Ég hef áður skrifað grein um Sigur rós hingað inn. En þá skrifaði ég um uppáhalds plötuna mína með þeim; ( ).
Núna ætla ég að skrifa um Ágætis Byrjun sem er einnig mig góð plata. Með ætla ég að hafa textan við hvert lag.

Platan kom út hér á Íslandi í júní 1999 og í Evrópu í ágúst 2000. Þetta er mest selda platan sem Sigur rós hefur gefið frá sér til þesssa. Hún kom út í Bandaríkjunum 2001.

1. Intro.
Hef eiginlega ekki neitt um þetta að segja, en þetta er bara mjög stutt byrjun á disknum, 1.36 mín.

2. svefn-g-englar.
“Ég er kominn aftur
inn í þig
það er svo gott að vera hér
en stoppa stutt við
ég flýt um í neðarsjávar hýði
á hóteli
beintengdur við rafmagnstöfluna
og nærist
tjú tjú
en biðin gerir mig leiðan
brot hættan sparka frá mér
og kall á - verð að fara - hjálp
ég spring út og friðurinn í loft upp
baðaður nýju ljósi
ég græt og ég græt - aftengdur
ónýttur heili settur á brjóst
og mataður af svefn-g-englum.”

Lagið er svona týpískt Sigur rósar lag.. Er eitthvað lag týpískt? Gott við pirringi og róar mann niður - eins og flest önnur lög.

3. Starálfur.
“Blá nótt yfir himininn
blá nótt yfir mér
horf-inn út um gluggann
minn með hendur
faldar undir kinn
hugsum daginn minn
í dag og í gær
blá náttfötin klæða mig í
beint upp í rúm
breiði mjúku sængina
loka augunum
ég fel hausinn minn undir sæng
starir á mig lítill álfur
hleypur að mér en hreyfist ekki
úr stað – sjálfur
starálfur
opna augun
stírurnar úr
teygi mig og tel (hvort ég sé ekki)
kominn aftur og alltalltílæ
samt vantar eitthvað
eins og alla vegginna.”

Lag sem ég get hlustað á mörgum sinnum í röð. Ekki alveg eins rólegt og önnur lög, en samt rólegt.

4. Flugufrelsarinn.
“Hamagangur, ég þusti niður að læknum, bjargvættur.
ég gerði skip tilbúið og fór með litla bæn því ég var hræddur.
sólin skein og lækurinn seytlaði.
sóley - sóley flugurnar drepast.
en í dag á ég að bjarga sem flestum flugum.
með spotta í skip ég er með í hvorri hendi - ákveðinn.
ég kasta þeim út í hylinn og reyni að hala flugurnar inn áður en seiðin ná til þar sem þær berjast við strauminn og vatnið.
þannig líður dagurinn.
sjálfur kominn um borð, var farinn að berjast við bæjarlækinn sem hafði þegar deytt svo margar.
ég næ ekki andanum og þyngist við hverja öldu.
mér vantar kraftaverk því ég er að drukkna syndir.
ég reyni að komast um borð.
ég dreg í land og bjarga því sjálfum mér aftur á bakkann.
á heitan stein ég legg mig og læt mig þorna aftur.
ég kasta mér út í hylinn og reyni að hala flugurnar inn áður en seiðin ná til þeirra þar sem þær berjast við strauminn og vatnið.
gustur, allur rennblautur.
frakkur finnur hvernig báturinn er kominn og mesta straumnum og landið smám saman nálgaðist.
hann er bæði um borð í sjó og landi bjargandi flugunum sem farast hér.
þó sér í lagi sjálfum sér.
eilíft stríð og hvergi friður.
en það verður einhver að fórna sér.
dagarnir eru langir.”

Eitt af fyrstu lögunum sem ég heyrði mig Sigur Rós. Lagið er lengi að byrja en það er rólegt og gott. Hlustaði mikið á það án þess að vita með hverjum það væri, sem hefði ekki skipt máli því ég vissi ekki hvað Sigur Rós var þegar ég hlustaði alltaf á þetta lag.

5. Ný batterí.
“Heftur með gaddavír í kjaftinum sem blæðir mig
læstur er lokaður inn í búri
dýr nakinn ber á mig
og bankar upp á frelsari
ótaminn setur í ný batterí
og hleður á ný
og hleður á ný
og hleður á ný
og hleður á ný
við tætum tryllt af stað
út í óvissuna þar
til að við rústum öllu og reisum aftur
aftur á ný
aftur á ný
aftur á ný
aftur á bak þar sem við ríðum
aftur með gaddavír
sem rífur upp gamalt gróið sár
er orðinn ryðguð sál
rafmagnið búið
mig langar að skera
og rista sjálfan mig á hol
en þori það ekki
frekar slekk ég á mér
aleinn á ný.”

