðum

Ágætis grein.
Eðli hvers dýrs er að finna maka og eignast afkvæmi.
Auðvitað er það ekki lengur þannig hjá okkur mannfólkinu, því við njótum svo mikilla einstaklings fríðinda.

Fyrra álit

NoAngel fyrir 20 árum, 6 mánuðum

Ég trúi ekki á skilnað, það er alltaf hægt að leysa vandamálin og það þýðir ekkert að gefast upp…Ég bara hata þetta orð! :(

Ég finn til, þess vegna er ég

Fyrra álit

SirK fyrir 20 árum, 6 mánuðum

friend: Skilnaðir þurfa ekki endilega að vera slæmir. Til dæmis skildu mamma mín og pabbi fyrir u.þ.b. 6 árum. Það var náttúrulega mjög erfitt og leiðinlegt fyrir mig og bróðir minn fyrst um sinn en svo vandist maður þessu. Núna eru báðir foreldrar mínir komnir með nýjan maka og þrátt fyrir að ég hafi verið ungur þegar þau skildu sé ég að þau er mun hamingjusamari í dag en þá. Mér og bróður mínum finnst þetta líka mjög gott eins og staðan er í dag. Við höfum eignast 2 stjúpbræður sem mér þykir vænt um, báðir stjúpforeldrar mínir eru mjög gott fólk og við höfum það bara mun betra í dag.

Fyrra álit

NoAngel fyrir 20 árum, 6 mánuðum

Já okey það er kannski satt en málið er að núna eru mamma mín og pabbi að skilja sem er hræðilegt, þau eru búin að vera gift í tæp 30 ár og pabbi vill það ekki og er geðveikt leiður, en mamma er alveg ákveðin og ég skil ekki hvernig þau eiga eftir að komast af án hvors annars :( Þetta er bara bull sko…

Ég finn til, þess vegna er ég

Fyrra álit

Axelma fyrir 20 árum, 6 mánuðum

Ef að mamma þín og pabbi eru að skilja, og mamma þín er svona ákveðin, þá held ég að það sé fyrir bestu. Treystu ákvörðun mömmu þinnar, hún veit örugglega hvað hún er að gera. :) Veit þetta er erfitt og allt það, en reyndu bara að hugsa útí það að ef mamma þín er óhamingjusöm og vill út, þá verður hún hamingjusamari eftir á.

Fyrra álit

Axelma fyrir 20 árum, 6 mánuðum

Ég held að það sé ekki spurningum að “trúa” á skilnað. Ef það er alveg augljóst að þetta er ekki að ganga, endalaus rifrildi, börnin komin inná milli, orðin taugaveikluð, hætt að geta sofið vegna hræðslu og ótta, farin að ganga illa í skóla, foreldrar farnir að ganga í skrokk á hvor öðrum… Eiga þau þá ekki að gefast upp?

Ef að annarhvor aðilinn í hjónabandinu er beittur ofbeldi, hvort sem það er líkamlegt eða andlegt, á viðkomandi þá bara að láta það yfir sig ganga því að hann trúir ekki á skilnað og “ætlar ekki að gefast upp”? Kannski að einhver álfkona komi og geri makann að betri manneskju.

Ef að tveir aðilar komast að því að þeir eiga alls ekkert saman og þekkjast ekki eins vel og þeir héldu, komnir á það stig að þeir virkilega ÞOLA ekki hvort annað og langar helst að kyrkja hvort annað, eiga þau þá ekki að gefast upp og ganga bara um með bómullarhanska á höndunum?

Þegar hjónaband er orðið það slæmt að það er farið að hafa áhrif á fleiri en þessa tvo einstaklinga sem í það gengu, er kominn tími á það að hugsa um hina aðilana líka.
Ef þú værir gift manni og ættir með honum börn, þá myndir þú reyna að hugsa hvað væri börnunum fyrir bestu líka. Og það er einfaldlega EKKI gott fyrir börn að lifa í óvinvættu umhverfi. Það er manneskemmandi.

Fyrra álit

Sirja fyrir 20 árum, 6 mánuðum

Já, þetta er alveg rétt…Maður á að horfa á þessi 50% sem endast… T.d. hafa amma mín og afi verið gift í svoldið meira en 50 ár og maður sér alveg að þau elska hvort annað ennþá voða mikið… Mamma og pabbi hafa líka verið gift í 30 ár og það sama er að segja um þau. Það eru 1:2 líkur á því að þetta endist! Og ef það mistekst í 1. tilraun eru meiri líkur á að það endist í næstu tilraun, og enn meiri í þarnæstu.

Fyrra álit

fotleggur fyrir 20 árum, 6 mánuðum

pabbi og mamma skildu en byrjupu aftur :P

Fyrra álit

midiz fyrir 20 árum, 5 mánuðum

Oft lætur fólk tilleiðast í eitthvað samband sem það kannski vill ekki endilega vera í. Svo eftir nokkur ár þá fattar það að þetta er ekki raunverulegt. Oft gefst fólk upp og nennir ekki að greiða úr vandamálunum, heldur að það sé eitthvað betra þarna úti. Svo er það náttúrulega þeir sem hætta að tala saman, hætta að gera eitthvað saman og fatta svo einn daginn að það hefur ekkert að tala um! hræðilegt!

Fyrra álit

Rómantík

Rómantík

Ofurhugar

Stjórnendur

Hverjir eru inni

Greinar

50% af öllum hjónaböndum enda með skilnaði

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi