Samick2 fyrir 23 árum, 12 mánuðum Fjöldi lestra: 686

Í kjölfarið...

Ókey hugarar…
Hún hringdi í mig áðan… fyrrverandi. Henni var mikið niðri fyrir og ég bjóst við að fá eitthvað hrikalegt yfir mig. Ég veit ekki hvernig ég á að taka þessu! Ég er í þvílíku basli. Við töluðum lengi saman, mjög lengi. Málið er þannig að henni líður illa. Hún saknar mín, þarfnast mín, og vill bara vera með mér. Mér létti rosalega við að heyra þetta. Ég bjóst bara ekki við því að hún gæti þetta. Hún hefur ekki verið svona opin, hreinskilin og innileg við mig, í mjög marga mánuði (jafnvel ár). Ég get ekki vegið og metið hlutina alveg í kvöld, það er svo margt sem ég þarf að taka tillit til… aðallega sjálfs míns. Hún er stóra ástin mín og verður það líklegast… þannig að hún á stærsta hluta hjarta míns. Helmingurinn af mér, langar ekkert til að hugsa um þetta… bara stökkva strax af stað, en hinn helmingurinn veit að það yrði ósanngjarnt gagnvart mér, og mínum nánustu, og óttast það að allt muni fara í sama form og áður. Ég veit það að sama hvað ég hugsa um þetta þá langar mig að taka henni aftur, og ég hef sterkann grun um að ég geri það, en ég verð samt að koma þessu frá mér… Ég ætla að tala við mömmu og systur mína á morgun… því ég þarf hjálp við þetta… (aðallega vegna þess að mig langar meira en minna að taka henni). Þetta eru búnir að vera 4 langir, stuttir mánuðir… og mig langar til þess að líða betur. Ég á það skilið… mér finnst það! Ég veit að mér liði betur með henni, auk þess sem ég sæi son minn miklu oftar, en spurningin er hvursu lengi mun það vara? Ég var alveg tilbúinn að eyða ævinni með henni… og bara henni, en ég veit ekki alveg hvar ég stend. Ég ætla að hugsa málið vel og lengi… hún vildi ekkert ýta á mig… og ég ekki láta ýta á mig, en ég ætla að hitta þau um helgina. Ég ber bara ennþá það sterkar tilfinningar til hennar… ber ennþá endalausa virðingu fyrir henni, og mig langar ósegjanlega mikið… Bara eins og hún talaði þá hljómaði það eins og það eina sanna… og núna (ákkúrat núna) þá sakna ég hennar meira en orð fá lýst! Þetta er sú sem ég varð ástfanginn af. Ekki hin gribban sem var endalaust að kvelja mig, og særa. Hún vildi (mín vegna) ekki fara of geist… og er að tala um að hittast bara svona lítið, til að byrja með… og ég er að fíla það. Hún er bara orðin allt önnur… Það er ótrúlegt hvað söknuður getur gert! Ég hef alveg trú á því að við getum unnið úr öllu (eins og hún talaði) og ég veit að við getum það ef við viljum. Ég spurði hana bara beint út, hvort hún myndi elska mig. Ég fékk ekki beint svar, en ég veit að það sem hún var að segja allann tímann var að hana langaði til þess… mikið… Ég veit ekki neitt núna… og ætla því að reyna að sofa á þessu (býst ekki við því að sofa mikið) en það sem ég þyrfti frá ykkur er endalaus viska og stuðningur. Ég ber það mikla virðingu fyrir ykkur að ég stóla á stuðning ykkar…
Mig langaði bara til þess að deila þessu með ykkur… og ég ætla að leyfa ykkur að fylgjast með því hvað er að gerast í mínum hugarheimi…
Finnst gott að geta stólað og treyst á ykkur… þið eruð sannir vinir!
Tvíhuga…
Gromit

Tzipporah fyrir 23 árum, 12 mánuðum

Þetta er yndislegt að heyra Gromit minn. Taktu þér bara þinn tíma í að ákveða þetta og hugsaðu þig vel um.

