Ömmm… Ráðgjöf?

Manneskjan á greinilega við all-illileg geðræn vandamál að stríða og þó það sé ljótt að segja það þá held ég að það væri best fyrir þig að gleyma henni.

Ef þú vilt reyna að halda í hana, þá verður þú að koma henni í meðferð hjá geðlækni og það sem fyrst. Það er ekkert sem þú getur gert sjálfur til að “laga” hana.

Þetta er ansi flókið ástand. En fyrst að þú gast kynnst henni og svo meira þá er hún ekki alveg lokuð fyrir öllu ókunnugu fólki sem er náttla von.

Þú gætir nátturlega reynt að kynnast henni enn meir en þá veistu að þú ert kominn í flókna aðstöðu og líf þitt mun breytast væni. Að eiga einhvern að í sjálfsmorðhugleiðingum er hryllingur. Sífelldar hringingar hvenær sem er um að kalla á hjálp.

En fyrst að stelpan er ekki dáin og leikur sér að því að skera sig er hún greinilega að kalla á hjálp og þú gætir í sjálfu sér hjálpað henni ef þú leggur þig allan fram en þá þarftu að leggja mikið á þig og þetta gæti orðið stór hlekkur í lífi þínu.

En hver veit nema allt skáni hjá henni og þið verðið hamingjusamt par sem væri frábært:)

hmm… hver veit?

það er greinilegt að hún á við mikil vandamál að stríða, en myndir þú hafa samvisku í það að hætta með henni, eða hætta að hitta hana og svo myndi hún deyja, ég er ekki að segja að þú eigir að koma sjálfum þér í sálræn vandamál með því að taka þetta allt inn á þig, en það er greinilegt að hún getur ekki hjálpað sér sjálf, og þá verður eihver annar að gera það, og ekki gerir fjöldskyldan það fyrir hana, prófaðu að hringja í t.d vinalínuna, eða á stígamót þau geta eflaust bent þér á aðferðir sem hægt er að finna til að hjálpa henni.

Prófaðu að hringja/tala við t.d. mömmuna. Farðu samt varlega.
Það er alveg augljóst að hún er að byðja um hjálp, því þeir sem gera svona trekk í trekk eru að byðja um hjálp.
Ef hún ætlaði að kála sér þá myndi hún bara gera það, myndi ekki vera að dunda sér við þetta þar sem von er á að fólk komi.
Skólarnir eru skítastaðir fyrir svona dæmi, þeir vilja bara losa sig við vandamál, ekki takast á við þau.
En þegar þú hefur aflað þér uppl. heiman frá henni, (væri kanski sniðugt að fara í heimsókn :o) )
og þér lýst ekki á málið, en villt óður og uppvægur hjálpa henni, þá tekur þú hana að þér og hún rífur öll tengsl við sitt fólk.
Ef þér tekst að bjarga henni frá martröðinni þá áttu lífstíðarvin.
EN, hafðu það hugfast að það þarf ALLS ekki að vera fjölskyldan sem fer svona með hana.
Ranghugmyndir um fólk er mjög algengt hjá svona stöddu fólki.
En ef þú tekur þetta að þér þá skaltu gera þér grein fyrir því að þetta er HELJARINNAR vinna og ábyrgð. Ertu tilbúinn fyrir það?
En í öllu falli: gangi ykkur báðum vel og árnaðaróskir til ykkar beggja.
kv. demco

Þetta er rosalega leiðinlegt.
En hún getur ekki verið grönn, er hún ekki frekar horuð? 1,78 og 50 kg! Sjálf er ég grönn og ég er 1,72 og 62 kg! hummm…. Hvað er þá verið að bulla í henni að hún sé feit! En ráð! Vertu bara góður við hana og segðu henni að hún sé falleg:)

Flutuu með hanna til mexico eða einhvad í burtu. Og vertu bara alltaf með henni. og eignist 15 börn og bara nenni ekki ad spá meira.

