Tekið að www.mbl.is

Bandaríska rokksveitin Incubus er á leið til Íslands samkvæmt vefsíðunum Incubus Online og Incubus View. Á tónleikaplani sem birt er á síðunum má sjá að 11. júní er tekinn frá fyrir Íslandsdvöl og ekki annað gefið í skyn en að sveitin ætli að halda tónleika hér á landi.
Samkvæmt áreiðanlegum heimildum Morgunblaðsins eiga þessar upplýsingar við rök að styðjast, að hluta í það minnsta. Incubus er á leið til Íslands á árinu en nákvæm dagsetning liggur ekki fyrir og sú dagsetning sem fram kemur á vefsíðunum erlendu hvergi nærri örugg. Samningaviðræður standa nú yfir við sveitina, eru að sögn nálægt því að vera komnir í höfn og virðist því fátt geta komið í veg fyrir að hún haldi tónleika á Íslandi á yfirstandandi heimsreisu sem mun taka stóran hluta ársins 2004.

Incubus er ein af vinsælustu rokksveitum í heiminum í dag og gaf nýverið út sína fimmtu plötu A Crow Left Of The Murder sem er nú meðal söluhæstu platna á Íslandi sem annars staðar.

Tjékkið á http://www.incubus-online-view.com/

Kv Hrislaa