Bara eitt sem ég vil ráðleggja þér. Ef þið ákveðið að hittast lítið til að byrja með, passið ykkur þá að gefa syni ykkar ekki of miklar vonir ef ske kynni að það gengi ekki upp. Það er svo erfitt fyrir börnin þegar foreldrarnir eru sífellt sundur-saman, sundur-saman. Passið ykkur að byrja ekki aftur saman bara útaf honum, þó það sé freystandi að leysa öll samskiptavandamál á þann hátt, að ég tali nú ekki um jólavandamálið. En passið ykkur á að hugsa líka um tilfinningar ykkar í garð hvers annars og spáið í hvernig þetta fer og hver er aðal ástæðan.

Ef þið ákveðið að taka aftur saman þá óska ég ykkur hjartanlega til hamingju og alls góðs í lífinu hér eftir. Ég bið fyrir ykkur.
Gangi þér vel að hugsa
Tzipporah

Fyrra álit

Alfons fyrir 23 árum, 12 mánuðum

Mín reynsla er sú að það að taka saman aftur gengur ekki upp. Það hefur bæði komið fyrir hjá mér og vinum mínum.
En sem betur fer þá eru til dæmi sem sanna hið gagnstæða þannig að ég óska þér bara góðs gengis í sambandi þínu og farðu varleg og farðu vel með sjálfan þig. Það er þín hamingja sem er mikilvægust.
Kveðja Alfons

-Song of carrot game-

Fyrra álit

gribba fyrir 23 árum, 12 mánuðum

þið þurfið að hugsa ykkur vel um og spá í ykkar tilfinningum áður en þið byrjið saman aftur, því það er tilfinningar barnsins sem þarf líka að hugsa um. Spáið vel í ykkar stöðu og vandið ykkur í samskiptunum.

gangi þér vel.

Fyrra álit

spacey fyrir 23 árum, 12 mánuðum

Mikið finnst mér gott að heyra þetta Gromit… þú ert allt annar maður. Passaðu þig samt að fara ofur varlega í þetta mál. Treystir þú henni fyrir þessu….þ.e. það sem hún er að segja ? ég er svo hrædd um að þetta sé bara söknuður sem er að koma upp á yfirborðið núna og hún vilji komast aftur í rútínuna sem hún var vön. Þetta er líka erfiður tími. Vonandi er hægt að treysta þessu.
Mér finnst allt í lagi að prófa í annað sinn, gefa þessu eitt tækifæri. Það er svo mikið í húfi.
Leyfðu okkur að fylgjast með Gromit…… ræddu við hana og fáðu álit hjá mömmu þinni… þú veist að ráð frá henni klikka aldrei….. :o)
Gangi þér vel að hugsa málið og taktu rétta ákvörðun fyrir litlu fjölskylduna þína ;o)
Spacey

Fyrra álit

[Notanda eytt] fyrir 23 árum, 12 mánuðum

Sko, mér finnst það gott mál ef að þið náið saman aftur. En, miðað við það sem ég hef lesið frá þér, þá lýst mér ekki á þetta. Ég ætla bara að segja það hreint út. Ég hef marg oft sagt það að ég trúi á annað tæki færi og það að maður eigi að reyna. Þannig að ég vona svo sannarlega að þetta gangi upp hjá ykkur. En ég óttast bara að ef það gengur ekki(en hlutirnir líta oft allt öðruvísi út þegar maður er heltekinn af sökknuði og sér hlutina ekki alveg í réttu ljósi)að þú verðir ennþá sárari og eigi eftir að líða ennþá verr. Ég skil þig samt fullkomlega að þrá þetta, og sérstaklega útaf syni þínum. Allt í lagi að prófa og sjá hvernig gengur, en bara fara hægt í sakirnar og ekki gera sér miklar vonir.
Vonandi gengur þér vel, gromit og endilega láttu okkur vita hvernig fer. Kveðja mks

Fyrra álit

demone fyrir 23 árum, 12 mánuðum

Get bara sagt eitt. Farðu varlega og passaðu upp á sjálfan þig! Manneskjur breytas ekki svo auðveldlega, hjá mér hefur alltaf verið sú regla í gildi að ef samband slitnar út af einhverju þá verður sú ástæða alltaf fyrir hendi!