Það er kannski ekki gaman fyrir þig að heyra það en þetta samband er mjög líklega dæmt til þess að mistakast… það er ekki hægt að vera í sambandi sem gengur útá það að annar aðilinn er að reyna að “bjarga” hinum… Þetta er rosalega erfið staða sem þú ert í, en ég get bara sagt þér það af egin reynslu að ég var einu sinni með strák sem var pínulítið þunglyndur (Langt frá því að vera á nokkurn hátt jafn illa settur og stelpan sem þú ert að tala um) og þó að það hafi ekkert gengið neitt mikið á í sambanddinu sem slíku þá hafði þetta rosaleg áhrif á mig og ég varð sjálf hálf veik á því að vera í svona sambandi. Ég hef líka átt vin sem var inn og út af geðsjúkra húsum og maður var alltaf á nálum að einhvern daginn þá mundi hann stíga skrefið til fulls og taka líf sitt. þannig að ég veit hversu hræðilega taugatrekkjandi svona ástand getur verið. Þessvegna ættir þú að taka ákvörðun bygða á því hvernig þú munt koma útúr þessu því þú getur ekki verið að fórna þínu sálarlífi fyrir stelpu sem er á greinilega mjög bágt og er sjálfsagt þegar byrjuð að draga þig niður með sér því ég get rétt ímyndað mér hvað þér líður örugglega oft illa útaf þessu öllu saman.
En eins og einhver sagði hér áður þá á stelpan líklega ennþá smá von fyrst hún er ekki enn búinn að drepa sig alveg því ef það væri það sem hún vildi þá væri hún sennilega löngu búin að því. En þú verður að passa þig því þó hún sé ekki dáin líkamlega þá er stór partur af henni sjálfri dáin nú þegar því hún á alltaf eftir að bera þess merki um hversu þunglynd hún var… örin eiga aldrei eftir að hverfa… hvort sem við erum að tala um líkamlegu örin eða andlegu.
Auðvitað þykir þér vænt um hana og vilt ekki særa hana en það á enginn eftir að dæma þig þó að þú viljir ekki taka hana algerlega að þér og “bjargir” henni því það er kannski alls ekkert hægt og þú gætir þurft að fórna svo mörgu.
Ég mundi í þínum sporum segja henni að þú getir ekki alltaf lifað á milli vonar og ótta og því verði hún að leita sér meiri hjálpar, fara á lyf, taka sig á. þú getur svo alltaf stutt við bakið á henni og verið til staðar en það er hvorki gott fyrir þig né hana að vera í sambandi ef þessi baggi fylgir með…
En þetta er auðvitað bara mín skoðun og eflaust einhverjum sem finnst ég alveg ömurlega köld og illgjörn en ég tala samt sem áður af reynslu og það er oft óþarfi að þurfa að gera mistökin sjálfur til þess að geta lært af þeim…

Núna eru flestir búnir að ráðleggja þér að vera eins mikið með henni og þú getur. Þá verð ég að bæta inní að þú verður að passa sjálfan þig því það er rosalega erfitt (hef það frá vinkonu minni). Þegar einn aðili á rosalega erfitt einsog hún þá verður hún að leita hjálpar - það er bara númer 1, 2 og 3. Ef hún vill það ekki er voðalega lítið hægt að gera. En fyrst hún hefur reynt að fremja sjálfsmorð og farið upp á spítala hefur hún fengið að tala við geðlækni og þá á hún að fá tíma hjá öðrum geðlækni. Hvað segir hún við þessa lækna?? Ef þú vilt verða sá “útvaldi” til að hjálpa henni (sem þér finnst þú pottþétt verða að gera) þá verðurðu að reyna að koma henni í skilning um að hún þurfi á geðhjálp að halda og það er ekkert til að skammast sín fyrir. Ef hún heldur þessu áfram þá endar hún á geðdeild og ég held að hún ætti að vera þar (ekki taka þessu illa). Hún er pottþétt að kalla á hjálp og það getur líka verið að hún sé geðveikt reið út í sjálfa sig fyrir að geta ekki dáið og því lengri tími sem líður því meiri hætta á að henni takist það. Þannig að reyndu að gera eitthvað sem fyrst.
Vonandi batnar henni
kveðja,
snikkin

