cap2 fyrir 20 árum, 7 mánuðum Fjöldi lestra: 963

Rétt eða Röng fyrir hann?

Halló kæru Hugarar.
Þannig er mál með vexti að vinur minn og frændi er búinn að vera með kærustunni sinni í svona hálft ár u.þ.b. og undafarna daga er hann búinn að vera að tala við mig um hvað hann er orðinn hálf þreyttur á að vera í þessu sambandi. Við erum mjög góðir vinir,(skyld) og tölum um allt svo hann reyndi að fá nokkur ráð hjá mér.

Hann sagði mér frá því að kærastan, sem er alveg frábær stelpa, er farin að haga sér öðruvísi, t.d. farin að verja mjög miklum tíma með öðrum vinum sínum og lætur eins og hún hafi ekki tíma fyrir hann, er oft bara úti með öðrum krökkum um helgar og röflar svo mjög mikið í honum þegar hann “hefur ekki tíma” fyrir hana því hann er að fara að gera eitthvað annað.

Honum líður mjög eins og hún sé komin með leið á honum eða hvað hann sé mikill félagsskítur og eitthvað svoleiðis. Hann er ekki mikið fyrir að fara út(meira svona rólega týpan) en hún er heldur enginn svaka djammari. Svo er fullt af öðrum smáatriðum og eins og við vitum flest, skipta þau miklu, ef ekki mestu máli í samböndum.

Þegar þau byrjuðu saman þá var hann viss um hún væri sú eina rétta fyrir hann og hann sá ekki sólina fyrir henni,eða hvað sem maður segir=) Hún var sú eina fullkomna fyrir hann að hans sögn.
Hann hugsaði ekki um aðra stelpu, talaði ekki um aðra stelpu og allt var frábært.

Þessi strákur, hann hefur undanfarið verið að tala við aðra stelpu, bara sem vinir, sem honum finnst mjög skemmtileg og áhugaverð. Hún er mjög fyndin og hress, en það er líka alveg frábært að tala við hana af alvöru. Hún er mjög frábrugðin kærustu hans og hann sagði mér að honum finnist eins og hann hrífist mjög af henni,persónuleikanum (hún er mjög fríkuð og flippuð)og líka hvað hún er mjög öðruvísi en kærastan hans. Þessi stelpa er mjög hrifin af honum en er samt ekkert að reyna að koma upp á milli þeirra tveggja og er því bara honum sem vinur. Þessi stelpa er mjög náin vinkona mín og rétt að geta til þess að þau kynntust í gegnum mig, þess vegna veit ég svona smáatriði;)

En það er kominn mikill efi í strákinn, hann tekur svona sambönd mjög alvarlega, og hann er farinn að velta sér mikið upp úr því hvort að kærastan hans sé sú rétta fyrir hann eða sú ranga. Hann veit ekki hvort hann ætti að taka sjénsinn og fórna þessu sem hann á með kærustunni sinni, þar sem það mun hvort sem er einhverntímann enda, og bæta samband sitt við þessa stelpu, eða gleyma stelpunni og reyna að laga sambandið við kærustuna.

Nú spyr ég, hvað mynduð þið gera? Þetta er ekki öll sagan en hann hrífst mjög af hinni stelpunni, en veit svo ekki hvort hann ætti að kasta sambandi sínu á glæ fyrir hana.

Kv.Cap2

qaz fyrir 20 árum, 7 mánuðum

Halló.
Ef ég væri strákurinn, og eins og þú ert búin að lýsa ástandinu, svolítið þreyttur á þessu sambandi og ekki viss hvort að hann vilji þetta ennþá, þá myndi ég taka sjénsinn, (fyrst stelpan og hann smella svona saman.)