Mjög gott lag.. Hef eiginlega ekkert um það að segja. Hlustiði bara á það og þið munið skilja hvað ég meina.

6. Hjartað hamast {bamm bamm bamm}.
“Hjartað hamast
eins og alltaf
en nú úr takt við tímann
týndur og gleymdur heima hjá mér
alveg að springa í gegnum nefið
sný upp á sveitta sængina
stari á ryðið sem vex á mér
étur sig inní skelina
ég stend upp mig svimar
það molnar af mér
ég fer um á fótum
geng fram hjá mér
klæði mig nakinn
og fer svo úr
vakinn en sofinn
sef ekki dúr
hjartað stoppar
hreyfist ekki
kem gangráð fyrir
(sem ég kingi og fel)
finn startkapal
(og kveiki í mér)
sé allt tvöfallt
(tvöfallt svart)
kerfisbilun
(heilinn neitar)
held áfram að leita
óstjórnandi
(upplýsingar)
þarf aftur að mata
(mata mig)
tala upphátt og ferðast inni í mér leita
ég leita af lífi um stund
ég stóð í stað
með von að vin ég vinn upp smá tíma
leita að ágætis byrjun
en verð að vonbrigðum.”

Ekki mitt uppáhalds lag og ég hlusta ekki mjög mikið á það neitt sérstaklega. Samt ekkert leiðinlegt lag og fínt til að hlusta á. Söngurinn er eitthvað svo furðulegur og fer hálfgerlega í mig..

7. Viðrar vel til loftárása.
“Ég læt mig líða áfram
í gegnum hausinn
hugsa hálfa leið
afturábak
sé sjálfan mig syngja fagnaðarerindið
sem við sömdum saman
við áttum okkur draum
áttum allt
við riðum heimsendi
við riðum leitandi
klifruðum skýjakljúfa
sem síðar sprungu upp
friðurinn úti
ég lek jafnvægi
dett niður
alger þögn
ekkert svar
en það besta sem guð hefur skapað
er nýr dagur.”

Allra fyrsta lagið sem ég heyrði með Sigur rós. Það var vegna þess að myndbandið var alltaf að koma í sjónvarpinu. Þetta er líka lag sem flest allir þekkja og hlusta á kannski án þess að fíla Sigur rós. Muna ekki allir eftir myndbandinu? Strákarnir sem kyssast á fótboltavellinum..
Frábært lag. Eitt af mínum uppáhalds með Sigur rós.

8. Olsen Olsen.
Frábært lag. Hreint út sagt frábært. Enginn söngur og mjög skemmtilegur taktur í því og fínt að hlusta á það svona af og til.

9. Ágætis byrjun.
“Bjartar vonir rætast
er við göngum bæinn
brosum og hlæjum glaðir
vinátta og þreyta mætast
höldum upp á daginn
og fögnum tveggja ára bið
fjarlægur draumur fæðist
borðum og drekkum saddir
og borgum fyrir okkur
með því sem við eigum í dag
setjumst niður spenntir
hlustum á sjálfa okkur slá
í takt við tónlistina
það virðist enginn hlusta
þetta er allt öðruvísi
við lifðum í öðrum heimi
þar sem vorum aldrei ósýnileg
nokkrum dögum síðar
við tölum saman á ný
en hljóðið var ekki gott
við vorum sammála um það
sammála um flesta hluti
við munum gera betur næst
þetta er ágætis byrjun.”

Frábært lag. Hefði haldið að það ætti að vera númer 2 á plötunni (þar sem að platan inniheldur intro-lag). Þetta er titil lag plötunar og er bara frábært í alla staði. Mjög gott að hlusta á það.

10. Avalon.
Get ekki sagt að ég hafi oft hlustað á þetta lag. Finnst svo sniðugt samt nafnið á þessu lagi.
Það er samt bara mín skoðun að lagið er eiginlega alveg nákvæmlega eins þangað til að það er hálfnað og ef maður vill virkilega hlusta á það - verður maður að hækka.
Ekki samt mitt uppáhalds lag. Með 2 lélegustu á plötunni…

–

Þessi - ásamt öllu öðrum - plata er bara snilld.
Ég ráðlegg ykkur að kaupa ykkur hana, dl henni eða skrifa hana, helst í gær.
Ásamt öllum öðrum sem þeir hafa gefið út.

Vona að þetta hafi verið góð lesning - Þó ekki mjög fróðleg en skemmtileg samt sem áður.

Takk fyrir mig og helst engin skítköst takk (gerði það fyrir ykkur að skrifa Sigur rós núna ;)