Fyrra álit

POrTA fyrir 23 árum, 12 mánuðum

One more chance of happyness félagi láttu vaða en byrjaðu rólega og skoðaðu þig um i þessu vonandi verðandi sambandi ….vertu sammt viðbúinn að fá annan skell því að maar veit alldrei hvort “taka 2” gangi upp..

POrTA

Arguing on the internet is like running in the special olympics……Even if you win, you´re still retarded!

Fyrra álit

HJARTA fyrir 23 árum, 12 mánuðum

Strákur sem ég þekki og kærastann hans eru alltaf sundur og saman af því að hún er svo ráðrík að hann þolir það ekki. En hún hringir alltaf í hann og grætur í símann og segir að hún hafi breyst og ætli ekki að láta svona við hann, hann gefur henni alltaf tækifæri af því að hann elskar hana, en eftir mánuð er allt komið í sama horf, konur eru bara þannig að þær reyna að ganga eins langt og þær geta.
En ég vona svo innilega að þetta gangi upp hjá ykkur ef þið reynið aftur, en farðu varlega elsku gromit minn.
Þín vinkona
HJARTA

Kveðja

Fyrra álit

Krusindull fyrir 23 árum, 12 mánuðum

Jæja kæri Gromit
Það hefur ekki sést mikið til þín uppá síðkastið en þetta er allt gott mál og ég vona að þér fari að líða betur.
Það sem að ég vildi segja við þig var að fólk sem að ég þekki fór til hjónaráðgjafa og það hentaði þeim. Ég hef ekki prófað að fara til eins slíks þar sem að ég er svo lánsðm að þurfa þess ekki en ég held eins og þau lýstu þessu að það sé ekki vitlaus hugmynd og gæti hjálpað ykkur að fara ekki of geyst og þó sérstaklega fyrir son ykkar því að þið elskið hann og viljið hlífa honum eins vel og þið getið.
Gangi þér vel að taka ákvörðun.
Krusindull

Fyrra álit

Tzipporah fyrir 23 árum, 12 mánuðum

Það er mjög góð hugmynd að fara til hjónabandsráðgjafa og eitthvað sem ég held að þið ættuð að spá alvarlega í.

Fyrra álit

[Notanda eytt] fyrir 23 árum, 12 mánuðum

ég held að hjónabandsráðgjafi sé málið

ég hef aldrei haft neina trú í þeim milliliði

hann á það til að draga niður úr öðrum aðilanum og taka sér stöðu við hliðina á hinum

Fyrra álit

Lynx fyrir 23 árum, 12 mánuðum

Úff gromit :/ Þetta eru stórar ákvarðanir sem þú þarft að taka. Ég er sennilega ekki besta manneskjan til að ráðleggja þér, þar sem ég tók minn fyrrverandi til baka svona u.þ.b. hundrað sinnum og í hvert skipti versnaði ástandið eiginlega bara. Og því er ég eiginlega alls ekki hlutlæg :S Enda eru þetta líka spurningar sem enginn getur svarað nema þú og barnsmóðir þín… En vil sýna stuðning við hvaða þá ákvörðun sem þú tekur og óska þess innilega að þú finnir hamingjuna, hvar sem hún er falin. En vil taka undir samt með hinum: taktu þinn tíma og vertu alveg heiðarlegur við sjálfan þig, ekki láta söknuðinn byrgja þér sýn. Æi ég vona samt það besta, þú átt það svo skilið :) Hux og krossaðir fingur, Lynx ;)