Eins og þú sagðir er þú vitnaðir í hans sögn, þá myndi þetta samband hvort sem er “enda á endanum” og um að gera að kynnast nýju fólki.
Ekki vera alltaf í sama farinu og breikka ekki sjóndeildarhringinn. Lífið er fullt af óvæntum hlutum, mörgum hlutum sem maður hafði ekki áður þekkt sem er um að gera að kynnast;)

En allavega, ég vona að honum gangi vel hvað sem hann ákveður að gera.
Kær Kveðja, Qaz

Fyrra álit

[Notanda eytt] fyrir 20 árum, 7 mánuðum

Ef að hún væri sú rétta fyrir hann myndi þá sambandið þeirra vera svona? =)

Fyrra álit

Hildimar fyrir 20 árum, 7 mánuðum

hann er greinilega ekki að fara að “kasta neinu á glæ” ef hann hættir með stelpunni sem hann er núna. Hann er greinilega ekki alveg nógu hamingjusamur með henni, og þau eru nú bara búin að vera saman í hálft ár, þannig að það er ekki einsog þetta sé rosalega alvarlegt samband. Ef ég væri hann mundi ég án efa reyna að kynnast nýju stelpunni, þau eiga greinilega margt sameiginlegt og eru góð saman. Og fyrst þú segir að þetta “endi hvort sem er” þá segi ég bara af hverju ekki að enda þessu þá strax og gera hlutina alvarlega með nýju stelpunni meðan hann hefur tækifæri til. Ef nýja stelpan mundi svo finna sér strák meðan hann væri að velta sér uppúr þessu þá mundi hann kannski sjá eftir þessu lengi lengi. Jæja, þetta er bara mitt álit. Vonandi gengur honum vel.

Fyrra álit

DaC fyrir 20 árum, 7 mánuðum

ég ætla ekki að vera með neinar ráðleggingar eða reyna að segja hvað ég myndi gera í aðstæðunum, þar sem það er allt að því ómögulegt að tileinka sér svona einkalífsvandamál annars fólks og skilja þau nema þau séu manns eigin(jafnvel öfgar eins og heimilsofbeldi eða misnotkun). Á þessum forsendum vil ég benda Hildimar á að það sé alls ekki neitt “greinilegt hann sé ekki að kasta neinu á glæ” með því að hætta með kærustunnu sinni, því honum finnst hann ekki nógu “hamingjusamur”. Hamingja er torskildasta og vandmeðfarnasta tilfinning okkar á eftir ástinni. Leiði og þreyta í sambandi þarf alls ekki að merkja hamingjuleysi og hamingjuleysi þarf alls ekki að merkja langvarandi hamingjuleysi. Jafnvel langvarandi óhamingja þarf ekki að merkja eilífa óhamingju og aðskilnaður úr óhamingjusömu sambandi getur hæglega þýtt enn frekari óhamingju. o.s.frv.

En svo getur þessú öllu líka verið öfugt farið. bara ekkert greinilegt í þeim efnum.

Fyrra álit

momo fyrir 20 árum, 7 mánuðum

Ef ég væri hann þá væri ég ekki að eiðileggja sambandið. Ég meina öll sambönd eiga sína góðu og slæmu tíma, og það á eftir að skána, það gerir það alltaf.
En ef hann er farinn að missa von og er ekki lengur með áhuga á kærustunni þá er þetta ekki tímans virði.

Ég segi að hann eigi að tala við kærustuna sína og athuga hvort þetta sé ekki bara eithvað millibis ástand sem þau eru að ganga í gegnum og hvort það megi ekki bæta.

Fyrra álit

saetirass fyrir 20 árum, 7 mánuðum

veit kærastan hans af þessari stelpu ef ég mætti spurja..?? ég þarf nú varla að spurja en auðvitað veit hún ekkert af henni og hvernig veit ég það, jú hann hrífst af henni og vill þar að leiðandi ekki segja henni frá henni því hún gæti orðið sár sem hún auðvitað verður!
FACT: hann er að fara á bakvið hana með því að tala við þessa stelpu og hrífast af henni, HANN er að gera vondu hlutina þó svo að hún sé búin að vera fjarlæg honum uppá síðkastið sem þíðir það að að þau eru í rauninni ekki eins með félagslífið að gera og það er stór partur af sambandinu og fólk á að ákveða það í sameiningu að fara að vera með öðru fólki í sitthvoru lagi og Báðir þurfa að vera sammála/ánægðir með ákvörðunina því annars gengur þetta einfaldlega ekki upp!
Ef hann elskar hana eins mikið og þú segir þá ætti hann að vera löngu búin að tala við hana um þetta (I know I would!) og ef hún fer í eitthvað skítkast þegar hann fer að “skipta sér af þessu” má hún bara fara í rassgat, mér finnst útfrá þessu sem þú hefur líst að hann mundi labba beint til þessarar svokölluðu “vinkonu” sinnar ef þau mundu hætta saman, what do you think?
en ef hún hlustar og fer að vera aftur með honum þá á hann að segja henni frá þessari stelpu þó svo að hún sé bara vinkona því eins og þú sagðir að hann hrífst af henni, ef kærastinn minn mundi vera hrifinn eða hrífast (það er ekki svo mikill munur þarna á milli..) af einhverri annarri mundi mér þykja vænt um að fá að vita það..
ég held líka að þessi frændi þinn yrði ekki mjög ánægður að fá það í hausinn einhvern daginn að hún hafi eignast vin fyrir x tíma síðan og hún ætli að hætta með honum fyrir hann því hún væri smásaman að verða ástfangin af einhverjum öðrum?! hrifning hans gæti VEL orðið það mikil og hann tekið sénsinn á þessu því honum finnst hún betri “kostur”? burt með þessa stelpu ef þau halda áfram saman! hættulegt fyrir sambandið greinilega =/
Kannski svolítið “hart” hjá mér en þetta er allavega það sem ég mundi gera, þú sérð líka kannksi á þessu að ég hef frekar sterka skoðun á þessum málum en það er bara ég :) ) vonandi gengur allt upp hjá þeim og allir verða sáttir því ástin getur verið alveg yndisleg ;)
Takk f mig

