Jæja, nú langar mig til að spyrja kvenfólkið (helst þær sem eru 18 ára og eldri) nokkurra spurninga sem brenna á vörum mínum.

Hvernig viljið þið að strákar/menn reyni við ykkur ?
Hvernig viljið þið alls ekki að við reynum við ykkur ?

Ég vil taka það fram að ég óska frekar eftir svörum þar sem aðstæður eru aðrar heldur en á næturlífinu eða öðrum fylleríis samkomum þó hitt væri auðvitað líka fínt.

Ástæðan fyrir því að ég spyr er sú að mér finnst sú skoðun ríkjandi hjá kvenfólki að allir karlmenn séu svín þegar kemur að viðreynslu.. Þar af leiðandi finnst mér oft erfitt að nálgast kvenfólk. Mér finnst líka eins og flest kvenfólk sé of merkilegt með sig og spili sig of mikið sem “hard to get” ? Er hræðslan við druslu-ímyndina hér á ferð ? Þetta finnst mér þó eiga meira við um mjög fallegt kvenfólk. Eru þær þá bara þreyttar á allri þeirri athygli sem þær fá ? Trúi því varla..

Einnig væri gaman að heyra af viðreynslum sem hafa “virkað” og einnig af viðreynslum þar sem gengið var langt yfir strikið.

Og hvers vegna er það þegar “góði og ljúfi strákurinn” reynir við stelpur, þá er honum yfirleitt hafnað en um leið og töffarinn og harði gaurinn sem kemur illa fram við þær þá er eins og stelpurnar falli fyrir honum ? Hvers vegna veljiði frekar “Mr. Rough guy” frekar en “Mr. Nice guy” ? Er þetta einhver þörf hjá ykkur að breyta þeim í góða gæja eða er meira spennandi að láta koma illa fram við sig en vel ?

Ímyndið ykkur að þið sjáið virkilega flottan gaur sem ykkur langar til að kynnast og komast í samband með.. Þið komist að því að hann er 24 ára og hefur aldrei verið í sambandi. Er hann minna spennandi eftir að þið komust að því að hann hefur aldrei verið í sambandi ? Ég er forvitinn vegna þess að ég hef aldrei verið í sambandi. Ég er þó aðeins yngri en þessi í dæminu og læt nú aðra um að dæma útlitið.

Og að lokum: Hvers vegna reynið þið svona sjaldan við stráka/menn ? Mér finnst eins og kvennfólk sé þeirrar skoðunar að það sé eitthvað sem við eigum að gera..


Ég vona að þið sjáið ykkur fært að svara þessum spurningum mínum. Engin skítköst takk fyrir.