Fyrra álit

honey fyrir 23 árum, 12 mánuðum

mikið hryllilega skil ég þig vel, ég las báðar greinarnar þínar og þessi rússibanatilfinninga ferð ég er svo að muna núna hvernig mér leið þegar ég var ólétt og viðkvæm ég myndi ekki óska neinum þessarar heljarfarar. ok núna ert þú á tímamótum og ætlaru að taka henni aftur eða ekki mér heyrist að þú sért svona að hallast á það.
En ég skal segja þér að svona leið mér alveg eins og þér upp og niður út og suður: tilfinningalega
mikið hrikalega var það erfitt tímabil.
Ég hélt að ég hefði breyst gagnvart mínum fyrrverandi ég meina væri orðið meira þægilegt okkar á milli en svo féll allt í sama farið aftur eftir að nýja brumið var farið.
ef þú vilt vera með henni og allt á að batna þá þurfið þið að gera það meðvitað, t,d að fara til ráðgjafa og laga hlutina sameiginlega og vera hreinskilin gagnvart hvort öðru og ég óska ykkur alls hins besta ef þiið verðið saman, en ein spurning er þetta virkilega það sem þú vilt vertu viss um af hvaða ástæðum þú vilt taka saman við hana aftur, en gættu að hjarta þínu, ekki gefa henni neitt fyrr en þú hefur róast ég veit þetta er spennandi en það er það ekki til langframa,
ég er bara að segja af minni reynslu og það er ekki mitt að vita hvað mun gerast hjá þér eða ykkur, ég er að reyna að miðla af minni reynslu vegna þess að ég upplifði nákvæmlega þessar rússíbana tilfinningar fyrr á þessu ári.
vonandi verður allt betra hjá þér en mér í ástamálunum. ég vill ekki vera neikvæð, sorry ef ég er að eyðileggja fyrir þér hamingjuna.
en gangi þér bara svo rosalega vel
þín huga vinkona
honey

Fyrra álit

casandra fyrir 23 árum, 12 mánuðum

Hæ, gromit
Datt í hug að leggja smá til málanna. Ég lenti í því að hætta með unnusta mínum eftir að við höfðum verið trúlofuð í langan tíma. Við enduðum málið mjög illa og vorum lengi sár út í hvort annað. Við gáfum sambandinu ekki tækifæri því við vorum bæði þrjósk og ákváðum að þetta myndi aldrei ganga. En … við vissu bæði að tilfinningar voru fyrir hendi, við elskuðum hvort annað í raun mjög heitt en … við létum pirring og leiðindi skemma allt fyrir okkur. Nú er ég gift og á litla fjölskyldu en fyrrverandi kærasti minn á enn allt of stóran hluta af hjarta mínu (3ur árum síðar). Við höfum vingast smátt og smátt og erum nú góðir vinir. Ég á eftir að naga mig í handabakið alla ævi fyrir að gefa sambandinu ekki tækifæri því ég sé það nú að það hefði léttilega gengið upp, við erum svo lík og eigum svo margt sameiginlegt. Þannig að ég vildi bara benda þér á að óvinskapur á yfirborðinu getur oft orsakast af ást, bæði eru sár yfir að hlutirnir gangi ekki sem skildi og við kannski ýkjum þetta og miklum fyrir okkur. Ég held að þið gerið barninu ykkar ekkert slæmt með að reyna, þið eruð þó alla vega að því fyrir ykkur öll og börn eru fljót að aðlagast. Ef þið sjáið það eftir einhvern tíma að hlutirnir ganga ekki upp, takið þið bara vel á því. Þið hafið þá amk reynt, ég hefði átt að gera það…
Gangi þér vel!

casandra

Fyrra álit

Rómantík

Rómantík

Ofurhugar

Stjórnendur

Hverjir eru inni

Greinar

Í kjölfarið...

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi