Ég tók þetta allt saman af skifan.is.

Rammstein tónleikarnir verða föstudaginn 15. júní í Laugardalshöll. Miðaverð er 4500 kr. í stæði og 4900 kr. í stúku. Miðasla hefst mánudaginn 28. maí kl 10:00 í verslunum Skífunnar, Laugavegi og Kringlunni, Músik & Mynda, Austurstræti og Mjódd, Pennanum/Bókaval Akureyri og á www.midasala.is.

Aldurstakmark er 13 ár en það er í fínu lagi að mæta með forráðamann ef þú hefur ekki náð þessum skemmtilega aldri.

Húsið opnar klukkan 19:00 og mun hljómsveitin HAM hita upp fyrir Rammstein.

Öll myndataka og upptaka á tónleikunum er stranglega bönnuð.

Ölvun á tónleikastað ógildir miðann. Enginn afsláttur eða endurgreiðsla er veitt. Einnig er ekki hægt að panta fyrirfram.

Sérstökum palli verður komið upp fyrir hjólastólafólk og fatlaða. Pallurinn verður fyrir neðan stúkuna, við hliðina á “mixerborðinu”.