Ok þetta með menntaskólana…..þeir hefðu ekki rekið hana án þess að reyna að hjálpa henni eða láta foreldrana vita.
Fyrst svona er komið fyrir henni heima hjá henni og hún á ekki vini og þú virðist vera sá eini sem eitthvað hugsar hlýtt til hennar ættir þú að reyna að hjálpa henni og reyna að segja henni að líf hennar er ekki sóun á andrúmslofti….það er að segja efa þér er það hlýtt til hennar… hvað efa hún er ástin í lífi þínu?
Þetta með skurðina á handleggjunum og að hún sker sjálfa sig til gamans, þetta er mjög algengur hlutur hjá unglingum held ég, ég og ein af vinkonum mínum gerðum þetta hér áður fyrr, ég veit ég er bara 16 ára og algerlega óreynd í lífinu en ég hef reynt sumt og þegar ég skar mig svona… ég veit ekki hvernig skal orða það…. ég fann ekki fyrir því, mér leið svo illa innan í mér að stundum tók ég ekki eftir því hve langt ég var búin að skera. En svona mál snúast oftast um viðhorf manns eigin og annara að manni sjálfum, núna er ég byrjuð í menntaskóla og er í allt öðru umhverfi og ég bara hætti einn góðan veðurdagin að gera sjálfri mér þessa hluti. Þessi aldur 14-18 ára er líka erfiðasta aldurskeið sem farið er í gegnum á ævini.

Sálfræðingur í þrettán ár er það besta sem ég býð uppá.
Byrjaðu bara með henni og láttu henni líða vel með þér og bomba hana síðan nei sleppum því.
Gefðu henni ? dýrt í jólagjöf þá heldur hún að sé dýrmæt.what?
Þetta er bara bull með sultu

ég á við svipað vandamál og hún, þó ekki eins alvarlegt.

besta lausnin er að standa þétt við bakið á henni og styðja hana að öllu leiti. reyna að koma henni undir hendur sálfræðings líka. bara passa sig því það er fullt af sálfræðingum sem eru alveg kolruglaðir. :/

breyting á umhverfi gæti verið góð lausn líka, ég tala af reynslu.

Ég á vinkonu sem átti í þessum vandræðum. Kanski ekki alveg jafn hágu stígi en samt sem áður er hörmung að horfa upp á vanlíðan hennar.

Ef hún er ekki orðin 18 myndi ég hringja í barnavernd þeir munu mjög líklega koma henni af heimilinu sem fyrst.

Komdu henni úr þessu umhverfi sem fyrst það eina sem þetta umhverfir gerir er að drepa hana hægt og rólega. Ekkert lifir í ástvana umhverfi.
Vertu þarna fyrir hana.

Eina sem þú getur gert er að hvetja hana til að fara til geðlæknis, og á lyf, bara til að komast yfir fasann. Láta henni annars líða eins vel með sjálfa sig og mögulegt er. Ekki koma af stað erfiðum aðstæðum eins og uppgjöri við foreldrana.

En inngrip í svona aðstæður er það erfiðasta sem hægt er.

Það er erfitt að gefa ráð með því að heyra bara þitt sjónarhorn á málinu. Ef þetta er eins og þú segir og að hennar nánustu telja hana “litla ljóta andarungann” að þá er það best fyrir hana að koma sér þaðan í burtu og byrja nýtt líf. Ég hef aldrei heyrt um foreldra og hvað þá ömmu sem segir barnið sitt vera ljótt! Það er fyrst spurning um að skella sálfræðingnum á það lið. Annars er of mikið af fíflum í þessum heimi þannig að sálfræðingar hafa nóg að gera.
Annars get ég alveg tekið undir það að þú ættir að forða þér frá þessu því að ef hún tekur engum sönsum að þá geturðu ekki neytt hana til að fara til sálfræðings. En fyrsta skrefið fyrir hana er að koma sér úr “crazy world” og koma undir sig fótunum sjálf og byrja upp á nýtt.

Þessi stúlka þarf innlögn á sjúkrahúsi, neyðarvistun jafnvel, þar til það versta er gengið yfir. Svo þarf hún reglulega meðferð hjá geðlækni. Ég er ekki að grínast. Ég hef verið þunglynd og þekki fólk sem hefur verið þunglynt og þetta hljómar eins og 10x það sem við höfum upplifað og samt þurftum við á geðlækni að halda. Hún þarf professional hjálp og það er ekkert sem þú getur gert fyrir hana nema fá fjölskyldu hennar til að útvega henni hana.

reindu að talavið hana um hennar líðann. og stattu með henni. og hjálpaðu.