Fyrra álit

barti fyrir 20 árum, 7 mánuðum

kasta hvaða sambandi i glæ mér heyrðist það vera þegar byrjað að rakna upp =/

en ég veit ekkert meira um það en þú

Fyrra álit

bonobo fyrir 20 árum, 7 mánuðum

Ég held að þetta með “hina einu réttu” sé bara kjaftæði. Það er ekki til neinn sem smellpassar við einhvern annan. Maður verður bara að láta sambandið virka. Það koma alltaf upp vandamál og eina lausnin er að reyna leysa þau!

Fyrra álit

snorka fyrir 20 árum, 7 mánuðum

Að vera í sambandi er sjúklega mikil vinna. Ef sambandið á að ganga þá verða báðir aðilar að leggja sitt af mörkum til að láta það virka. Ég held að öll sambönd eigi sína sénsa og það er hægt að láta þau virka, ef báðir aðilar vilja það og eru tilbúnir til að leggja sitt af mörkum. Að sjálfsögðu eru hæðir og lægðir og hver veit nema þetta sé bara smá lægð hjá þeim?
Samskiptin eru líka mjög mikilvæg. Ef fólk tjáir sig ekki, getur það ekki gert þá kröfu að aðrir viti hvernig því líður.

Delos Crapos

Fyrra álit

trim fyrir 20 árum, 7 mánuðum

Það er nú einu sinni þannig að engin veit hvað átt hefur fyrr en misst hefur. Kanski er best að drengurinn taki af skarið, þar sem honum líður ekki vel með stúlkuni og segi henni að nú sé komið að leiðarlokum í þeirra samskiftum. Það má vel vera að stúlkan sjái þegar á hólminn er komið, að hún er að glata sambandinu við hann og þá getur meira verið að hún meti upp á nýtt sambandið. Ef engar tilfiningar vakna við það hjá stúlkuni, þá er best fyrir hann að slíta sambandinu, það er öllum til góðs. Kær kveðja. Trim.

Fyrra álit

tempest fyrir 20 árum, 7 mánuðum

fyrra sambandið er hvort eð er að hrinja hann væri ekki að fórna miklu
“go with it”

Fyrra álit

ninafina fyrir 20 árum, 7 mánuðum

er hann búinn að tala við hana um þetta óréttlæti? að hann má aldrei vera að gera enitt þegar hún vill hitta hann en samt getur hún aldrei verið með honum þegar hann vill það? það skýrist nefnilega oftast allt með því bara að tala saman. smá ráð bara ;)

Fyrra álit

Libtechnologies fyrir 20 árum, 7 mánuðum

Segðu honum að drífa í því að slíta þessu, ég lenti í þessu eftir 4 ár í sama sambandinu, sem betur fer tókst okkur að endurnýja sambandið og erum nú hamingjusamari en nokkurn tímann áður :)

Ekki eyða meira í hana ef að þú ert efins.

Fyrra álit

Rómantík

Rómantík

Ofurhugar

Stjórnendur

Hverjir eru inni

Greinar

Rétt eða Röng fyrir hann?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi